بیرلشگن ملتلر تشکیلاتی مهاجرلر ایشلری بوییچه عالی کمیشنری فیلیپو گراندینینگ اعلام قیلیشیچه، افغانستانلیک قاچقینلر قیینچیلیگی حلی اوچون اسلام امیرلیگی و ایران اسلامی جمهورلیک رسمیلری بیلن اوچرهشگنیده، اوچ تامان آرهسیده اوچ تامانلمه مذاکرهلر اوتکزیلیشیگه کیلیشیلگن.
اسلام امیرلیگی تشقی ایشلر وزیرلیگی مسئوللری، بوگون (۱-اسد، چهارشنبه) حکومت یېتکرمهلر مرکزیده اوشبو وزیرلیکنینگ یوتوقلرینی شریک قیلیش دستوریده ایتیشیچه، اوتگن بیر ییلده سیزیلرلی درجهده منطقه همده غرب مملکتلریدن بعضیلری بیلن دیپلماتیک مناسبتلرینی مستحکملش گه اولگورگنلر.
پاکستانده اسلام امیرلیگی ایلچیخانهسی گه کوره، سرپرست حکومت صناعت و سودا وزیرلیگینینگ معینی احمدالله زاهد و پاکستان سودا وزیرلیگینینگ معینی جاوید پاول، تعرفهلرنی کمهیتیریش شرطنامهسینی امضالهدیلر.
افغانستان مرکزی بانکی بیرینچی اورین باسری صدیقالله خالد، اوتگن ییلده افغانستان مقیاسیده ۲۵ میلیارد افغانی تولاو، الکترونیکی شکلده عملگه آشیریلگنینی اېتهدی.
مهاجرلرنی باشقریش بوییچه کمیته مسئوللری، سۉنگی آیلرده ایراندن ۷۱۱ مینگ ۱۰۸ کیشی، هرات اسلامقلعه چېگرهسی آرقهلی افغانستان گه قیتگنلرینی معلوم قیلهدیلر.
غزنی معارف ریاستی، بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف) مالی حمایتی بیلن اوشبو ولایتنینگ ایکی اولسواللیگیده بیش مکتب قوریلگنینی معلوم قیلگن.
بدخشان ولایتی محلی رسمیلری، اوشبو ولایت مرکزی فیضآباد شهریده، ۱۲ یاشر بیر قیز دریا گه چوکیب هلاک بولگنیدن خبر بیرهدیلر.
افغانستاندهگی یاشلر ایشسیزلیکدن اذیت چیکیب و بیرقطاری هم ایش اوچون مهاجرت یولینی تنلهماقده اېکن، بومی و سنتی صنعت مملکتده یخشی ایش فرصتلرینی یرهتیشی ممکن، تنزل و یوق بولیش عرفهسیده قرار تاپگن. اوشبو صنعتلردن بیری کلالچیلیک دیر سابقهلی بولیشی و ملی اوزلیک همده مدنیت بیلن چقور چمبرچس باغلیق بولیشی بیلن، حاضر اچینرلی احوالده؛ حکومت یانیده خلق هم بوتوغریده بیفرق یاندهشماقده.
غزنی ده سوت محصوللری ساتیلیشی اوچون دایمی بازار یوقلیگی سبب، بو ولایتدهگی چاروهدار عیاللر محصوللرینینگ ستندردسیز شکلده بازار گه چیقرهدیلر. غزنی دهگی چاورهدار عیاللردن قطارینینگ ایتیشلریچه، چاروهچیلیک و سوت محصوللرینینگ ساتیش آرقهلی یخشی درآمد قولگه کیلتیرهدیلر؛ بیراق ستندردسیز و نظمسیز شکلده محصوللرنینگ ساتیش اوچون کوپینچه قیینچیلیکلر بیلن روپهرهلر.
کابلنینگ شهرنو ساحهسیدهگی قصابی کوچهسیده، چرمگرلیک کیچیک بیر ایشخانه بار که بو کوچهگه باشقه بیر کورینیش بغیشلهگن. ایشخانه گه کیریش بیلن چرم اوستیگه کیتمه-کیت اوریلهیاتگن بالقهنینگ آوازی ایشیتیلهدی که بو ایسه بیر صناعت یا-ده تزیینی اثرنینگ یرهتیلهیاتگنیدن خبر بیرهدی.
ملی مدافعه وزیرلیگی مسئوللری، بوگون (۳۱-سرطان، سهشنبه) حکومت یېتکرمهلر مرکزیده امارت ادارهلرینینگ یوتوقلرینی شریک قیلیش دستوریده، بیرقطار کیشیلر تیزیم گه قرشی میش-میش ترقهتیش آرقهلی خلقنینگ آسایشتهلیگینی بوزیش و داعشنی بویوک کورسهتیش گه سعی-حرکت قیلماقدهلیگینی معلوم قیلگنلر.
افغانستان مرکزی بانکی، بیر میلیارد توقیز میلیون ۸۶۷ مینگ افغانی اېسکیرگن پولنی نیچه زوندن ییغیب آلاو بیرگنینی معلوم قیلگن. مذکور بانک، بوگون (۳۱-سرطان، سهشنبه) ایکس صحیفهسیده بیر بیانیه ترقهتیب اوشبو مقدار پول مرکزی، جنوبشرق و شرق زونلریدن ییغیلگینینی اېتگن.
جوزجان معارف ریاستی مسئوللرینینگ ایتیشلریچه، اوشبو ولایتدهگی مکتبلرگه بیرینچیدن اوچینچی صنف مضمونلری شامل ۱۶۸ مینگ ۴۱۰ ته درسلیک و یوزلب درس بویوملری ترقهتیلگن.
کابلنینگ بیر چیکهسیده جایلشگن سرای شمالی کمپی، ایران دن قیتگن مهاجرلر اوچون وقتینچهلیک باشپنهگه اَیلنگن که بو ییرده، نازک خیمهلر، ایسیق کونلر، قرانغو کیچهلر همده برقسیزلیک، قیتگنلرگه چیدهب بولمس شرایطلرنی اورته گه کیلتیرگن.
اسلام امیرلیگی سۉزلاوچیسینینگ اورین باسری حمدالله فطرت، اسلام عالمی بیردملیک تشکیلاتی باش کاتبی محمد بن عبدالکریم العیسی، اسلام امیرلیگی باش وزیرینینگ اداری اورین باسری عبدالسلام حنفی بیلن اوچرهشگنینی معلوم قیلگن.
هرات ایکینچیلیک، سووغاریش و چاروهچیلیک ریاستیده مسئوللر، اوشبو ولایتده انجیر حاصلاتینینگ ۱۰ فایز کوپهیگنیدن خبر بیرگنلر.
