بلخ سودا و سرمایه یاتقیزیش اتاق باشلیغی هارونرشید قاضی، افغانستان دن اوزبیکستان گه ایکینچیلیک محصوللری یوباریلگنیدن خبر بیرگن. اونینگ کوپهیتیریشیچه، اوشبو محصوللر انار، آلمه و توتمهییزدن عبارت بولیب، بوگون (۱-قوس، شنبه)، حیرتان بندری آرقهلی صادر بولگن.
بیلیم یورتی استادی، تیلشناس و یازووچی دوکتور عزیزالله ارال سلاموطندار بیلن مخصوص صحبتده، تورکیه ملی تعلیم وزیرلیگی تاریخی-جغرافی تعریفلرده «مرکزی آسیا» اتمهسینی اۉرنیگه «تورکستان» سۉزینی معارف گه کیریتگنی، «مستملکه چیلیک» غایه سینی تازهلشگه و «تورک دنیاسی بیرلیک غایهسینی» مستحکملشگه خدمت قیلیشینی ایتهدی.
مملکت شمالیده یوز بیرگن زلزلهدن کیین، سعودی عربستان ده حیات کیچیرهدیگن سمنگان یشاوچیلریدن قطاری، زلزلهدن جبرلنگنلرگه یاردم ییغیش و ترقهتیش اوچون بیر کمیسیون آچگنلر. اوشبو کمیسیون، سوداگرلر، سرمایه یاتقیزووچیلر و جمغرمهلردن یاردم ییغیش و اونی نیازمند عایلهلرگه ترقهتیش مقصد آچیلیب، حاضرگچه اوچ میلیوندن آرتیق افغانینی سمنگان دهگی ۷۰۰ عایله گه ترقهتگن.
اوزبیکستان جمهور باشلیغی شوکت میرضیایف، چین تشقی ایشلر وزیری وانگ یی بیلن اوچرهشیب، منطقهای مسئلهلر اینیقسه افغانستان توغریسیده صحبت قیلگنلر. اوزبیکستان جمهورلیک ریاستی ادارهسی، جمعه کونی، ۳۰-عقرب، بیر بیانیه آرقهلی یازیشیچه، اوزبیکستان و چین…
امارتی کمپنیهلر عمومی ریاستینینگ اعلام قیلیشیچه، «آریانا افغان» هوا یوللری کمپنیهسی، توارلر یوباریلیشی تیزلنتیریلیشی و صادرات جریانیده آسایشتهلیک یرهتیلیشی مقصد، اوچ ته چارتر اوچاق ساتیب آلهدی.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده ۴ مینگ ۲۶۸ افغانستانلیکنینگ چیقریلگنینی معلوم قیلگن. اوشبو کمیسیون بوگون (۱-قوس، شنبه)، اکس صحیفهسیده بیر بیانیه آرقهلی یازیشیچه، مذکور کیشیلر اوتگن کون هرات ده اسلامقلعه، نیمروز ده پل ابریشم، قندهار ده اسپینبولدک و…
پاکستان دن افغانستانلیک قاچقینلرنینگ چیقریلیش جریانی کوچهیشی بیلن بیرگه، افغانستانلیک قاچقینلردن قطارینینگ ایتیشلریچه، یرهتیلگن ینگی چیکلاولر، اولر اوچون حیات کیچیریشنی قیینلشتیرگن. اولر بو مملکتده پولیسنینگ یامان یاندهشووی، دستلبکی خذمتلر چیکلنگنی و اجتماعی باسیملردن شکایت قیلماقدهلر.
میلادی ۱۹۹۶-ییلده، بیرلشگن ملتلر تشکیلاتی عمومی ییغیلیشیده، اوروش، صلح، امنیت و اقتصادی مهم واقعهلرنی نشر قیلیش گه تلویزیون تأثیری بارهسیده، ۲۱-نومبر «خلقارا تلویزیون» کونی اولهراق بیلگیلندی.
اوشبو وزیرلیک سۉزلاوچیسی محمداشرف حقشناس، ۲۹-عقرب/۲۰-نومبر، پنجشنبه کونی ایکس صحیفهسیده بیر بیانیه ترقهتیب ب حقده خبر بیردی. بیانیه گه کوره، فاریاب ولایتیده آقینه – اندخوی تیمیر یولی ۱۰ کیلومتر عملی ایشی، فواید عامه وزیرلیگی تامانیدن باشلنگن و اېندیلیکده دوام اېتماقده.
گوشت دنیاده اېنگ کوپ استعمال قیلینهدیگن آقسیل (پروتین) منبعلریدن بیری بولیب قالماقده. بیراق گوشت تورلریگه بولگن طلب مملکتلر کیسیمیده سېزیلرلی فرق قیلهدی.
افغانستان ده بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف) باشلیغی تاجالدین اویوالهنینگ ایتیشیچه، قشاقلیک، اوروشلر، اقلیم اوزگریشلری و مهم خذمتلر اوچون بودجهنینگ جدی شکلده کمهیشی، بالهلردن کیلهجکلرینی آلهدی.
چیکلاولر و اقتصادی باسیملر سایهسیده، هرات ده قالین توقووچی عیاللر کیچیک ایشخانهلرنی آچیش بیلن، نهفقط عایله نیازلرینی تامین قیلگنلر، بلکیم قالیننینگ هر بیر توگونی بیلن حیاتلریدهگی قیینچیلیکلر توگونینی آچماقدهلر. اوشبو ایشخانهلر، اقتصادی نیازلری تامینلنیشیده عایلهلرگه یاردم بیریشی یانیده، ایش و تعلیمدن محروم قالگن قیز و عیاللرنینگ قالین توقیش کبی مهارتلرنی اورگهنیش و روحی باسیملردن قوتقریلیش مقصد، تینچ بیر فضا دیر.
جوزجان بیلیم یورتی ایشیگیدهگی لوحه، اۉزبېک تیلیده «بیلیم یورتی» سۉزی قیته یازیلیش بیلن قوندیریلدی. اجتماعی ترماقلرده نشر ایتیلگن معلوماتلر گه کوره، اوشبو لوحه بوگون (۲۹-عقرب/۲۰-نومبر، پنجشنبه) ایرتهلب قوندیریلگن. حاضرگی لوحهده کورینیشیچه، انگلیس تیلی اوچیریلیب اۉزبېک، فارس و پشتو تیللریده یازیلگن.
مملکت شمالیده ۱۲-عقرب، دوشنبه کونی یوز بیرگن زلزله، جانی تلفات و مالی زیانلرگه علاوه، سمنگان ولایتیده معارف بولیمیگه هم کوپینچه زیان ییتیشتیریب، اونلب مکتب و دینی مدرسهنینگ بوتونلی و قسمی شکلده ویران قیلگن.
هر بیر پویا و رواجلنهیاتگن جمعیتنینگ قلبیده یاشلر، ایجادکار و کېلهجک بنیادکار کوچلر، ترقیات جریانینی آلدینگه سیلجیتیشده مهم رول اوینهیدیلر. اولر انگیزهلی و ینگی ایدهلر بیلن ترقیات یولینی ېنهده آسانلشتیره آلهدیلر. اما افغانستاندهگی اوشبو قدرتلی و تأثیرچن کوچنینگ کتته قسمی محنت حیاتیده تورلی توسیقلر گه دوچ کیلماقده و بو توسیقلر اولر گه مملکت رواجیگه اۉز حصهسینی قوشیشگه امکان بیرمهیدی.
بیرلشگن ملتلر تشکیلاتینینگ ترقیاتی دستوری افغانستان بولیمی، جاپان آرقهلی افغانستان گه بیش میلیون ۶۰۰ مینگ دالر یاردم بیریلگنینی معلوم قیلگن.
