ایکینچیلیک، سووغاریش و چاروهچیلیک وزیرلیگینینگ ایتیشیچه، بو ییل ننگرهار ده مالته باغلریدن قریب ۲ مینگ ۲۱۴ متریک تُن حاصل قولگه کیلیشی ممکن که اوتگن ییل گه قرهگنده، اوشبو ولایتده مالته ییتیشتیریش ۵ فایز آشگنینی کورستهدی.
۱۲-عقرب ده یوز بیرگن زلزله، بلخ ولایتی مارمل تومنی «خراسان و پشت باغچه» تومنلریده جایلشگن بیر تاغنینگ قویی قسملریده کوچلی سیلجیش و تاشلر توکیلیشیگه سبب بولگن که خواطرلنتیرووچی بو واقعه، ینه تاغدن تاش-توپراقلر توشیشی همده اویلر و علاقه یوللرگه زیان ییتیشیشی احتمالینی آشیرگن. محل یشاوچیلرینینگ ایتیشلریچه، سونگی زلزلهده کمیده ۲۰ یشش اوی ویران بولیب و حاضر ایسه قیش موسومی ییتیب کیلیشی و یاغینگرچیلیک احتمالی بیلن باشقه ۲۰۰ گه یقین اوی هم تاغ سیلجیشی طفیلی توغری تهدید آستیده قرار تاپگن.
توییب آوقتلنمسلیک، افغانستانده اساسی انسانی انقراضلردن حسابلنهدی؛ بو انقراض اقتصادی قیینچیلیکلر یانیده، یشاوچیلر اینیقسه عیاللر و بالهلر اوستیگه سلبی تأثیر قویگن. عیاللر آرهسیده بو کسللیکنی انیقلش اوچون، سلاموطندار ۲۱ توییب آوقتلنمهگن عیال بیلن صحبت قیلگن – شونی کورستهدی کی اوشبو عیاللر توییب آوقتلنمسلیک طفیلی…
حقوقشناسلرنینگ ایتیشیچه، عیاللرنینگ اۉز حقلریگه نسبتن خبرسیزلیگی و حقوقی قۉللب-قوتلنیشلر یوقلیگی، اولر تورموش اورتاقلریدن اجرهلگچ، قانونی و شرعی حقوقلری بیریلمسلیککه سبب بولگن. اولر گه کوره، بو وضعیت بیرقطار ولایتلرده عیاللر بیلن محکمهلرنینگ فرقلی یاندهشووی و اجرهلگنلریدن سۉنگ مهر، نفقه بیریلمسلیگی و اولردن بالهلری آلینیش قیینچیلیگی بیلن دوچ بولیب و حتا اوشبو عیاللر گه زورهوانلیک و اجتماعی باسیملرنی آشیرگن.
اوشبو وزیرلیک، بوگون (۹-قوس/۳۰-نومبر، یکشنبه) ایکس صحیفهسیده بیر بیانیه ترقهتیب بو حقده خبر بیردی. بیانیه گه کوره، اوشبو اوچرهشوده تامانلر اۉزبېکستان گه اېت (گوشت) یوباریش، اندخویده باغلرنی قوریش و ایکینچیلیک اوروغ (تخم)لری بولیمیده همکارلیک قیلیش مسئلهلری حقیده بحث ایتگنلر. بیانیهسی اساسیده، عثمانی جنابلری اۉزبېکستانلیک همکسبیدن گوشت ستندرد فارملری تشکیل ایتیلیشینی سورهگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، بیر کونده ایران و پاکستان دن ۶ مینگ ۵۵۳ افغانستانلیک چیقریلگن.
ایکینچیلیک، سووغاریش و چاروهچیلیک وزیرلیگی، بوگون (۹-قوس/۳۰-نومبر، یکشنبه) ایکس صحیفهسیده بیر بیانیه ترقهتیب بو حقده خبر بیردی. بیانیه گه کوره، اۉزبېکستان هیئتی افغانستان ایکینچلیک وزیرلیگی مسئوللری و خصوصی سکتور وکیللری بیلن بیرگه، ایکی تامانلمه همکارلیکلرنی کېنگهیتیریش، سودا آلیش-بیریش همده ایکینچیلیک و چاروهچیلیک بوییچه قۉشمه مسئلهلر حقیده بحث ایتیشی کوتیلهدی.
نسایی-ولادی شفاکارلرینینگ ایتیشلریچه، ساغلام حاملهدارلیک اوچون حاملهدارلیکدن آلدین و حاملهدارلیک دوریده معاینهلر اوتکزیشی، حاملهدار عیاللرنینگ منظم روشده شفاکار گه مراجعت قیلیشی و ساغلام آوقتلنیشی ضرور بولیب و بولر ساغلام حاملهدارلیکنینگ اساسی معیارلریدن حسابلنهدی. مملکتنینگ اَیریم ولایتلریدهگی حاملهدار آلتی عیالنینگ تجربهسی گه کوره، عیاللردن کوپ قطاری عایلهلریدهگی فرهنگی قرهشلر و شفاکارگه باریشدن شرم قیلیش سبب معاینه اوچون کیچ یا-ده جوده آز، عیال شفاکارلرگه مراجعت قیلهدیلر.
افغانستان شمالیده ۱۲-عقرب یوز بیرگن ۶.۳ درجه ریشترلیک زلزله، بلخ ولایتی شولگره تومنیده هم اونلب یشش اوینینگ خراب بولیشیگه سبب بولگن. بو واقعه طفیلی ییتیشگن جانی و مالی زیانلر، محل یشاوچیلری حیاتینی جدی شکلده تاثیرلنتیرگن.
اسلام امیرلیگی مالیه وزیرلیگینینگ اعلام قیلیشیچه، هرات ده اسلامقلعه باجخانهسیده، قریب ۱۰۰ تُن قاچاقی و صفتسیز پترول و دیزل یوق قیلینگن.
اسلام امیرلیگی تشقی ایشلر وزیری امیرخان متقی، کابل ده تورکیه ایلچیسی جنک اونال بیلن اوتکزگن وداعلشوو اوچرهشوویده، منطقهای و ایکی تامانلمه مسئلهلر همده سیاسی و اقتصادی علاقهلرنی کینگهیتیریش توغریسیده صحبت قیلگن. تشقی ایشلر وزیرلیگی، بوگون (۸-قوس، شنبه)، بیر بیانیه آرقهلی…
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ۱ مینگ ۳۳۲ افغانستانلیکنینگ جبری شکلده چیقریلگنینی معلوم قیلگن.
مملکت شمالیده ۱۲-عقرب یوز بیرگن زلزلهدن اوچ هفته اوتماقده. اوشبو زلزله نتیجهسیده افغانستاننینگ ترانزیتی قتناو یوللریدن بیری بولمیش تنگی تاشقرغان هم زیانلردن امان قالمهگن. دایم یولاوچیلرنینگ شور-شاوقینی و تاغلر آرهسیدهگی تیریلگن دکانلردن قیزیقیش بیلن اهالینینگ سودا آلیشی، بو جایگه چیرایلی بیر سیمانی یرهتگن ایدی؛ بیراق حاضر اوتمیش گه قرهگنده آرامراق و قورقیلهدیگن بیر جای کبی کوریلهدی.
افغانستان «خلقارا روفی شرکتی گروپ» و هندوستان «زایدوس لایفساینسز شرکتی» دارو ایشلب چیقریش بولیمیده شرطنامه امضالهدیلر. اسلام امیرلیگی صناعت و سودا وزیرلیگی، ۶-قوس/۲۷-نومبر، پنجشنبه کونی ایکس صحیفهسیده بیر بیانیه ترقهتیب بو حقده خبر بیردی.
افغانستان المپیک، جسمانی تربیهلش و سپورت کمیتهسی عمومی ریاستی مسئوللری، بوگون (۶-قوس/۲۷-نومبر، پنجشنبه) کابلده اۉتکزگن خبری ییغیلیشده، مملکت سپورتچیلری مرکزی آسیا یاشلر رقابتلری اوچینچی دوریده پارلب و آلتی مدال قولگه کیریتگنلرینی معلوم قیلدیلر.
بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، سمنگان ده یوز بیرگن سونگی زلزلهدن جبرلنگن بالهلرگه شاشلینچ یاردملر کورسهتیشینی معلوم قیلگن.
