لوگر یشاوچیلریدن قطارینینگ ایتیشلریچه، ییر آستی سوولر سطحی کمهیگنی اولرنی کوپینچه قیینچیلیک بیلن روپهره قیلگن. اولرگه کوره، سوو قودوقلری، بولاقلر، کانالر و کاریزلرنینگ قوریشی، اولر اوچون کوندهلیک حیات کیچیریشنی قیینلشتیرگن.
اسلام امیرلیگی سۉزلاوچیسی ذبیحالله مجاهد، تورکیهنینگ استانبول شهریده مملکت و پاکستان هیئتی اورتهسیدهگی مذاکرهلر یکونلنگنینی اعلان قیلدی.
افغانستاننینگ فوتسال ملی تیرمه جماعهسی، میلادی ۲۰۲۵-ییل آسیا اویینلری فینالیده، ایران گه غلبه قازاندی. اوشبو اویین، ۸-عقرب، چهارشنبه کیچه کابل وقتی بیلن ساعت ۸:۳۰ ده بحرین میزبانلیگی بیلن اوتکزیلدی.
بیلیم یورت استادی و تدقیقاتچی صالحمحمد راسخ، اۉزبېک تیلینینگ ترقیاتی و رواجی اوچون بو تیلده تولید، تیارلش و مطلب نشر قیلیش بولیمیده سعی-حرکت بولیشی کېرهک دیېدی.
افغانستان نینگ زمانوی تاریخیده عدالت، تېنگلیک و انسان اېرکینلیگی یۉلیده کورهشگن کۉپلب سیمالر موجود. اما اولر نینگ آرهسیده «محمد طاهر بدخشی» علیحده اۉرین اېگللهیدی. او عدالتپرور ضیالی، آنگلی سیاستچی و خلقپرور متفکر اېدی. اونینگ فکرلر تیزیمی انسان، عدالت و اجتماعی آنگ تمایللریگه اساسلنر اېدی. بدخشی مملکت تاریخی نینگ اېنگ آغیر دورلریدن بیریده اېرکینلیک و تېنگلیک شعارینی بلند کۉتردی همده معنوی و فکری قرشیلیک نینگ رمزیگه ایلندی.
هرات ولایتی محلی رسمیلری، اوشبو ولایتنینگ گذره تومنیگه قرهشلی «گلهزار» قیشلاغیده بیر کیچیک سوو توغانی فایدهلنیشگه تاپشیریلگنیدن خبر بیرگنلر.
مالیه وزیرلیگی، ۱۴۰۴-ییل، میزان آییده صفتسیز بولگن ۶۳ نفت تانکری مملکت باجخانهلریدن قیتریلگنینی معلوم قیلگن. اوشبو وزیرلیک، ۷-عقرب، چهارشنبه کونی ایکس صحیفهسیده بیر بیانیه ترقهتیب بو حقده خبر بیرگن. بیانیه گه کوره، اوشبو مقدار تیل تانکری مالیهوزیرلیگینینگ نفت مادهلری صفتی و نظارت قیلیش ریاستی تامانیدن، صفتسیزلیگی انیقلنیب و مملکت تورلی باجخانهلریدن قیتریلگن.
لغمان ترافیک مدیری حبیبالله مبارزنینگ ایتیشیچه، اوشبو ولایتده یوز بیرگن ترافیکی حادثه نتیجهسیده، ۲۱ کیشی اولیب و یرهلنگن.
تاجیکستاننینگ خوجند شهریده ۲۹-میزان/ ۲۱-اکتوبر اۉزبېک تیلی بیرهمی کونیگه بغیشلنگن تدبیر اۉتکزیلدی.
پروان و کاپیسا ولایتلریده یشاوچیلر نیچه دههدن بویان سوو قوشلرینی آولش و توتیش مقصد، کوللر (باتقاقلیکلر) نی توزهتیش بیلن آزیق-آوقت و اقتصادی نیازلرینینگ بیر قسمینی تامینلهر ایدیلر. لیکن سونگی ییللرده اوشبو کوللرده قوشلرنی آولش تقیقلنگن که بو ایش، نهفقط آزیق-آوقت و اقتصادی منبعلرنی کیسگن، بلکیم مینگلب جریب ییرنینگ درست شکلده فایدهلنیلمسلیگی و مدیریت بولمسلیگی سبب، قوریب و فایدهلنیلمهی قالگن.
سلاموطندارنینگ ۲۰ نفر یاش (۱۲ قیز و ۸ اوغیل) بیلن اۉتکزگن صحبت نتیجهلری شونی کورستهدی کی، اوشبو یاشلر تیری و گوزهللیک معمالرینی دوالش اوچون تجارت محصولاتلریدن فایدهلنگن، بیراق ۱۵ نفری عکس تأثیریگه دوچ کیلگن. سۉنگی ییللرده ایشسیزلیکنینگ آشیشی و فیسبوک، اینستاگرام و تلگرام کبی اجتماعی ترماقلر کېنگهیشی بیلن گوزهللیک محصولاتلرینی ساتیش سیزیلرلی درجهده آشگن.
اسلام امیرلیگی ایچکی ایشلر وزیرلیگی، اوغریلیک عیبی بیلن ایکی پاکستانلیکنینگ قولگه آلینگنینی معلوم قیلگن.
اسلام امیرلیگی ساغلیقنی سقلش وزیری، سعودی عربستان گه قیلگن رسمی سفریده اوشبو مملکت ساغلیقنی سقلش وزیری بیلن اوچرهشیب و پولیو کسللیگی اورتهدن کیتیشی، کسللیکلر آلدی آلینیشی و ساغلیق توزیمی کوچلنیشی توغریسیدهگی همکارلیکلر حقیده صحبت قیلگن.
اسلام امیرلیگی سودا و صناعت وزیری نورالدین عزیزی، قزاقستان ملی اقتصاد وزیری و باشوزیری اورینباسری سریک ژومانگارین بیلن اوچرهشگن.
اسلام امیرلیگی ایچکی ایشلر وزیرلیگینینگ بنگیوار مادهلر گه قرشی کورهش معینی محمدقاسم خالد گه کوره، دهقانلر گه بنگیوار مادهلر اورنیده بدیل ایکیش و اوشبو مادهلر گه چلینگن کیشیلرنی دوالش امکانیتینی یرهتیش اوچون، خلقارا همکارلیک ضرور.
افغانستاننینگ فوتسال ملی تیرمه جماعهسی، میلادی ۲۰۲۵-ییل آسیا اویینلری یریم باسقیچیده، بیر تامانلمه و هیجانلی اویینده تایلند گه غلبه قازاندی.
