بدخشان ده عیاللردن قطاری، اقتصادی قیینچیلیک و آگاهیسیزلیک سبب بو ولایتدهگی عیاللر نینگ اوز باشیمچهلیک دارو استعمال قیلیشلرینی بیان قیلگنلری بیرحالده؛ شفاکارلر اونینگ عاقبتلریدن آگاهلنتیرگنلر.
معارف وزیرلیگی مسئوللری بوگون (چهارشنبه، ۲۱-سنبله)، امارتی ادارهلر نینگ بیر ییللیک یوتوقلرینی بیان قیلیش برنامهسیده ایتیشلریچه، اوتگن بیر ییلده افغانستان بویلب ۳۱۶ ینگی مکتب قوریلگن که مذکور مکتبلردن ۱۰۶ تهسی دولتی و ۲۱۰ تهسی ایسه خصوصی دیر.
اۉزبیکستان ترمذ خلقارا سودا مرکزی مسئوللری، اوشبو بازارده اقتصادی فعالیتلر باشلنگچ، سوداگرلر نینگ دکان اجاره آلیش گه قیزیقیشی کوپهیگنینی معلوم قیلهدیلر. ترمذ خلقارا سودا مرکز مسئولی سنجر صادقاوف، سۉنگی نیچه کونده قریب ۵۰ دکان، افغانستانلیک تدبیرکارلر و سوداگرلری تامانیدن اجاره آلینگن و بو جریان همان دوام اېتماقدهلیگینی اېتهدی.
تورکمنستان گازینی افغانستان آرقهلی پاکستان و هندوستان گه انتقال بیرووچی تاپی لایحهسی عملی ایشی، بوگون (۲۱-سنبله، چهارشنبه) افغانستانده رسمی طرزده باشلندی. تاپی لایحهسی ایشی باشلنیش مناسبتی بیلن یولگه قوییلگن احتفالده، افغانستان و تورکمنستان رسمیلری، منطقه ده بو کبی بویوک لایحهلر عملگه آشیریلیش اهمیتی گه اوستیگه تأکید اېتگنلر.
نیمروز ده خوفسیزلیک مسئوللری نینگ ایتیشلریچه، اوشبو ولایتده بیر اوقووچی صنفداشی تامانیدن پیچاقلنیب اولدیریلگن.
بلخ ولایتی قاچقینلر باشلیغی اسدالله وفا گه کوره، قالین ایشلب چیقریش و پروسس قیلیش اوشبو مرکز مذکور ولایت نینگ قالینبافان شهرچهسیده قوریلگن، بو مرکز ۲۰-سنبله، سهشنبه کونی عصر پیتی، قاچینلر وزیرلیگی نینگ معینی عبدالرحمان راشد حضوری بیلن آچیلیب و فایدهلنیشگه تاپشیریلگن.
اسلام امیرلیگی باش وزیری محمدحسن آخوند، تاپی و باشقه ترقیاتی لایحهلر آچیلیش مراسمیده اشتراک اېتیش مقصدیده هرات گه یېتیب بارگن. ارگ، بوگون (۲۱-سنبله، چهارشنبه) ایکس صحیفهسیده بیر بیانیه ترقهتیب، اسلام امیرلیگی باش وزیری یوقاری مرتبهلی هیئت باشچیلیگیده هرات گه یېتیب بارگنینی یازگن.
اروپا اتفاقی نینگ فوقالعاده یاردملرینی هماهنگ قیلووچی مسئولی، افغانستان گه ۱۰۰ تُن دارو و طبی اوسکونه یاردم کورستگنلریدن خبر بیرگن. اروپا اتفاقی نینگ فوقالعاده یاردملرینی هماهنگ قیلووچی مسئولی یانز لنارچیچ، ۲۰-سنبله، سهشنبه کونی ایکس صحیفهسیده بیر بیانیه ترقهتیب، اوشبو انسان پرورلیک یاردملر کابل گه یېتگنینی معلوم قیلگن.
فاریاب معارف ریاستی مسئوللری، اوشبو ولایتده ناروی مملکتی یاردمی بیلن قیزلر اوچون اورته بیر مکتب نینگ قوریلیش ایشی باشلنگنیدن خبر بیرگنلر.
اسلام امیرلیگی سۉزلاوچیسی نینگ اورین باسری حمدالله فطرت گه کوره، افغانستانده انسان حقلری و خاتین-قیزلر نینگ حقوقی گه دایر بیرلشگن ملتلر تشکیلاتی انسان حقلری ییغیلیشدهگی بیاناتلر بیر تامانلمه و سرپرست حکومت تامانیدن قبول قیلینمهیدی.
بدخشان ولایتی مقامی مطبوعات ادارهسی، اوشبو ولایت نینگ تشکیلاتیده «پامیر» ده ینگی اولسواللیک تشکیل بولیشیدن خبر بیرگن. مذکور اداره ترقهتگن بیانیهسیده، ۱۹-سنبله، دوشنبه کونی ایش ادارهسی وکیلی نورالحق جریر باشچیلیگیده تورلی ادارهلردن تشکیل بولگن هیئت، اوشبو ولایت نینگ پامیر منطقهسیگه سفر قیلگنینی اېتگن. بیانیه اساسیده، مذکور هیئت پامیرلردهگی قیینچیلیک و بو ییرده ینگی اولسواللیک تشکیل بولیشینی تیکشیرگنلر.
غزنی ده خوفسیزلیک مسئوللری نینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، توقیز کیشی اولیب و یرهلنگن. مذکور حادثه بوگون (سهشنبه، ۲۰-سنبله)، توشدن آلدین غزنی مرکزی حدودلری «کوتل روضه» ساحهسی و کابل-قندهار قتناو یولیده، ایکی تیزرفتار موتر نینگ توقنشگنی نتیجهسیده یوز بیرگن.
سرپرست حکومت حج و اوقاف وزیرلیگی مسئوللری، بوگون (سهشنبه، ۲۰-سنبله)، حکومت نینگ اطلاعات و ییتکرمهلر مرکزیده اوشبو وزیرلیک نینگ بیر ییللیک یوتوقلرینی بیان قیلیش برنامهسیده ایتیشلریچه، بو ییل حج مراسمیده تورلی سببلر بیلن ۲۷ افغانستانلیک حاجی جان بیرگن.
قندوز ولایتی محلی مسئوللری، اوشبو ولایتده یېتیم بالهلر اوچون «دولت مهربانلیک اوی» فعالیت گه باشلهگنینی معلوم قیلگنلر. قندوز ایش و اجتماعی ایشلر باشلیغی احمدشاه حقانی، اوشبو دولت مهربانلیک اوی یېتیم قیز و اوغیل بالهلر اوچون علیحده بنا گه ایگه بولیب و فعالیت گه باشلهگنینی اېتگن.
بلخ ولایتی مقامی ترقهتگن بیانیهسیده، اسلام امیرلیگی رهبری اوشبو ولایت محلی مسئوللریدن، اسلامی تېزیم مستحکملنیشی اوچون بیرینچیدن شریعت نی اۉزلری و کېین اېسه اهالی اوستیگه تطبیق اېتیش بویروغینی بیرگنینی بیلدیرگن. شیخ هبتالله آخوندزاده، اۉز بیاناتیده اتفاق، بیردملیک و برادرلیک اوستیگه تأکیدلب و بلخ ولایتی محلی مسئوللریدن تفرقه، قومپرستلیک، تیل و سمتی قرشیلیکلر گه چېک قوییشلرینی سۉرهگن.
فاریاب ولایتیدهگی باغدارلردن قطاری نینگ ایتیشلریچه، اوشبو ولایتده موسومی یاغینگرچیلیکلر و مناسب آب-هوا سبب، اوتگن ییل گه قرهگنده اوزوم حاصلاتی سیزیلرلی درجهده کوپهیگن. مذکور باغدارلر بو ییل حاصللری نینگ ۸۰ فایزگه قدر کوپهیگنی نی بیان قیلیب؛ بیراق ساتیلیش اوچون بازار یوقلیگی و قیمتلر کمهیگنی خصوصیده خواطر بیلدیرگنلر.
