خلقارا ییتکرمهلرنینگ گزارش بیریشیچه، اوتگن ۲۴ ساعت ایچیده اسرائیل اردوسینینگ ییر و هوا هجولریده، کمیده ۱۱۶ فلسطینلیک قربان بولگن. الجزیره ترماغینینگ بوگون (۲۹-سرطان، یکشنبه)، گزارش بیریشیچه، اسرائیل آرقهلی غزهنینگ وقفهسیز بمباردمان بولیشی حاضرگچه دوام ایتماقده.
امریکا قۉشمه ایالتلری لاسانجلس شهری محلی رسمیلری، کنسرت اوتکزیلیشی جاییگه کیریش اوچون صف تارتگنلر آرهسیده بیر موترنینگ اوریلیشی عاقبتیده چمهسی ۳۰ کیشی یرهلنگنینی معلوم قیلگنلر.
روسیه، اوتگن کیچه ۳۰۰ دران و ۳۰ دن آرتیق راکته بیلن اوکرایننینگ نیچه شهریگه هجوم اویوشتیرگن.
روسیه جمهورلیک ریاستی سرایی (کرملین) سۉزلاوچیسی دیمتری پسکوف، بو مملکت غربنینگ تحریملری بیلن اورگنیب قالگنینی معلوم قیلگن. دیمتری پسکوف، ۲۷-سرطان، جمعه کونی مسکوده مطبوعاتی ییغیلیشده، روسیه گه قرشی اروپا مملکتلرینینگ ینگی تحریملری بارهسیده ایتیشیچه، اوشبو مملکت غربنینگ تحریملری بیلن اورگنیب قالگن.
امریکا قۉشمه ایالتلری لاسآنجلسده پولیس تعلیمی مرکزیده یوز بیرگن پارتلش عاقبتیده اوچ پولیس هلاک بولگن
اوکراین جمهور باشلیغی ولودیمیر زلنسکی، ۳۹ یاشر یولیا سویریدنکو نی اوشبو مملکت باش وزیری صفتیده تعیینلگن. سویریدنکو، اوتگن کون (۲۶-سرطان، پنجشنبه)، اوکراین پارلمانی آرقهلی صلاحیتی تصدیقلنگنیدن سونگ، ۲۰۲۰-ییلدن بیری باشوزیر صفتیده ایشلهگن دنیس شمیخالنینگ اورنینی ایگهلهگن.
الجزیرهنینگ گزارش بیریشیچه، ۲۶-سرطان، پنجشنبه کونیدن حاضرگچه، اسرائیل آرقهلی غزه گه اویوشتیریلگن هجوملر نتیجهسیده، کمیده ۵۶ فلسطینلیک قربان بولگن.
یاغینگرچیلیکلر جنوبی کوریانینگ اَیریم حدودلریده کیتمه-کیت اوچینچی کون دوام ایتماقده و حاضرگچه کمیده تورت کیشینینگ اولیمی و ۵۰۰۰ دن آرتیق کیشینینگ اویلرینی ترک قیلیشلریگه سبب بولگن.
خلقارا و پاکستان ییتکرمهلرینینگ گزارش بیریشیچه، سپتمبر آییده امریکا جمهور باشلیغی دونالد ترامپنینگ پاکستان گه سفر قیلیشی ممکن.
سوریه انسان حقلرینی کوزهتووچی تشکیلات گه کوره، اسرائیلنینگ سوریه گه هوا و دران آرقهلی هجوملری عاقبتیده چمهسی ۲۵۰ کیشی هلاک بولگن.
عراقده سودا مرکزیده صادر بولگن یانغین عاقبتیده، حاضرگه قدر چمهسی ۵۰ کیشی هلاک بولگن.
امریکا جمهور باشلیغی دونالد ترامپنینگ ایتیشیچه، اوکراین روسیه پایتختی مسکونی نشانگه آلمسلیگی کیرهک. الجزیره، بوگون (۲۵-سرطان، چهارشنبه)، گزارش بیریشیچه، امریکا جمهور باشلیغی اوکرایننینگ مسکو گه هجوم قیلیشیگه قرشی چیققن.
خلقارا ییتکرمهلرنینگ گزارش بیریشیچه، ینگیلیکده یاردم آلیش اوچون سعیوحرکت قیلهیاتگن فلسطینلیکلرنینگ اسرائیل کوچلری آرقهلی اوققه توتیلگنی سبب، ۳۰ کیشی قربان بولگن.
پاکستاننینگ بحراننی باشقریش تشکیلاتی گزارش بیریشیچه، جون آیی آخرلریدن حاضرگچه بو مملکتده یوز بیرگن موسومی یاغینگرچیلیکلر و سوو تاشقینلر نتیجهسیده، ۱۱۱ کیشی اولگن.
مصر تشقی ایشلر وزیری بدر عبدالعاطینینگ ایتیشیچه، غزه گه یاردم بیریش جریانی اوچون اسرائیل و اروپا بیرلشمهسینینگ کیلیشگنی بیرحالده، یاردم بیریش میزانیده هیچ قندهی آشیش کیلمهگن.
اسرائیل اردوسی، غزه شمالی حدودلری جبالیاده اوشبو مملکتنینگ ۳ عسکری هلاک بولیب و باشقه بیر عسکری یرهلنگنیدن خبر بیرگن. خلقارا یېتکرمهلرنینگ معلوماتی اساسیده، بو واقعه ۲۳-سرطان، دوشنبه کونی یوز بیرگن. معلوماتلر اساسیده، تانک ایچیده اوق پارتلشی طفیلی اوچ اسرائیللیک عسکر هلاک بولیب و باشقه بیر نفری یرهلنگن.
