غزنی شهری افغانستاننینگ جنوبشرقیدهگی مهم و گوجوم سودا مرکزلریدن بیری دیر. بو شهر نه فقط اوشبو ولایتنینگ ۱۸ تومنی اهالیسی، بلکیم میدانوردک، پکتیا و پکتیکا تومنلریدن قطارینینگ اهالیسی هم کیرهکلی توارلرینی بو ییردن ساتیب آلهدیلر، بیراق دکاندارلر آرقهلی پیاده یوللردن بیر قسمینینگ ایگهلب آلینگنی، پیاده یوریش چاغیده یشاوچیلرنینگ قیینچیلیک بیلن روپهره بولیشیگه سبب بولگن.
اسلام امیرلیگی مهاجرلر و قیتگنلر وزیرلیگی رسمیلری، تورکیهدن قیتگن مهاجرلر اوچون ۲۶۰ میلیون افغانی اجرهتیلگنینی معلوم قیلگنلر. مهاجرلر و قیتگنلر وزیرلیگینینگ مسلکی معینی عبدالرحمان راشد، بوگون (۸-اسد، چهارشنبه) حکومت یېتکرمهلر مرکزیده، اوشبو وزیرلیکنینگ بیر ییللیک یوتوقلرینی شریک قیلیش مناسبتی بیلن اوتکزیلگن ییغیلیش ده، بو حقده خبر بیرگن.
نیمروز ولایتی محلی مسئوللری، ۱۵۰ دن آرتیق صفتسیز تیل تانکری ایران گه قیتریلگنیدن خبر بیرگنلر. نیمروز حاکمی سۉزلاوچیسی رحیمالله ساجد گه کوره، ۷-اسد، سهشنبه کونی ایراندن مملکت گه وارد قیلینگن ۲۵۰ تیل تانکریدن ۱۵۳ تهسی ، صفتسیزلیک و استعمال قیلینیب بولمسلیگی اوچون، تېکشیروولردن کېین ایران گه قیتریلگن.
فاریاب ولایتیده شاعرلر، یازووچیلر، استادلر و فرهنگ سیورلردن بیرقطارینینگ حضوری بیلن، «سوسن چلچراغ من» کتابی تقدیمات مراسمی اوتکزیلدی. فاریاب آیدین خصوصی لیسهسی تشبثی بیلن ۷-اسد، سهشنبه کونی اوتکزیلگن مراسمده، رحمتلی جمشید خورشید قلمی گه منسوب فارسچه شعرلر توپلمی تقدیماتی بولیب اوتگن.
بلخ معلومات و مدنیت ریاستیده مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، تانیقلی شاعر و یازووچی بولمیش صالحمحمد خلیق عالمدن اوتگن.
«امارت شرکتلری» عمومی ریاستی، اوتگن بیر ییل ایچیده اوشبو شرکتلر گه ۲۰ میلیارددن آرتیق افغانی سرمایه جلب قیلینگن، بو ایسه افغانستان اقتصادی ترقیاتی و ایش اورینلری یرهتیلیشیده مهم رول اوینهگنینی بیلدیرگن.
لغمان تورلیخیل سبزهوات و ایکینچیلیک محصوللری تولید بولیشی اوچون یخشی اقلیم گه ایگه بولیب و سونگی آیلرده اوشبو ولایتدهگی ییرلرگه لوبیا ایکیلیشی سیزیلرلی درجهده کوپهیگن. حاضر ایسه لغمان ولایتینینگ ایکینچیلیک ییرلریده لوبیا ایکینزارلری سیزیلرلی درجهده کوزگه کوریلیب و بو محصولنینگ ایکیلیشیگه دهقانلر قیزیقیشی آشگن.
افغانستان برق یېتکزیش شرکت (برشنا) مسئوللری، تیزلیک بیلن دیجیتل میترلری «هوشمند» میترلر گه اوزگرتیریلیشینی معلوم قیلگنلر.
پریود یا-ده حیض کوریش، هر آی عیاللر حیاتیده یوز بیرهدیگن طبیعی بیر جریان دیر. بو جریانده بچهداننینگ ایچکی بولیمی توکیلیب و تندن چیقهدی. بعضا حیض کوریش مدتی ۳ کوندن ۷ کونگچه دوام قیلهدی. عیاللردن قطاری اینگیل راحتسیزلیکنی باشدن کیچیرهدی؛ بیراق بیر قطار عیال ایسه بو دورده جدی جسمانی آغریقلرنی حس قیلهدی.
اسلام امیرلیگی فواید عامه وزیرلیگی، قویاش ۱۴۰۴-ییل، سرطان آییده مملکت تیمیر یوللری آرقهلی ۳۹۳ مینگ ۲۹۴ متریک تُن توار آلیش-بیریش بولگنینی معلوم قیلگن.
پروان ولایتی سیاهگرد تومنیگه قرهشلی آلیس و ساکن تاغلر بغریدهگی بیر قیشلاقده، بیر قیز اوز حیاتی و قیشلاقدهگی باشقه قیزلرنینگ حیاتینی اوزگرتیریش اوچون بیل باغلهگن. او اورنیدن توریب، حیات قیینچیلیگینینگ چیگینینی ییچیش و باشقه قیزلرگه هم ایشلش امکانیتینی یرهتیشگه قرار قیلگن. فریما، افغانستان دهگی باشقه مینگلب عایله کبی اوزیدن هیچ بیر اثر قویمهگن و حیاتیگه دوام بیرهیاتگن بیر عایلهده کته بولگن؛ بیراق او، قیشلاقلیک باشقه قیزلر کبی ساده و عادی بیر حیاتنی ایستمهگن.
غزنینینگ قرهباغ تومنیده یوز بیرگن هلاکتلی ترافیکی بیر حادثه نتیجهسیده، قریب ۴۰ کیشی اولیب و یرهلنگن. مذکور ترافیکی حادثه، بوگون توش چاغی (۶-اسد، دوشنبه)، غزنی ولایتی قرهباغ تومنیده و کابل-قندهار قتناو یولیده یوز بیرگن.
ایکینچیلیک، سوغاریش و چاروهچیلیک وزیرلیگی رسمیلری، اسلام امیرلیگی رهبری هبتالله آخوندزادهنینگ بویروغی بیلن، ۱۲ ولایتده ۳۰ ینگی تومن تشکیل بولگن.
بدخشان ده خوفسیزلیک مسئوللرینینگ ایتیشلریچه، اوتکزیلگن بیر عملیات نتیجهسیده، ایکی کیشی بنگیوار ماده قاچاقی عیبی بیلن، قولگه آلینگن. بدخشان امنیه قوماندانلیگی سوزلاوچیسی احسانالله کامگارنینگ ایتیشیچه، بو کیشیلر اوتگن کون (۵-اسد، یکشنبه)، اوشبو ولایت «کشم» تومنیده قولگه آلینگن.
افغانستان سرپرست حکومتی تامانیدن قبول قیلینگن ایش قانونی ۱۶ باب و ۱۴۷ مادهدن عبارت بولیب، اونده ایش وقتلری، ایش حقی، ایش گه قبول قیلیش شرطلری، ایش شرطنامهلری، ایشچیلرنینگ دمآلیش و تعطیل حقوقلری کبی موضوعلر یاریتیلگن. بیراق سلاموطندار ۱۴ ولایتده ۴۲ یاش ایشچی بیلن صحبت اوتکزگن، اوشبو یاشلرنینگ کوپچیلیگی رسمی شرطنامهسیز، ساغلیق بیمه و جوده کم ایش حقی عوضی گه آغیر محنت شرایطلریده ایشلهماقدهلر.
فاریاب ولایتی المار تومنیده ناروینینگ مالی حمایتی بیلن قیزلرگه باشلنغیچ بیر مکتب قوریلگن. فاریاب اقتصاد باشلیغی محمداسماعیل ذبیح، اوشبو مکتبنینگ اوتگن کون (۵-اسد، یکشنبه)، محلی رسمیلر حضوری بیلن آچیلگنینی بیان قیلگن.
