یېتکرمهلرنینگ معلوماتی اساسیده، بو واقعه ۱۱-سنبله، سهشنبه کونی شام چاغی کویته شهریده شاوانی سپورت کلوبی یقینیده یوز بیرگن. معلوماتلر گه کوره، بلوچ محلی رهبرلریدن بولمیش عطاالله منگلنینگ وفاتی ییللیگیدن نشانلش مراسمی جریانیده واقعه یوز بیریب و نتیجهده ۱۷ کیشی هلاک بولیب و باشقه ۳۶ کیشی یرهلنگن.
خلقارا ییتکرمهلرنینگ بوگون (۱۱-سنبله، سهشنبه)، گزارش بیریشیچه، سودان غربیده جایلشگن «دارفور» منطقهسیده ییر سیلجیشی نتیجهسیده، بیر مینگ کیشی اولگن.
بلجیم تشقی ایشلر وزیرلیگینینگ اعلام قیلیشیچه، بیرلشگن ملتلر تشکیلاتی عمومی مجمعسینینگ کیلهسی ییغیلیشیده، فلسطیننی مستقل مملکت اولهراق تن آلهدی.
اوتگن کونی پاکستان تامانیدن بیر میلیون ۴۰۰ مینگ افغانستانلیک مهاجرنینگ قانونی یشش و اختیاری چیقیش مدتی توگهدی. ایندی اسلامآبادده افغانستانلیک مهاجرلرنینگ حقوقی کمیتهسی، بو مملکت پولیسی ۱-سپتامبر، دوشنبه کونی «پیاوآر» کارتی بولگن افغانستانلیک مهاجرلرنینگ رسمی حبس گه آلیش و مجبوری شکلده قیتریش جریانینی باشلهگن.
بیرلشگن ملتلر تشکیلاتی باشکاتبی آنتونیو گوترش، افغانستان شرقیده یوز بیرگن زلزله قربانلریگه نسبت همدردلیک قیلیب و اعلام قیلیشیچه، بیرلشگن ملتلر تشکیلاتی افغانستان خلقینی هر تامانلمه قوللب-قوتلهیدی.
الجزیرهنینگ گزارش بیریشیچه، بوگون روسیهنینگ اوکراین گه اویوشتیرگن هجوملریده، کمیده بیش کیشی اولیب و اونلب کیشی یرهلنگن.
اندونیزیانینگ جنوبی سولاوسی مرکزی بولگن ماکاسار شهریدهگی منطقهای پارلمان بناسیده یوز بیرگن یانغینده، اوچ کیشی اولیب و بیش کیشی یرهلنگن.
خلقارا یېتکرمهلرنینگ معلوماتی اساسیده، غزهده حماس و اسرائیل اورتهسیده اوروش دوام ایتماقده اېکن، اسرائیلنینگ ۲ عسکری هلاک بولیب و باشقه ۱۱ عسکری یرهلنگن.
تورکیه تشقی ایشلر وزیری هاکان فیداننینگ اعلام قیلیشیچه، مملکتی اسرائیل بیلن برچه اقتصادی و سودا علاقهلرینی کیسیب و اسرائیل اوچاقلریگه اوز هوا حریمینی یاپگن.
جرمنی تشقی ایشلر وزیرلیگی، اوشبو مملکت یشاوچیلریدن تیزلیک بیلن ایران نی ترک قیلیشلرینی و بو مملکت گه سفر قیلمسلیکلرینی ایستهگن.
فلسطین ساغلیقنی سقلش وزیرلیگینینگ اعلام قیلیشیچه، پنجشنبه کونی ایرتنگ چاغیدن حاضرگچه، اسرائیل هجوملری نتیجهسیده، کمیده ۶۱ فلسطینلیک قربان بولیب و باشقه اونلب کیشی یرهلنگن.
روسیهنینگ اوتگن کیچه کییف گه اویوشتیرگن راکته و پهپادی هجومی نتیجهسیده، کمیده تورت کیشی اولیب و ۲۰ دن آرتیق کیشی یرهلنگن. اوکراین رسمیلری، روسیهنینگ اویوشتیرگن اوشبو هجومینی «کینگ کولمی» دیب و ایتیشلریچه، تلفات رقمینینگ کوپهیشی ممکن.
هندوستاننینگ شمالی حدودلریده سوو تاشقینی و ییر سیلجیشی عاقبتیده چمهسی ۳۴ کیشی هلاک بولگن.
فلسطین ساغلیقنی سقلش وزیرلیگینینگ اعلام قیلیشیچه، اوتگن بیر کیچهوکوندوزده اسرائیل هجومیده کمیده ۷۵ کیشی قربان بولگن.
بریتانیانینگ «وایت» آرالیده بیر تیکاوچر تعلیمی اوچیش پیتیده قولب توشیشی عاقبتیده اوچ کیشی هلاک بولیب و باشقه بیر کیشی یرهلنگن.
آسترالیا باشوزیری آنتونی آلبانیزینینگ اعلام قیلیشیچه، مملکتی ایران ایلچیسینی کانبرا دن چیقریب و سپاه پاسداراننی «ترورچیلیک» تشکیلاتلری رویخطیگه قوییشی ممکن.
