تورکیه دولت رهبری رجب طیب اردوغان، بو مملکتنی برچه ساحهلرده دنیا بیلن رقابت قیله آلهدیگن قدرتلی مملکت گه ایلنتیرگنینی بیلدیردی. اردوغان جنابلری، بو سۉزلرنی تورکیه جمهوریتی تیزیمینینگ اساسچیسی و تورک خلقینینگ ییریک تاریخی سیمالریدن بولمیش مصطفی کمال آتاتورکنینگ وفاتی ۸۷-ییللیگی مناسبتی بیلن انقرهده اۉتکزیلگن ییغیلیشده بیان قیلگن.
هندوستان پایتختی ینگی دهلینینگ اېنگ مهم سیاحتی جاذبهلری و تاریخی بناسی «قیزیل قلعه» یقینیده اویوشتیریلگن پارتلش عاقبتیده، چمهسی ۹ کیشی هلاک بولگن و ۱۹ کیشی یرهلنگن. بو پارتلش باشقه نیچه موترنینگ آلاو آلیشیگه سبب بولگن. فرانسه آژانسی بوگون (۲۰-عقرب، سهشنبه) عینی گواهلر گه اساسلنیب ایتیشیچه، آلاو النگهسی اهالی و موترلرنی قمرهب آلیب حتا بعضی کیشیلر موترلری ایچیده آغیر کویگن.
فیلیپینده «فونگونگ» کوچلی توفانی عاقبتیده کمیده ایکی کیشی هلاک بولیب و بیر میلیون ۴۰۰ مینگ کیشی آواره بولگن.
فلسطین ساغلیقنی سقلش وزیرلیگینینگ اعلام قیلیشیچه، ۲۰۲۳-ییلدن حاضرگچه نوار غزه گه قرشی اسرائیل اوروشی تلفاتی، ۶۹ مینگ کیشیدن آشگن.
امریکا قۉشمه ایالتلرینینگ سابق جمهور باشلیغی جوبایدن عملدهگی رهبر دونالد ترامپنی بو مملکتنی شرمنده قیلماقدهلیکده عیبلهدی. بایدن بو سۉزلرنی دموکرات حزبینینگ اوماها دهگی تدبیریده بیان قیلگن. بایدننینگ تأکیدلشیچه، ترامپ امریکالیکلر اونگه اېمس، بلکی او امریکالیکلر گه خذمت قیلهیاتگنینی انگلشی کېرهک.
تورکیه دولتی، اسرائیل باش وزیری بنیامین نتانیاهو و بو مملکتنینگ باشقه بیرقطار ییریک رسمیلرینی، غزه اوروشی جریانیده «قیرغین قیلیش و بشریت گه قرشی جنایت» عیبی بیلن قولگه آلیش بویروغینی صادر قیلگن.
اوزبیکستان جمهور باشلیغی شوکت میرضیایف، ۱۵-عقرب، پنجشنبه کونی، امریکا و مرکزی آسیا مملکتلر رهبرلری بیلن واشنگتن ده اوتکزیلگن «C5+1» ییغیلیشیگه شرکت قیلگن.
خلقارا ییتکرمهلرنینگ گزارش بیریشیچه، ینگی موردده حماس گروگه آلینگن اسرائیللیکلردن بیرینینگ جسدینی خلقارا قیزیل خاچ کمیتهسی آرقهلی اسرائیل رسمیلریگه تاپشیرگن.
سعودی عربستانده «النصر کلوبی»نینگ مشهور هجومچیسی، پرتگالنینگ فوتبال بوییچه افسانهوی یولدوزی کریستیانو رونالدو ېنه بیر بار عامه اعتباریگه توشدی – او بو سفر آته صفتیدهگی ایشانچکارلیگی بیلن. رونالدو ۱۵ یاشلی اوغلی، کیچیک کریستیانو رونالدو جونیور گه قیمتبها «لامبورگینی» موترینی ساوغه قیلدی. جونیور، آتهسی تامانیدن ساوغه قیلینگن موتر یانیدهگی صورتینی اجتماعی ترماقده اورتاقلشگن.
اۉزبېکستان و افغانستان مملکتده توقیمهچیلیک (نساجی) صناعتینی تیکلش بوییچه قۉشمه دستورینی عملگه آشیریشنی باشلهگن.
هندوستان مرکزیده یولاوچی تاشووچی بیر ریلنینگ یوک تاشووچی بیر ریل بیلن توقنشگنی نتیجهسیده، کمیده ۱۱ کیشی اولیب و ۲۰ دن آرتیق کیشی یرهلنگن.
امریکا قۉشمه ایالتلرینینگ کنتاکی ایالتیده «محمدعلی» خلقارا هوا قونالغهسیده یوک تاشووچی بیر اوچاقنینگ قولشی عاقبتیده چمهسی ۷ کیشی هلاک بولیب و ۱۱ کیشی یرهلنگن.
اۉزبېکستان دولت رهبری شوکت میرضیایف، امریکا قۉشمه ایالتلرینینگ جمهور باشلیغی دونالد ترامپنینگ تکلیفی گه بناً بو مملکت گه یېتیب بارگن. اۉزبېکستان جمهورلیک ریاستی سرایی، ۱۳-عقرب/ ۴-نومبر بیر بیانیه ترقهتیب بو حقده خبر بیرگن. بیانیه گه کوره، شوکت میرضیایف امریکا جمهور باشلیغی ترامپنینگ تکلیفی گه بناً اوتگن کونی عملی تشریف بیلن واشنگتن گه یېتیب بارگن.
اسرائیل، حماس بیلن برقرارسیز آتیش کیسین کیلیشووی دایرهسیده، گروگه آلینگن بیش فلسطینلیکنی آزاد قیلگن. خلقارا ییتکرمهلرنینگ گزارش بیریشیچه، گروگه آلینگن اوشبو بیش کیشی اوتگن کون شام چاغی آزاد بولیب و طبی کوریک اوتکزیشی اوچون نوار غزه ده «الاقصی» و «دیرالبلاح» کسلخانهلریگه انتقال بیریلگنلر.
یېتکرمهلرنینگ معلوماتی گه کوره، قزاقستان پایتختی آستانه شهریده، ۱۵ قووتدن سکرهماقچی بولگن قیز قوتقریلگن.
هندوستان محلی رسمیلری، اوشبو مملکتنینگ آندرا پرادش ایالتیده «سوامی ونکاتسوارا» عبادتخانهسیده آدملرنینگ گوجوملیگی نتیجهسیده چمهسی ۱۲ کیشی هلاک بولیب و اونلب کیشی یرهلنگنینی اعلان قیلگنلر.
