کاپیسا ولایتی نجراب تومنی ولسوالی عطاالله نعمتنینگ ایتیشیچه، اوتگن کونی توشدن کیین (۲۲-سرطان، یکشنبه)، اوشبو تومننینگ بیر قطار قیشلاقلریده یوز بیرگن سوو تاشقینی، بیر کیشینینگ اولیمی و باشقه بیر قطار مالی زیان گه سبب بولگن.
کابل شهری پلخشتی سرکی چیکهسیده، موترلر سیسی و اوتیب-قیتهدیگن کیشیلرنینگ گوجوملیگی آرهسیده، پیاده یوللردن بیریده پلاستیک اوستیگه ساووق نانلر تیریلگن. مذکور پلاستیک اطرافیده کوپینچه مشتری ییغیلگن که اولردن بیری نان قیمتی اوستیگه چانه اورماقده و باشقه بیر قطاری ایسه کویگن و ساووق نانلر آرهسیدن، کمراق کویگن و بیراز ملایمراق بولگن ناننی آلماقده.
بیرلشگن ملتلر تشکیلاتینینگ آزیق-آوقت و ایکینچیلیک دستوری، افغانستان مرکزی، شمالی، جنوبی و شرقی بولیملریده ۱۶۵ ته مهییزخانه قوریلیشیدن خبر بیرگن.
غزنی ده قاچقینلر ریاستی برابریدهگی قاچقینلرنینگ اوزون صفی، سونگی هفتهلر و آیلرده ایران دن قیتگن عایلهلرنینگ آوارهلیک و قیینچیلیکلرینی بیان قیلهدی. اونلب عایله، آوارهلیک و باشپنهسیزلیکلرینی قاغاز یوزیگه یازیلیب و محلی رسمیلرگه تاپشیریلیشی اوچون قویاش آستیده توختهب و عریضه یازووچیلر برابریده نوبتگه تیریلگنلر که بو رقم، اسلام امیرلیگی و یاردم بیرووچی نهادلر قیینچیلیکلری حلی اوچون بیران چاره-تدبیر کورسه.
بلخ ده محلی مسئوللرنینگ ایتیشلریچه، اوشبو ولایت مرکزی مزارشریف شهریده یوزدن آرتیق سپورتچینینگ حضوری بیلن «بوکسینگ» بیللشوولری اوتکزیلگن.
ایران و اسرائیل آرهسیده سۉنگی کېسکینلیکلر آرتیدن، ایراندن افغانستانلیک مهاجرلرنینگ جبری شکلده چیقریش کوچهیگن و اولر آرهسیده عیاللر و بالهلر بو جریان قربانلریگه ایلنگن. سلاموطندار ایراندن قیتگن ۲۰ عیال بیلن صحبت قیلگن، اولرنینگ ۱۴ نفری چیقریلیش جریانیده زورهوانلیکنی تجربه قیلگنلر.
افغانستاننینگ آزاد مبارزهلر سپورتچیسی مجتبی پنجشیری، پاکستاننینگ مشهور سپورتچیلریدن بولمیش اسد رایچ گه غله قازانگن. بو بیللشوو، ۲۱-سرطان، شنبهدن یکشنبه گه اوتر کیچه، پاکستان لاهور شهریده اوتکزیلگن. پنجشیری، آیتیاف تشکیلاتی یریم مرکزی مسابقهلریده پاکستانلیک رقیبینی بیرینچی روندنینگ دستلبکی ثانیهلریده ناکاوت قیلیش گه اولگوردی.
فاریاب معلومات و مدنیت باشلیغی شمسالدین محمدینینگ ایتیشیچه، ایران دن افغانستانلیک قاچقینلرنینگ جبری شکلده چیقریلیش جریانی دوام قیلگنی بیرحالده، حاضرگچه ۳۰ دن آرتیق موترده قریب ۶۰۰ قاچقین، بو ولایتده انتقال تاپگن.
ترانسپورت و هوا یوللری وزیرلیگینینگ یول بوییچه ترانسپورت معینی عبدالسلام حیدری، کابل ده قزاقستان ترانسپورت وزیرلیگی اورینباسری کالیاکپاروف بیلن اوچرهشگنیده، ایکی مملکت آرهسیده آلیش-بیریش بولیمیده همکارلیکلر آشیشی توغریسیده صحبت قیلگن.
بامیاننینگ تاریخی تاغلری بغریده، مذکور ولایتده سیاحتچیلیک اورتهدن کیتمسلیگی و رواجلنیشی اوچون قیزیقیش و خلاقیت بیلن سعیوحرکت قیلهدیگن یاشلر حیات کیچیرماقده. اجتماعی ترماقلرده سیاحتچیلرنی رهنمالیک قیلیشدن کوریشگه سزاوار جایلرنی تانیشتیریشگه قدر، اولر بو صناعت ترقیاتیده اونملی رول اینهیدیلر. بامیان قول تیگمهگن طبیعتی و تاریخی اثرلری بیلن ییللردن بیری ایچکی و چیتایللیک سیاحتچیلر میزبانی دیر. بو آرهده مذکور صناعتنی تانیشتیریش و قوللب-قوتلشده یاشلر فعال شکلده حصه قوشهدیلر.
هوا ایسیقلیگی، برق یوقلیگی، ناتوغری آوقتلنیش، اقتصادی قیینچیلیکلر و مسئولیت یوکی، ننگرهار ده قیزلرنینگ فشار پسلیک، حالسیزلیک، ایسیتمه، باش آغریق و جسمانی ضعیفلیک بیلن روپهره قیلگن سببلردن دیر. ننگرهار، افغانستاننینگ ولایتلریدن بیری بولیب، یاز موسومی باشقه ولایتلرگه قرهگنده کوپراق ایسیق دیر.
غورنینگ قوروق تاغلریگه، ییللردن بیری بو ولایتنینگ طبیعتیده «یامه» یا-ده «افدارا» آتیده دایم یشیل بولگن و کوچلی بیر اوسیملیک چیقهدی که بو اوسیملیک غور یشاوچیلری اوچون نه فقط قتیق قیشلرده یاقیلغی ماده صفتیده بیر منبع، بلکیم عنعنوی طبیاتده هم اونملی بیر دارو حسابلنهدی. لیکن غور یشاوچیلریدن قطارینینگ ایتیشیچه، شیشه تورلی بنگیوار مادهنینگ توزهتیلیشی اوچون تاغلردن حددن تشقری ییغیلهدیگن اوشبو اوسیملیک، تیز بیر شکلده یوقالماقده.
بدخشان ولایتی محلی مسئوللری، اوشبو ولایتنینگ تشکان-کشم قتناو یولیده یوز بیرگ ترافیکی حادثه عاقبتیده بیر عایلهدن بیش کیشی قربان بولگنیدن خبر بیرگنلر.
اسلام امیرلیگی تشقی ایشلر وزیرلیگی سرپرستی امیرخان متقی، قزاقستان باش وزیرینینگ اورین باسری و تشقی ایشلر وزیری مراد نورتلیف بیلن اوچرهشووده، ایکی تامانلمه علاقهلرنی کېنگهیتیریش، اقتصادی همکارلیک، منطقهوی فرصتلر، ترانزیتی لایحهلر و سیاسی کېلیشوولر آشیریلیش مسئلهسی حقیده بحث اېتگن.
اسلام امیرلیگی باش وزیریافغانستان و قزاقستان تورغندی-هرات تیمیر یولی اوستیگه سرمایه یاتقیزیش اوچون، ۵۰۰ میلیون دالرلیک شرطنامه امضالهگن. اسلام امیرلیگی باش وزیرینینگ اقتصادی اورین باسرلیگی، ۱۹-سرطان، پنجشنبه کونی ایکس صحیفهسیده بو حقده خبر بیرگن.
سمنگان ولایتی محلی مسئوللری، اوشبو ولایتنینگ درهصوف بالا اولسواللیگیده تاش کومیر کانی قولشی عاقبتیده بیر کانچی هلاک بولگنیدن خبر بیرهدیلر.
