دنیا بویلب ینگی ییلنی اینگ بیرینچی بولیب کیربیاتی اهالیسی کوتیب آلهدی. اوشبو دولت لاین آراللری آرقهلی سیارهدهگی اینگ قدیمی منطقه حسابلنهدی. کیربیاتده بیرهم کیچهسی عادتده اقیانوس ساحللریده اوتکزیلهدی. محلی اهالی ساحللرده توپلنیب، موشکبازلیکلر و بیرمانه تدبیرلر آرقهلی ینگی ییلنی قرشی آلهدی. سیاحلر هم ییلنینگ اینگ بیرینچی ینگی ییلی نی کوریش اوچون بو ییرگه مخصوص تشریف بویرهدی.
سوریهنینگ حلب شهریده یوز بیرگن خودکش هجوم نتیجهسیده، خوفسیزلیک کوچلریدن بیرتهسی اولیب و باشقه ایکی کیشی یرهلنگن. سوریه ایچکی ایشلر وزیرلیگینینگ اعلام قیلیشیچه، هجومچی اوتگن کیچه مقصدگه ییتیشمسدن آلدین، امنیتی گزمه یقینیده پارتلاوچی کمربندینی پارتلتگن.
آردا گولرنینگ قیمتی، رئال مادرید گه قوشیلگنیدن بویان ایکی برابر آشگن و اونینگ نامی تورکیه فوتبال تاریخیگه کیریتیلدی.
سوریه جمهور باشلیغی ابومحمد جولانی احمد الشرع و اوشبو مملکت مرکزی بانک باشلیغی عبدالقادر الحصریه تامانیدن، بو مملکتنینگ ینگی پولی نمایش ایتیلدی.
اوزبیکستانده، اوزبیک علم-فن تیزیمینی چقور مدرینیزه قیلیش جریانیده میلادی 2026-ییل، 1-جنوریدن فنلر اکادمیهسی ایش باشلهیدی.
اندونزیانینگ سولاوسی جزیرهسیده «مانادو» شهریده جایلشگن کیکسهلر یشهیدیگن اویده یوز بیرگن یانغین عاقبتیده، ۱۶ کیشی قربان بولیب و اوچ کیشی یرهلنگن.
شمالی کوریا رهبری کیم جونگ اون، اوزاق مسافهلی ستراتژیک کروز راکتهلرینینگ آتیش سیناوینی نظارت قیلیب و بو مملکت هستهای امکانیتینینگ «برقرار و چیکسیز» رواجلنیشینی سورهگن.
«ههنگاو» بشریحقوق تشکیلاتی، جاری میلادی ییلده ایران تامانیدن افغانستانلیک ۸۵ کیشینینگ دار گه آسیلگنینی معلوم قیلگن. اوشبو تشکیلات بیر گزارش آرقهلی یازیشیچه، ایران ینگی موردده «قتل» عیبی بیلن «بسمالله تاجیک» اسملی افغانستانلیک بیر کیشینی بندرعباس مرکزی قماقخانهسیده دارگه آسگن.
اسلام امیرلیگی تشقی ایشلر وزیرلیگینینگ اوچینچی سیاسی باشلیغی ذاکر جلالیگه کوره، افغانستان و امریکا علاقهسیده هیچ قندهی بیر قیینچیلیک کوریلمهیدی.
«کیتگیم کیلمهیپتی آنه جان» و «کیلینچک» کبی قوشیقلر بیلن تنیلگن اۉزبېکستانلیک اشولهچی رحمتالله یوسف، وفات اېتدی.
نوار غزه ده خیمهلر و ویرانهلرده حیات کیچیریب کیلهیاتگن اونلب مینگ فلسطینلیک، یاغینگرچیلیکلر و هوا ساووقلیگی بیلن روپهره بولگن.
ینگیلیکده روسیه آرقهلی اوکرایننینگ بیر قطار بولیملریگه اویوشتیریلگن پهپاد و راکته هجوملریده، کمیده ایکی کیشی اولیب و ۳۲ کیشی یرهلنگن.
کابل ده ایران ایلچیسی علیرضا بیکدلی، اسلام امیرلیگی کانلر و پترولیم وزیری هدایتالله بدری بیلن اوچرهشیب و صحبت قیلگن. کابل ده ایران ایلچیخانهسی اکس صحیفهسیده، مذکور اوچرهشوونینگ اوتگن کون اوتکزیلگنینی یازگن.
فلسطینلیک «وفا» آژانسینینگ گزارش بیریشیچه، نوار غزه ده آتیش کیسین باشلنگنیدن بویان، اسرائیل هجوملریده ۴۱۱ فلسطینلیک قربان بولیب و بیر مینگ ۱۱۲ کیشی یرهلنگن.
اسلام امیرلیگی تشقی ایشلر وزیرلیگی، سوریهنینگ حمص شهریده جایلشگن مسجدده یوز بیرگن پارتلشنی جدی شکلده قارهلهگن. تشقی ایشلر وزیرلیگی سوزلاوچیسی عبدالقهار بلخی، بوگون بیر بیانیه آرقهلی، سوریه ده بیر قطار کیشینینگ اولیب و یرهلنگنیدن افسوس بیلدیریب و بو مملکت دولتی و خلقی گه قیغوداشلیگینی بیلدیرگن.
اۉزبېکستان یېتکرمهلرینینگ معلوماتیگه کوره، بو واقعه ۵-جدی/۲۶-دسمبر، جمعه کونی کیچقرون یوز بیرگن.
