روسیه جمهور باشلیغی ولادیمیر پوتین، رسمی بیر سفر ده آذربایجان پایتختی باکو گه یېتیب بارگن. خلقارا یېتکرمهلر نینگ معلوماتی اساسیده، پوتین جنابلری ۲۸-اسد، یکشنبه دن دوشنبه گه اوتر کیچه آذربایجان گه تشریف بویرگن. روسیه جمهور باشلیغی اوشبو سفریده آذربایجان هوا قونالغهسیده مذکور مملکت باش وزیری نینگ بیرینچی اورین باسری یعقوب ایوباوف تامانیدن کوتیب آلینگن.
اسپانیا ده بارسلونا، لالیگا بیرینچی هفتهسیده «مستایا» سپورت میدانیده والنسیا مهمانی اېدی. بو مسابقه ۲۸-اسد، شنبه دن یکشنبه گه اوتر کیچه، اسپانیا نینگ والنسیا ولایتی «مستایا» سپورت میدانیده بولیب اۉتدی. اوشبو مسابقه ده بارسلونا، ۲:۱ حسابی بیلن والنسیا گه غلبه قازانیب و ۲۰۲۴ و ۲۰۲۵-ییل لالیگا مسابقهلرینی غلبه بیلن باشلهدی. بو مسابقه ده بارسلونا اوچون لواندوفسکی، ایکیله گل نی اوریش گه اولگوردی و ایکّینچی گل نی اېسه پنالتی نقطهسیدن اوریش گه قادر بولدی.
فلسطین ساغلیقنی سقلش وزیرلیگی بیر بیانیه ترقهتیب اعلام قیلیشیچه، اسرائیل نینگ غزه گه اویوشتیرگن هجوملری نتیجهسیده فلسطین قربانیلری سانی ۴۰ مینگ کیشیدن آشگن.
رئال مادرید اروپا سوپر کپی ده ایتالیا نمایندهسی آتالانتا گه غلبه قازانیب و آلتینچی مراتبه قهرمان بولدی. بو مسابقه ۲۴-اسد، چهارشنبه دن پنجشنبه گه اوتر کیچه پولند نینگ «ورشو شهری» ده بولیب اوتدی. اوشبو مسابقه ده رئال مادرید تیرمه جماعهسی ۲:۰ حسابی بیلن آتالانتا گه غلبه قازانیب و آلتینچی مراتبه قهرمان بولدی.
رئال مادرید و آتالانتا تیرمه جماعهلری، اروپا سوپر کپی ده بیللهشه دیلر. اوشبو مسابقه بوکیچه (۲۴-اسد، چهارشنبه) پولند نینگ «ورشو شهری» ده افغانستان وقتی بیلن ساعت ۱۱:۳۰ ده یولگه قوییلیشی ریجهلشتیریلگن.
اسرائیل نینگ هجوملری عاقبتیده ۲۰۲۳-ییل سکیز اکتوبر دن حاضرگه قدر، حزبالله لبنان نینگ ۴۰۷ اعضاسی هلاک بولگن. حزبالله لبنان حرکتی تلگرامی ده بیر بیانیه ترقهتیب، ۲۰۲۳ییل سکیز اکتوبر دن حاضرگه قدر اوشبو حرکت نینگ ۴۰۷ اعضاسی، اسرائیل اردوسی نینگ هوا و راکته هجوملریده هلاک بولگنینی معلوم قیلگن.
یوگاندا پایتختی ده بیر تېپه قولشی عاقبتیده تلفات رقمی ۲۱ کیشی گه یېتگنی معلوم قیلینگن. رویترز نینگ معلوماتی اساسیده، بو واقعه ایکّی کون آلدین یوگاندا پایتختی حدودلری گه قرهشلی کامپالا منطقهسیده یوز بیرگن.
اوشبو مسابقهلرده امریکا قۉشمه ایالتلری نینگ عیاللر بسکتبال ملی تیرمه جماعهسی ۲۱-اسد، یکشنبه کونی ۲۰۲۴-ییل پاریس المپیک رقابتلری نینگ فاینل باسقیچیده فرانسه گه غلبه قازانیب اوشبو اویینلر نینگ غالبی اعلام بولدی.
یېتکرمهلر نینگ معلوماتی اساسیده، پاکستانده سۉنگی آلتی هفته موسمی یاغنچیلیکلر طفیلی بو مملکت بویلب چمهسی ۱۵۶ کیشی قربان بولیب و شونینگدیک، مذکور مملکت نینگ جنوبی قسمی بلوچستان ایالتی نینگ اوزاق قیشلاقلریده طبیعی آفتلر طفیلی ۱۱ سرطان دن حاضرگه قدر بیر مینگ ۸۰۰ یشش اوی، باغلر بوزیلگن.
اسرائیل اردوسی نینگ غزه ده هجوملری عاقبتیده فلسطینلیک آلتی کیشی هلاک بولگن. تورکیه آناتولی آژانسی گه کوره، بوگون (۱۸-اسد، پنجشنبه) اسرائیل اردوسی نینگ غزه شهریده ایکّی یشش اوی ده اۉیوشتیرگن هجوملری عاقبتیده آلتی کیشی قربان بولیب و باشقه بیرقطار کیشیلر یرهلنگن.
ایران جمهور باشلیغی مسعود پزشکیان، فرانسه جمهور باشلیغی امانوئل مکرون بیلن تلفونی علاقه ده، ایران باسیملر گه قرشی هېچ قچان جیم تورمسلیگی حقیده آگاهلنتیرگن. ایران یېتکرمهلری، ۱۷-اسد، چهارشنبه کونی اوشبو مملکت جمهور باشلیغی نینگ فرانسه دولت رهبری بیلن تلفونی گپیرگنیدن خبر بیرگنلر.
روسیه حربی کوچلری نینگ اوکراین شمال-شرقی حدودلری خارکیف ده راکته هجومی عاقبتیده بیر کیشی هلاک بولیب و باشقه ۱۲ کیشی یرهلنگن. رویترز آژانسی، روسیه حربی کوچلری ۱۶-اسد، سهشنبه کونی اوکراین نینک شمال-شرقی حدودلری خارکیف ده راکته هجوم اۉیوشتیرگنینی معلوم قیلگن.
حماس گروهی نینگ ییریک رهبرلریدن یحیا سنوار، اسماعیل هنیه اۉرنیده اېتیب تعیینلنگن. اوشبو گروه ۱۶-اسد، سهشنبه کونی بیر بیانیه ترقهتیب، یحیا سنوار حماس نینگ ینگی باشلیغی اولهراق تعیینلنگنینی بیلدیرگن. الجزیره گه کوره، اسرائیل یحیا سنوار نی اۉتگن ییل ییتّی اکتوبر ده اوشبو مملکت نینگ جنوبی حدودلریده حماس جنگریلری تامانیدن اۉیوشتیریلگن هجوم اصلی طراحسی بیلهدی.
رویترز آژانسی گه کوره، ایران جمهور باشلیغی مسعود پزشکیان ۱۵-اسد، دوشنبه کونی اوشبو مملکت ده روسیه فدراسیونی ملی خوفسیزلیک کینگش کاتبی بیلن اوچرهشووده، بو مملکت نینگ ایران نی «استراتیژیک شریکی» اتهب و روسیه بیلن مناسبتلرنی مستحکملش آرتیدهلیگینی بیلدیرگن.
غزه ساغلیقنی سقلش وزیرلیگی نینگ اعلام قیلیشیچه، سونگی ۲۴ ساعتده نوار غره گه اسرائیل نینگ اویوشتیرگن هجوملری عاقبتیده، کمیده ۴۰ کیشی اولیب و ۷۱ کیشی ایسه یرهلنگن.
اسرائیل اردوسی نینگ غزه شهری ده آوارهلر مکتبی همده رفح شهری جنوبی حدودلریده هوا هجوملری عاقبتیده فلسطینلیک ۲۴ کیشی قربان بولگن. رویترز نینگ گزارشی اساسیده، اسرائیل اردوسی ۱۳-اسد، شنبه کونی غزه حدودلری «شیخ رضوان» ده آوارهلر ییرلشگن مکتب ده اۉیوشتیرگن هوا هجوملریده فلسطینلیک ۱۵ کیشی قربان بولگن.
