اسلام امیرلیگی ایچکی ایشلر وزیرلیگی سوزلاوچیسی عبدالمتین قانع، بوگون (۴-عقرب، یکشنبه)، اوشبو وزیرلیکنینگ خوفسیزلیک ایشلری بوییچه ییریک معینی، محمدابراهیم صدر رهبرلیگیده بیر هیئتنینگ ایران کیتگنیدن خبر بیرگن.
کابل و اسلامآباد اورتهسیدهگی سیاسی کېسکینلیکلردن سۉنگ، ایککی هفتهدن بیری تورخم، اسپینبولدک، غلامخان، دندپتان و انگور اده چېگره بندرلری افغانستان و پاکستان اورتهسیدهگی برچه سودا و ترانزیت یوکلرینی یېتکزیش یوزیگه یاپیلیب و یوزلب یوک تاشووی موتر چېگرهلرنینگ ایکی تامانیده توختهب قالگن.
کابل ده ایران ایلچیخانهسینینگ اعلام قیلیشیچه، ایران تشقی ایشلر وزیرلیگینینگ خلقارا و حقوقی مسئلهلر بوییچه اورینباسری کاظم غریبآبادی، کابل گه کیلگن.
اسلام امیرلیگی فواید عامه وزیرلیگی، اوتگن بیر هفته ایچیده ۱۲۹ مینگ ۶۱۲ متریک تُن یوک، افغانستاننینگ تیمیر یوللری آرقهلی تشیلگنینی بیلدیرگن. فواید عامه وزیرلیگی سۉزلاوچیسی محمداشرف حقشناس، ۴-عقرب، یکشنبه کونی ایکس صحیفهسیده بیر بیانیه ترقهتیب، اوشبو یوکلر ۲۵ دن ۱- عقربگه قدر تشیلگنینی معلوم قیلگن.
غزنی ولایتی قرهباغ تومنیده یوز بیرگن ترافیکی حادثه نتیجهسیده، ۲۰ کیشی اولیب و یرهلنگن. غزنی امنیه قوماندانلیگی سوزلاوچیسی خالد سرحدینینگ ایتیشیچه، مذکور حادثه بوگون ایرتهلب (۴-عقرب، یکشنبه)، اوشبو ولایت قرهباغ تومنینینگ «بازار عسکرکوک» ساحهسیده، یوز بیرگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده تورت مینگ ۲۸۰ افغانستانلیکنینگ مملکت گه قیتریلگنینی معلوم قیلگن.
ایکینیچلیک، سوغاریش و چاروهچیلیک وزیرلیگی، قویاش ۱۴۰۴-ییلده مملکتده شفتالو یېتیشتیریش ۶۵ مینگ ۳۴۱ متریک تُن گه یېتگنینی معلوم قیلگن.
بالهلیگیدن آغیر محنت گه مجبور بولگن اوسمیرلر کېلهجک حقیده باشقچه تصور قیلهدیلر. اوشبو گزارشده بالهلیگیدن آغیر محنت گه مجبور بولگن ۲۰ نفر اوسمیر سلاموطندار بیلن صحبتده اۉزلرینینگ آغیر حیات تجربهلری و عملگه آشمهگن آرزولری حقیده سۉزلب بیریشگن.
سمنگان مرکزی ایبک شهریده اوزبیک تیلی فرهنگی، ادبیاتی و ارزشلرینی بیلیش و قدر بیریش مقصد، اوزبیک تیلی ملی کونیدن نشانلنگن. اوشبو تدبیر، بوگون (۳-عقرب، شنبه)، محلی مسئوللر، مدنیتچیلر، شاعرلر، یازووچیلر و ییگیتلردن قطارینینگ حضوری بیلن اوتکزیلگن.
قندوز شهری یشاوچیلریدن قطارینینگ ایتیشلریچه، سرکلر اوستیگه ینگی قوریلهدیگن بنالرنینگ قوریلیش موادی تشلهنیشی، اولرنینگ کوندهلیک اوتیب-قیتیشینی قیینچیلیک بیلن روپهره قیلگن.
اسلام امیرلیگی باش وزیرینینگ اقتصادی اورین باسری ملا عبدالغنی برادر، سعودی عربستان «انترنشنل دلتا کمپنیهسی»نینگ اجرائیه باشلیغی شاهر التقی بیلن اوچرهشیب، افغانستانده نفت-گازنی قیدیریش، قازیب چیقریش مسئلهسینی محاکمه قیلگن.
کنر دهگی شفاکارلردن قطارینینگ ایتیشلریچه، تنهده کلسیم کملیگی سویک ضعیفلیگی، تیشلرنینگ بوزیلیشی، ساچ توکیلیشی و باشقه بیر قطار ساغلیق قیینچیلیکلرگه سبب بولهدی. اولرگه کوره، کلسیم و ویتامین دی کملیگی اینیقسه عیاللرده بیر قطار ساغلیق قیینچیلیکلرنی اورته کیلتیرهدی.
آسترالیالیک عالملر انسان سلامتلیگیگه تأثیر ایتووچی اېنگ کوچلی عامللردن بیری یالغیزلیک حقیده جدی آگاهلنتیریشگن. اولرنینگ سۉزلریگه کوره، انسان اۉزینی حس قیلگنده میه بو حالتنی جسمانی آغریق یا کی خوف کبی قبول قیلهدی و درحال حمایه حرکتینی ایشگه توشیرهدی.
اسلام امیرلیگی سۉزلاوچیسی ذبیحالله مجاهد، ایچکی ایشلر وزیرلیگینینگ معینی رحمتالله نجیب باشچیلیگیده بیر هیئت، تورکیه گه کیتگنیدن خبر بیرگن.
تخار مرکزی تالقان شهری و سرپل ولایتی سانچارک تومنیده، اوزبیک تیلی ملی کونی مناسبتی بیلن بیر احتفال اوتکزیلگن. اوشبو احتفال اوتگن کون (۲-عقرب، جمعه)، محلی رسمیلر، مدنیتسیورلر، بیلیم یورت استادلری، شاعرلر، یازووچیلر و یاشلردن قطارینینگ حضوی بیلن نشانلنگن.
کوز فصلی یېتیب کېلدی، قیشلاقلر اېسه سریق برگلردن تیکیلگن لباسده آسایشته، قیسقه بیر بیرهمنی کوتیب آلگن. تیپهلیکلر اوستیده و باغلر آرهسیده برگلرنینگ شمالده رقصی شاعرلیک بیر منظره یرهتهدی؛ اما قیشلاق عیاللری اوچون بو گوزهللیک باشقه معناگه ایگه – بو ساووق، آچلیک و مشقتنینگ باشلنیشی بیلگیسی. شاخدن اوزیلگن هر بیر برگ یقینلشیب کېلهیاتگن قیشدن درک بیرهدی – بو قیش لای، شرایطنینگ یوقلیگی و آزیق-آوقت تنقیصلیگی آرهسیده حیاتنی قرانغو و آغیر بیر سفر گه ایلنتیرهدی.
