اسلام امیرلیگی تشقی ایشلر وزیری امیرخان متقی، اسلام همکارلیک تشکیلاتینینگ افغانستان اوچون مخصوص وکیلی و اورین باسری طارقعلی بخیت بیلن اوچرهشووده، کابل پاکستان بیلن بولگن کیلیشماوچیلیکلرنی مذاکره آرقهلی حل قیلیشگه طرفدارلیگینی بیلدیرگن.
اسلام امیرلیگی باش وزیرینینگ اقتصادی اورین باسری ملا عبدالغنی برادر، افغانستان اۉزینی-اۉزی تأمینلش کوچیگه ایگهلیگینی بیلدیردی.
تهران ده اسلام امیرلیگی ایلچیخانهسی سرپرستی فضلمحمد حقانی، ایران تشقی ایشلر وزیرلیگینینگ خلقارا و حقوقی اورینباسری کاظم غریبآبادی بیلن اوچرهشیب و ایکی تامانلمه مسئلهلر توغریسیده صحبت قیلگنلر.
پنجشیر کانلر و پترولیم ریاستیده مسئوللرنینگ ایتیشلریچه، حاضر ایسه اوشبو ولایتنینگ تورلی تومنلریده جایلشگن ۳۰۰ دن آرتیق زمرد و بیروج کانیده قازیب چیقریلیشنینگ دوامی بار. مذکور مسئوللرگه کوره، بو فعالیتلرده ۱۵ مینگدن آرتیق محلی ایشلاوچی مستقیم و نامستقیم شکلده ایش بیلن شغللنیب، قیمتبها تاشلرنینگ داوطلبلیککه قوییلیشی و ساتیلیشی، حکومت و اهالی اوچون یخشی بیر درآمد و اوشبو جریان سرمایه یاتقیزیلیش همده آستقورمهلر رواجلنیشیگه زمینه یرهته آلهدی.
چین قیزیل خاچ جمعیتی، سۉنگی زلزلهلرده ضرر کورگن عایلهلر گه یاردم بیریش مقصدیده، ۱۰۰ مینگ دالرنی افغانستان قیزیل آی جمعیتی گه تاپشیردی. بو یاردم سمنگان و بلخ ولایتلریده زلزله جبر دیدهلریگه مولجللنگن.
حاملهدارلیک دیابتی (شکر کسللیگی)، حاملهدارلیک دورهسیده قانشکرینینگ آشیشی آرقهلی انیقلنهدیگن دیابت توری دیر. نسایی ولادی شفاکارلریدن قطارینینگ ایتیشلریچه، حاملهدارلیک دیابتی، حاملهدارلیک دورهسینینگ جیم کسللیکلریدن بیری بولیب، بعضا بیللی و بعضا ایسه نابیللی علایملر بیلن آنه همده جنیننینگ ساغلیگینی خوف آستیده قویه آلهدی.
قندوز معلومات و مدنیت ریاستی فرهنگ و صناعت بوییچه آمریتی تامانیدن، اوتگن کون (۲۱-عقرب، چهارشنبه)، نقاشلیک و خطاطلیک کورگزمهسی اوتکزیلگن.
ایرتهلب، ساووق و چنگلی هوا کابل شهرینینگ محیطینی آغیرلشتیرگن، انتانی و اندراگاندی کسلخانهلرینینگ هر بیر خانهسیدن قتیق ایسیتمهدن کویاتگن، آغریقدن قینلهیاتگن بیمارلرنینگ یوتهلی و نالهسینینگ آوازی ایشیتیلهدی – بو مملکتده موسمی کسللیکلرنینگ ینگی تولقینی باشلنگنیدن درهک بیرهدی.
هوانینگ ساووق بولیشی بیلن بیرگه، کابل ده هوا افلاسلنیشی هم کوپهیب و اهالینینگ خواطریگه سبب بولگن. کابل شهرینینگ تورلی بولیم یشاوچیلریدن قطاریگه کوره، کمبغل عایلهلر آرقهلی موترلر تایری و پلاستیکی نرسهلر یاقیلیشی طفیلی اورته گه کیلهدیگن دود، بالهلرینینگ کسل بولیشیگه سبب بولگن.
افغانستان اۉزبېکلرینینگ سابق دولتدهگی ییریک عملدارلری، بیلیم یورت استادلری، شاعرلر، یازووچیلر، ژورنالیستلر و مدنی فعاللری، جوزجان بیلیم یورتی لوحهسیدن اۉزبېک تیلی آلیب تشلهنیشینی بو قومنینگ حکومت تامانیدن کمسیتیلیشی، افغانستانده تیل خیلمه-خیللیگیگه اعتبار بیرمسلیک و اۉزبېک تیلینی برچه ساحهلردن حذف قیلیش دیب بهالهگنلر.
بیرلشگن ملتلر تشکیلاتی بالهلرنی قوللب-قوتلش صندیغی (یونیسف)، نینگ آگاهلنتیریشیچه، افغانستان ده هوا اوزگریشلری تاثیری حقیقی «جیم انقراض» بولیب و قوریقچیلیک بولگن ولایتلردهگی سوو حدودلریدن یریمیدن آرتیغی قوریب قالگن.
اسلام امیرلیگی باش وزیرینینگ اقتصادی اورین باسری عبدالغنی برادر، مملکت سودا و صناعتچیلری بیلن اوچرهشووده، سودانی امکان قدر تیزراق پاکستاننینگ بدیل یوللری آرقهلی باشلشلرینی سورهگن. اسلام امیرلیگینینگ اقتصادی اورین باسرلیگی بوگون (۲۱-عقرب/۱۲-نومبر، چهارشنبه) بیر بیانیه ترقهتیب، بو حقده خبر بیرگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن بیر کونده ۹ مینگ ۳۹۱ افغانستانلیکنینگ مملکت گه قیتریلگنینی معلوم قیلگن.
غزنی ولایتی جاغوری تومنی یشاوچیلری، شخصی پوللری بیلن «شغلهی علیادتو» اسمی آستیده بیر مکتب قورگنلر. ۱۳ میلیون افغانی عوضیگه، مذکور تومننینگ علیادتو قیشلاغیده قوریلگن اوشبو مکتب، اوتگن کون (۲۰-عقرب، سهشنبه)، فایدهلنیشگه تاپشیریلگن.
جوزجان ولایتی معارف رسمیلری، اوشبو ولایتده بیر عایله تورت جریب ییرنی مکتب قوریش اوچون اجرهتگنیدن خبر بیردیلر.
اسلام امیرلیگی تشقی ایشلر وزیرلیگی، هندوستان و پاکستانده یوز بیرگن پارتلشلرنی قارهلهدی.
