زمانهوی تعلیم-تربیه و روانشناسلیک علمی معلوماتلرنینگ اولکن ارسینهلیگه (زرادخانه) ایگه، اولر آرهسیده میه بیلیمی علیحده اورین توتهدی. اگر عالملر انسان میهسینینگ رواجلنیش جریانی حقیده هلی تولیق توشینچه گه ایگه اېمسلیگینی کورسنگیز، ییترلی مقداردهگی فکتلر موجود بولیب، اولرنی توشینیب آته-آنهلر و بالهلر بیلن ایشلهیدیگن متخصصلرنینگ حیاتینی سېزیلرلی درجهده آسان لشتیرهدی.
ایتالیالیک وینچنزو آلبرتو آنزه، افغانستان فوتبال ملی تیرمه جماعهسینینگ باش مربیسی اولهراق اېتیب تعیینلنگن.
صناعت ملی هفتهسی تورتینچی کورگزمهسی، صناعت، ایچکی تولیدلر و محصولاتلرنی قۉللب-قوتلش مقصدیده، اسلام امیرلیگی ییریک رسمیلری، تشقی ایلچیخانهلرنینگ بعضی دیپلماتلری، خصوصی سکتور وکیللری، صناعتچیلر و سرمایه یاتقیزووچیلر حضوری بیلن کابلده آچیلدی.
هرات معلومات و مدنیت ریاستی همکارلیگی بیلن اربابزاده گالریسی آرقهلی، اوشبو ولایتده «هیاهوی رنگ» اسمی آستیده تورت کونلیک صناعتی بیر کورگزمه آچیلگن.
پنجشیر ده محلی مسئوللر، ۱۷۱ مینگ ۹۰ دالر ارزشیگه بیر مینگ ۴۳۳ قیراط زمردنینگ ساتیلگنیدن خبر بیرگنلر. پنجشیر حاکمی سوزلاوچیسی سیفالدین لتوننینگ ایتیشیچه، مذکور زمردلر بیر داوطلبلیک آرقهلی محلی سوداگرلرنینگ حضوری بیلن ساتیلگن.
نورستان ولایتی محلی رسمیلری، اوشبو ولایتنینگ واما اولسواللیگیده یانغین عاقبتیده ۲۰ جریب اورمان کولگه ایلنگن. نورستان امنیه قوماندانلیگی سۉزلاوچیسی غلامالرحمان حیدری، ۵-جوزا، دوشنبه کونی سلاموطندار بیلن اۉتکزگن صحبتیده، بو یانغین یکشنبه کونی چپه کنر وادیسی حدودلری، اوتله قیشلاغیده ایکّی عایله اورتهسیدهگی توقنشوو سبب باشلنیب و کوچلی شمال طفیلی واما اولسواللیگی اورمانلری گه ترقهلیب کېتگنینی معلوم قیلگن.
سونگی ییللر اینیقسه سیاسی اوزگریشلردن کیین، بلخ ده یاشلر آرهسیده سنتی کییملردن فایدهلنیش کوپهیگن. شونینگدیک افغانستانلیک مهاجرلردن بیر قطاریهم سنتی کییملرگه قیزیقیب، قدیمی تکهلر و سنتی کییملرنی افغانستان دن تیلتهدیلر.
کاپیسا محلی مسئوللری، اوشبو ولایتنینگ کوهبند اولسواللیگیده «یول»نی بولیش مسئلهسی اوستیده چققن جنجل عاقبتیده بیر کیشی هلاک بولیب و باشقه سکیز کیشی یرهلنگنینی معلوم قیلهدیلر. کاپیسا امنیه قوماندانلیگی سۉزلاوچیسی عبدالفتاح فایز گه کوره، بو واقعه ۵-جوزا، دوشنبه کونی شام چاغی، ساعت ۷:۰۰ اطرافیده، کوهبند اولسواللیگی «ملنگخیل دُرنامه» قیشلاغیده یوز بیرگن.
۲۵ تُنلیک تورلی خیل ترشی بوگون (۵-جوزا، دوشنبه) «گلنواز» ایشلب چیقریش شرکتی تامانیدن، هراتدن اروپا مملکتلری گه صادر قیلینگن.
سرپرست حکومت احصائیه و معلومات ملی ادارهسی، قویاش ۱۴۰۴-ییلنینگ دستلبکی ایکّی آییده بیش مینگ ۷۸ خارجی، ییر و هوا آرقهلی افغانستان گه کېلیب-کېتگنینی معلوم قیلگن.
افغانستاندi اوشبو میلادی ییلده بالهلر فلجی (پولیو) گه قرشی اېملش ایکّینچی کمپاینی، بوگون (۵-جوزا، دوشنبه) باشلندی. اسلام امیرلیگی ساغلیقنی سقلش وزیرلیگی گه کوره، بو کمپاین تورت کونگچه دوام تاپیب و مملکت مقیاسیده بیش یاشنی تولدیرمهگن ۱۱ میلیون ۸۰۰ مینگ باله پولیو گه قرشی اېملنیشلری ممکن.
تخار ده بیر عیال، تیکووچیلیک بیر ایشخانهنی آچیش بیلن نیازمند، سرپرستسیز و تحصیلدن محروم بولگن خاتین-قیزلرگه کسب اورگهنیش زمینهسینی یرهتگن.
سلاموطندارنینگ مملکت تورلی ساحهلریده ۱۲ عیال حقوقی فعاللری بیلن اۉتکزگن صحبتی اساسیده، بو عیاللر بودجه یوقلیگی، حمایتی نهادلر ایشیگی یاپیلیشی، عایلهوی و اجتماعی باسیملر گه قرهمسدن، محروم عیاللر اوچون عدالت ایزلشلریگه دوام بیرماقدهلر. بو فعاللر عیاللرنی کوچهیتیریش، تعلیم، طبی خذمتلردن فایدهلنیش، ایش و اقتصادی امکانیتلر یرهتیش همده روحی قۉللب-قوتلش ساحهلریده فعالیت یوریتماقده.
بیرلشگن ملتلر تشکیلاتی قاچقینلر ایشلری بوییچه عالی کمیسارینینگ ایتیشیچه، اوتگن بیر هفتهده اوچ مینگ ۶۵ کیشی افغانستان گه قیتگن.
اسلام امیرلیگی تشقی ایشلر وزیرلیگینینگ مالی و اداری اورینباسری محمد نعیم، کابل ده اوزبیکستان ایلچیسی آیبیک عثماناوف بیلن اوچرهشیب و ایکی تامانلمه مناسبتلر کوچهیشی، سودا و ترانزیت حقیده صحبت قیلگن.
غزنی ولایتیده اوتگن یکشنبه کونی ۳۵۰ مینگ دالر ارزشیگه پلاستیک ایشلب چیقریش بیر فابریکه فعالیتگه باشلهگن. «صابر غنیزاده» اسمی آستیدهگی اوشبو تولیدی فابریکه مسئولی سمیعالله غنیزاده، مذکور فابریکهنینگ قورگنیدن مقصد، یشاوچیلرگه ایش زمینهسی یرهتیلیشی عنوان قیلگن.
