۱۸-اکتوبر کونی اعلان قیلینگن مقاله‌ده قید ایتیلیشیچه، گل و نقش‌لر بیلن بیزه‌تیله‌دیگن، عنعنه‌وی تندیرلرده یاپیله‌دیگن اۉزبېک نانی نه‌فقط طعمی، بلکه تیارلنیش اصولی و کورینیشی بیلن هم اجره‌لیب توره‌دی. اۉزبېکستانده نان حدود گه قره‌ب تورلیچه بولیشی، تاشکینت‌دن تا سمرقندگچه، هر بیر ولایت‌نینگ نانی اۉزیگه خاص شکل، مزه‌سی بیلن فرقلنیشی تأکیدلنگن.
فلسطین دولتی یېتکرمه‌لر اداره‌سی، غزه‌ده آتیش کېسین برقرار ایتیلگنیدن بیری، اسرائیل هجوملری عاقبتیده چمه‌سی ۹۷ فلسطین‌لیک هلاک بولگنینی بیلدیردی.
قزاقستان‌نینگ تورکستان شهریده اۉزبېک تیلی، مدنیتی، و عنعنه‌لریگه بغیشلنگن معنوی-معرفی تدبیر بولیب اوتدی. اۉزبېکستان یېتکرمه‌لری ۲۸-میزان، دوشنبه کونی گزارش ترقه‌تیب بو حقده خبر بیرگن.
اۉزبېک تیلی‌نینگ ملی کونیدن، تورکیه‌نینگ استانبول شهریده اوشبو مملکت عملدارلری، افغانستان، اۉزبېکستان، آذربایجان، قزاقستان، سوریه و عراق تورکلری، شرقی تورکستان مدنی جمعیتلری وکیللری، عالملر و عیاللر اشتراکی بیلن نشانلندی. بو تدبیر، ۲۶-میزان، شنبه کونی محلی وقت بیلن تورکستان ایللری اوقوو، کلتور و خیریه جمعیتی تشبثی بیلن، استانبول‌ده یشه‌یاتگن افغانستان‌لیک تورک اویوشمه‌لر همکارلیگیده اۉتکزیلگن.
۲۹-میزان اوزبیک تیلی ملی کونی مناسبتی بیلن، امریکا‌نینگ پنسیلوانیا ایالتی «فیلادلفیا» شهریده، «تیمور» فرهنگی و اجتماعی انجمنی تامانیدن طنطنه‌لی شکلده بیر احتفال اوتکزیلگن.
پاکستان تشقی ایشلری وزیرلیگی‌نینگ اعلام قیلیشیچه، اوشبو مملکت مدافعه وزیری خواجه محمد‌آصف، اسلام امیرلیگی نماینده‌لری بیلن مذاکره قیلیش اوچون قطر پایتختی دوحه گه کیتگن.
خلق‌ارا آزیق-آوقت کونی بیلن بیرگه، بیرلشگن ملتلر تشکیلاتی باش‌کاتبی آنتونیو گوترش، دنیا ده آچلیک کوچه‌یشی‌گه نسبت آگاه‌لنتیریب و ایتیشیچه، دنیا بویلب حاضرگچه هر کیچه قریب ۶۷۳ میلیون کیشی آچ اوخله‌یدی.
چین ییر شناس‌لری دنیا علم-فن جماعت‌چیلیگینی حیرت گه سالگن کشفیات حقیده معلوم قیلدی. یېتکرمه‌لرنینگ معلوماتی گه کوره، چین‌نینگ هونان ولایتیده دنیاده‌گی اېنگ کتته «آلتین» کانی تاپیلگن. دستلبکی حساب-کتاب‌لر گه کوره، ییر آستیده بیر مینگ ۱۰۰ تن‌گچه آلتین موجود بولیشی ممکن. بو مقدار حاضرگی بازار نرخ‌لریگه کوره، تخمیناً ۸۳ میلیارد امریکا دالری قیمتیگه تینگ. چین دولت یېتکرمه‌لری گه کوره، کشفیات پینگ‌جیانگ شهری وانگو کانی حدودیده عملگه آشیریلگن.
خلق‌ارا یېتکرمه‌لرنینگ معلوماتی گه کوره، اسرائیل حربی کوچلری‌نینگ اوق آتیشی نتیجه‌سیده ۹ فلسطین‌لیک هلاک بولگن.
بنگله‌دیش‌ده کییم-کیچک ایشخانه‌سیده صادر بولگن یانغین عاقبتیده چمه‌سی ۱۶ کیشی هلاک بولگن و رسمی‌لر واقعه طفیلی اولگنلر سانی آشیشی حقیده آگاه‌لنتیرگن.
معلومات‌لر گه کوره، اوکراین حربی خذمتیدن قاچه‌یاتگنلر سانی اېنگ کوپ اوشبو مملکت‌نینگ غربی حدودلریده قید ایتیلگن. یېتکرمه‌لرنینگ معلوماتی گه کوره، خصوصاً ۴۱۷ مینگ حربی قاچقین‌نینگ یریمی لویو، ترنوپیل و ایوانو-فرانکیفسک ولایت‌لریده استقامت قیلووچی اهالی حسابلنه‌دی. قالگن ولایت‌لرده بو کورستکیچ بیر نیچه برابر پست. مثلاً کی‌یف و اودسا ولایت‌لریده حربی خذمت‌دن بویین تاوله‌گنلر لیو ولایتیگه قره‌گنده ۱۰ برابر کم بولیشی تأکیدلنگن.
ونزویلا رسمیلرینینگ اعلام قیلیشیچه، اوشبو مملکت جنوبشرقیسیده جایلشگن آلتین کانینینگ قوله‌شی عاقبتیده، کمیده ۱۴ کیشی هلاک بولگن.
بیرلشگن ملتلر تشکیلاتینینگ یاردم ییتکزیش بوییچه باشلیغی تام فلچر، غزه گه یاردم بیریش و اونملی آستقورمهلرنی فعال سقلش اوچون ۱۱ میلیون دالرنینگ اجرهتگنینی معلوم قیلگن.
امریکا جمهور باشلیغی دونالد ترامپ، اسرائیل پایتختی تل‌آویو گه سفر قیلگن. خلق‌ارا ییتکرمه‌لر‌نینگ گزارش بیریشیچه، دونالد ترامپ بولگن اوچاق تل‌آویو ده‌گی «بن گورین» خلق‌ارا هوا قونالغه‌سی‌گه بارگن.
الجزیره خبری ترماغینینگ گزارش بیریشیچه، آتیش کیسین ریجهسی اساسیده، حماس و اسرائیل بوگون (دوشنبه، ۲۱-میزان)، گروگه آلینگن اسرائیللیکلر و فلسطین‌لیک محبوسلرنی المشتیرهدیلر.
امریکا جمهور باشلیغی دونالد ترامپنینگ ایتیشیچه، مملکتلر آره‌سیده‌گی توقنشوولرگه چیک قوییش مهارتیگه ایگه دیر.
