غزه‌ده قدیمی میراث خوف آستیده

اسرائیل‌نینگ هوا هجوملری غزه‌ده قدیمی یادگارلیک‌لر و تاریخی بویوملرنی خوف آستیده قالدیردی. باستان شناس فاضل العتول باشچیلیگیده کونگیلی‌لر بیر نیچه یوک ماشینه‌سی توله باستانی اثرلرنی خوف‌سیز جایگه کوچیریش گه اولگوردیلر.

اسرائیل‌نینگ قطر گه هجومی بوییچه عرب و اسلام دولتلری‌نینگ ییغیلیشی؛ قاره‌لش و نتیجه‌سیز یکونلندی

دوحه شهریده عرب و اسلام دولتلری‌ باشلیغ‌لری اوتکزگن ییغیلیش‌لریده، اسرائیل‌نینگ قطر پایتختی‌ده حماس رهبرلریگه هجومینی قاره‌له‌دی؛ بیراق اشتراکچیلر عملی چاره‌لر کوریش بوییچه هېچ قنده‌ی وعده بیرمه‌دیلر.

اسرائیل‌نینگ هجوملری عاقبتیده ۵۳ فلسطین‌لیک هلاک بولدی

اسرائیل اردوسی‌نینگ غزه شهری بویلب ییر و هوا هجوملری عاقبتیده چمه‌سی ۵۳ فلسطین‌لیک هلاک بولیب و باشقه اونلب کیشی یره‌لنگن. الجزیره، ۲۴-سنبله، دوشنبه کونی بامداد چاغی، اسرائیل اردوسی غزه شهرینی باسیب آلیش و یشاوچیلرینی آواره قیلیش اوچون هجوملرینی کوچه‌یتیرگنی حقیده خبر بیرگن.

اسرائیل‌نینگ غزه‌ گه هجوملری عاقبتیده ۴۹ کیشی هلاک بولیب و آلتی مینگ کیشی آواره بولدی

اسرائیل اردوسی غزه شهریگه هجوملرینی کوچه‌یتیرگن. اوتگن بیر کیچه-کوندوزده بیرلشگن ملتلر تشکیلاتی تامانیدن باش‌پنه گه ایلنتیریلگن بنالر جمله‌دن مکتب‌لر توپراققه ایلندی و اوشبو هجوملرده کمیده ۴۹ فلسطین‌لیک هلاک بولگن.

قرغیزستان‌ده اوچ ایگیزک توققن عیال گه ینگی اوی ساوغه قیلیندی

قرغیزستان‌ده اوچ ایگیزک توققن یاش عیال گه، اوچ خانه‌لی اوی ساوغه قیلیندی. یېتکرمه‌لرنینگ معلوماتی گه کوره، ۲۶ یاشر نور جمال گه قرغیزستان ملی خوفسیزلیک دولت کمیته‌سی باشلیغی قمچی‌بیک تشیو تامانیدن اوچ خانه‌لی اوی کلیدی بیریلگن. معلومات‌لر اساسیده، بو یاش آنه‌نینگ تیریکچیلیک احوالی انابت گه آلینیب بو اوی اونگه ساوغه قیلینگن.

اروپا پارلمانی فلسطین مملکتی‌نینگ تن آلینیشی‌نی ایسته‌دی

اروپا پارلمانی، اروپا بیرلشمه‌سی‌گه اعضا مملکتلر‌ آرقه‌لی قبول قیلینگن قطع‌نامه بیلن، فلسطین‌ نی مستقل بیر مملکت صفتیده تن آلینیشی‌نی ایسته‌گن. اروپا پارلمانی، قطع‌نامه‌سیده عاجل آتیش کیسین برقرار بولیشی، گروگه آلینگنلر‌نینگ شرط‌سیز شکلده آزاد بولیشی و نوار غزه‌ ده توقنشوولر‌نینگ یکونلنیشی‌نی سوره‌گن.

دوحه گه اسرائیل‌ هجوم‌لری‌، تینچ‌لیک و آتیش کیسین اوچون منطقه‌ای سعی‌وحرکت‌لرگه تاثیر قیله‌دی

اوتگن کونی (۱۸-سنبله، سه‌شنبه)، قطر پایتختی دوحه شهری‌ده حماس‌نینگ یوقاری مرتبه‌لی رهبرلر ییغیلیشی‌گه اسرائیل‌‌نینگ اویوشتیرگن هوا هجوم‌لری‌، منطقه‌ای و خلق‌ارا کینگ کولملی عکس‌العمل‌لر بیلن روپه‌ره بولگن. واشنگتن‌نینگ اورته شرق‌ده‌گی اتفاقچیلری‌دن بیری‌نینگ حدودی‌گه قیلینگن هجوم، اوز توری‌ده مثل‌سیز دیب ایتیله‌‌دی.