حزب‌الله لبنان، اسرائیل نینگ حربی بیر مرکزینی راکته بیلن نشانگه آلگنیدن خبر بیرگن. رویترز آژانسی، حزب‌الله لبنان ۱۲-عقرب، شنبه کونی اسرائیل پایتختی تل‌آویو حدودلریده بو مملکت نینگ حربی بیر مرکزینی نشانگه آلگنینی معلوم قیلگن. معلوماتلر اساسیده، حزب‌الله لبنان نینگ اسرائیل گه راکته هجومی عاقبتیده ۱۱ کیشی یره‌لنگن. حزب‌الله، نیچه راکته و اوچووچی‌سیز اوچاق بیلن اسرائیل شمالیده حربی مرکزلرنی نشانگه آلگنینی اېتگن.
اسپانیانینگ شمالی حدودلری والنسیا ده کوچلی یامغیر یاغیب و سوو تاشقینی یوز بیریشی عاقبتیده حاضرگه قدر چمه‌سی ۲۱۱ کیشی قربان بولگن. یورونیوز معلوماتی اساسیده، اۉتگن هفته ۷-عقرب، دوشنبه کونی اسپانیانینگ شمالی حدودلری والنسیا ده کوچلی یامغیر یاغیب و سوو تاشقینی یوز بیریشی عاقبتیده حاضرگه قدر کمیده ۲۱۱ کیشی قربان بولیب و باشقه اونلب کیشی لادرک بولگن.
اسرائیل نینگ غزه گه اویوشتیرگن ینگی هجوملری عاقبتیده، ۵۰ باله شامل ۸۴ کیشی قربان بولیب و اونلب کیشی ایسه یره‌لنگن. المیادین خبری ترماغی نینگ گزارش بیریشیچه، اسرائیل اردوسی اوتگن نیچه ساعت ایچیده نوار غزه شمالی‌ده‌گی یشش بنالرنی نشان گه آلگن.
روسیه مدافعه وزیرلیگی، اوشبو مملکت اردوسی اوکراین شرقی حدودلریده دونتسک‌نینگ یاسنایا پلیانا منطقه‌سینی باسیب آلگنیدن خبر بیرگن. تاس آژانسی ۱۰-عقرب، پنج‌شنبه کونی روسیه مدافعه وزیرلیگیدن نقل قیلیب اوشبو مملکت اردوسی یاسنایا پلیانا منطقه‌سینی باسیب آلگنینی معلوم قیلگن.
فلسطین ساغلیق‌نی سقلش رسمی‌لری نینگ اعلام قیلیشلریچه، اسرائیل نینگ غزه گه اویوشتیرگن هجوملری عاقبتیده، کمیده ۱۴۳ کیشی قربان بولیب و اونلب کیشی ایسه یره‌لنگن.
«آیبیک عثمانوف» اۉزبېکستان نینگ افغانستانده‌گی ایلچیسی صفتیده اېتیب تعیینلگن. اۉزبېکستان «کون اوز» یېتکرمهسی، بوگون (۷-عقرب، دوشنبه) ترقه‌تگن گزارشیده، آیبیک عثمانوف اۉزبېکستان نینگ افغانستانده‌گی ایلچیسی صفتیده اېتیب تعیینلنگنیدن خبر بیرگن.
اۉزبېکستان مرکزی سیلاو کمیته‌سی، اوشبو مملکت پارلمان و محلی کینگش سیلاولری نینگ دستلبکی نتیجه‌سینی بوگون (۷-عقرب- ۲۸-اکتوبر، دوشنبه) اعلان قیلدی. اۉزبېکستان سیلاو کمیته باشلیغی زین‌الدین نظام خوجه‌یوف نینگ معلوم قیلیشیچه، اۉتگن کونی بولیب اۉتگن پارلمان و محلی سیلاو کینگشی ده ۱۹ میلیون ۹۴۴ مینگدن آرتیق سیلاوچیدن ۱۵ میلیون ۲۷ مینگ ۵۲۹ کیشی یعنی ۷۴.۷۲ فایزی آواز بیرگن.
اسپانیاده لالیگا اویینلری ۱۱-هفته‌سیده، بو مملکت نینگ اېنگ کوچلی و یولدوزلی جماعه‌لری رئال مادرید و بارسلونا بیلله‌شه‌دیلر. فوتبال بوییچه دنیا ده اېنگ قیزیق اویینلردن بیری اوله‌راق لقب آلگن اوشبو مسابقه، اوشبو کیچه (۵-عقرب، شنبه) کابل وقتی بیلن ساعت ۱۱:۳۰ ده یولگه قوییله‌دی.
سعودی عربستان و عمان، اسرائیل نینگ ایران گه هجومینی قاره‌له‌گنلر. اسرائیل بوگون (۵-عقرب، شنبه،) ایران گه هجوم قیلگنیدن سۉنگ، سعودی عربستان تشقی ایشلر وزیرلیگی بیر بیانیه ترقه‌تیب اسرائیل نینگ ایران حربی مرکزلری گه هجومینی خلق‌ارا قاعده‌لر گه قرشی دیب و بونی قاره له‌گن.
اسرائیل اردوسی، ایران نینگ اسرائیل گه راکته هجوملری گه جواب، اوشبو مملکت نینگ حربی مرکزلرینی نشانگه آلگنیدن خبر بیرگن. خلق‌ارا یېتکرمه‌لر، اسرائیل اردوسی بوگون ( ۵-عقرب، شنبه) بامداد پیتی ۱۰۰ دن آرتیق جنگری اوچاق و اوچووچی‌سیز اوچاق‌لر بیلن ایران نینگ تورلی حدودلریده بو مملکت نینگ بیرقطار حربی مرکزلرینی نشانگه آلگنینی اېتگنلر.
اسرائیل، حزب‌الله لبنان نینگ راکته هجوملری عاقبتیده ۱۰ عسکری هلاک بولیب و باشقه ۲۴ عسکری یره‌لنگنیدن خبر بیرگن. اسرائیل اردوسی، بوگون (۴-عقرب، جمعه) بامداد پیتی بیش عسکری، لبنان جنوبی حدودلریده حزب‌الله نینگ راکته هجومیده هلاک بولیب و ۲۴ عسکری یره‌لنگنینی معلوم قیلگن. معلوماتلر اساسیده، اسرائیل‌لیک یره‌لنگن تورت عسکر نینگ احوالی آغیر دیر.
غزه ساغلیق‌نی سقلش رسمی‌لری، اسرائیل اردوسی نینگ خان‌یونس ده هجومی عاقبتیده ۱۴ باله شامل ۳۳ کشی قربان بولگنینی معلوم قیلگنلر. الجزیره یېتکرمهسی بوگون (۴-عقرب، جمعه) بو کیشیلر اسرائیل اردوسی نینگ خان‌یونس ده هجومی عاقبتیده قربان بولگنلرینی اېتگن.
اۉزبېکستان ایچکی تولیدلری ایککی کونلیک کورگزمه‌سی اوشبو مملکت نینگ «ترمذ» شهریده آچیلگن. اۉزبېکستان سرخان دریا ولایتی حاکمی اولوغ‌بیک قاسم‌اوف، بو کورگزمه اۉزبېکستان نینگ ایچکی تولیدلری گه بازار قیدیریش و باشقه‌لر گه تانیشتیریش مقصدیده آچیلگنینی اېتگن.
تورکیه پایتختی انقره شهری یقینیده اوشبو مملکت نینگ هوا و پروازلر بیلن باغلیق تکنالوژی و صناعت کمپنیه‌سیده قانلی هجوم طفیلی، بو مملکت مدافعه وزیرلیگی عراق و سوریه شمالی حدودلریده کردستان ایشچی حزبی نینگ قرارگاه‌لری نشانگه آلینگنینی معلوم قیلگن.
الجزیره یېتکرمهسی، حزب‌الله لبنان ۲-عقرب، چهارشنبه کونی اوشبو راکته‌لر بیلن اسرائیل پایتختی و بو مملکت نینگ شمالی حدودلرینی نشانگه آلگنینی اېتگن. معلوماتلر اساسیده، اۉتگن کون شام پیتی تورت راکته لبنان دن اسرائیل تامانیدن آتیلگن. اسرائیل اردوسی اوشبو هجوملرنی تصدیقلسه ده، بیراق بو راکته‌لر نینگ کوپینچه‌سی یوق اېتیلیب و باشقه بیرقطاری بوش اهالیسی بولمه‌گن حدودلرده توشگنینی معلوم قیلگن.
«بریکس» ییغیلیشی ۳۶ مملکت نینگ اشتراکی بیلن روسیه ده یولگه قوییلگن. خلق‌ارا یېتکرمه‌لر نینگ معلوماتی اساسیده، بو ییغیلیش ۱-عقرب، سه‌شنبه، روسیه نینگ «کازان» شهریده اوشبو مملکت جمهور باشلیغی ولادیمیر پوتین نینگ میزبان‌لیگی بیلن یولگه قوییلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
