۲۷-سنبله، سهشنبه، جرمنی و اۉرته آسیا مملکتلر نینگ باشلیغلری قزاقستان ده اۉتکزیلگن ییغیلیش ده، نیچه تامانلمه همکارلیکلر قیلیش مسئلهلرینی بحث گه آلگنلر. اوشبو ییغیلیش یکونیدهگی بیانیه ده، افغانستان گه انسان پرورلیک یاردملر دوام اېتیشی گه تأکیدلنگن.
افغانستان آزاد مبارزهلر (یوافسی) سپورتچیسی احمدسهیل حسنزاده، امریکالیک رقیبی گه غلبه قازاندی. آزاد مبارزهلر سپورتچیسی ۲۸ یاشر احمدسهیل حسنزاده، بوگون (۲۸-سنبله، چهارشنبه) «یوافسی» تشکیلاتی گه یول تاپیش اوچون امریکالیک رقیبی دیلان مانتلو بیلن مبارزهلر قفسی گه کېریب اونی اوچینچی روند ده مغلوب قیلدی. حسنزاده بو غلبه بیلن خلقارا «یوافسی» تشکیلاتی گه یول تاپگن افغانستانلیک بیشینچی سپورتچی اتهلگن.
بلخ ولایتی محلی مسئوللری، اوشبو ولایتدن افغانستان و اۉزبېکستان قۉشمه بازاری گه بیرینچی مرته ۲۰۰ تُن کچالو صادر قیلینگنینی معلوم قیلهدیلر. بلخ ولایتی مقامی یېتکرمهلر مرکزی، ۲۷-سنبله، سهشنبه کونی بیر بیانیه ترقهتیب، اوشبو ولایتدن حیرتان سوداگرلیک بندری آرقهلی بیرینچی مرته یوک تاشووچی ۱۰ موتر ده ۲۵۰ تُن کچالو صادر قیلینگنیدن خبر بیرگن.
۲۰۲۴ خلقارا فوتسال کپی اویینلری دوام اېتماقده اېکن بوگون (۲۸-سنبله، چهارشنبه) افغانستان فوتسال ملی تیرمه جماعهسی ارجنتاین بیلن بیللهشهدی.
کانلر و پترولیم وزیرلیگی مسئوللری، بوگون (۲۷-سنبله، سهشنبه) سلاموطندار بیلن اۉتکزگن صحبتلریده، هندوستان و پاکستان افغانستان توپراغیده تاپی لایحهسی عملی ایشی باشلنیشینی قۉللب-قوتلهگنلرینی معلوم قیلگنلر.
معلومات و مدنیت وزیرلیگی مسئوللری، بوگون (سهشنبه، ۲۷-سنبله)، مذکور نهاد نینگ بیر ییللیک یوتوقلرینی بیان قیلیش برنامهسیده ایتیشلریچه، اوتگن بیر ییلده ۹ میلیوندن آرتیق ایچکی و چیتایللیک سیاحتچی افغانستان نینگ قدیمی و دم آلیش ساحهلریدن کوریب چیققن.
افغانستان ده بیرلشگن ملتلر تشکیلاتی خلقارا آزیق-آوقت دستوری نینگ اعلام قیلیشیچه، افغانستان ده ۱۲ میلیوندن آرتیق کیشی کیینگی آوقتی نی قهییردن قولگه کیلتیریشنی بیلمهیدی.
بلخ دهگی صناعتچیلر و ایشلب چیقریش شرکتلر مسئوللریدن بیرقطاری، اسلام امیرلیگی مسئوللریدن اولرنی قۉللب-قوتلش اوچون برق نرخی و تشقریدن وارد اېتیلهدیگن خام اشیا سالیقلری کمهیتیریلیشینی سورهگنلر.
عمان ده افغانستان ایلچیخانهسی، اسلام امیرلیگی دیپلماتلری آرقهلی اۉز فعالیتلرینی عادی طرزده قیته باشلهگن. اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل بوگون (۲۷-سنبله، سهشنبه) ایکس صحیفهسیده بیر بیانیه ترقهتیب، عمان ده افغانستان ایلچیخانهسی اسلام امیرلیگی دیپلماتلری آرقهلی اۉز فعالیتلرینی قیته باشلهگنیدن خبر بیرگن.
اسلام امیرلیگی باش وزیری نینگ اداری اورین بارسری عبدالسلام حنفی، فاریاب ولایتی دین عالملریدن بیرقطاری بیلن اوچرهشووده، بو ولایت محلی مسئوللریدن مکتب، مدرسه، ساغلیق مرکزلر و سوو توغانلری قوریلیشی اوچون دقت قیلیشلرینی سورهگن. ارگ، ۲۶-سنبله، دوشنبه کونی ایکس صحیفهسیده بیر بیانیه ترقهتیب، عبدالسلام حنفی فاریاب ولایتی دین عالملریدن بیرقطاری بیلن اوچرهشگنیدن خبر بیرگن.
ارگ ۲۶-سنبله، دوشنبه کونی عصر چاغی اوز اکس صحیفهسیده، اسلام امیرلیگی باش وزیری نینگ اداری اورین باسری عبدالسلام حنفی بیلن کابل ده اوزبیکستان ایلچیسی یادگار خواجه شادمانوف نینگ اوچرهشگنیدن خبر بیرگن.
فاریاب قاچقینلر ریاستی مسئوللری، اوشبو ولایتده قاچقینلر و ایچکی آوارهلر گه ۱۲۴ باشپنه نینگ قوریلیش ایشی باشلنگنیدن خبر بیرگنلر.
بیلیملر اکادمیهسی مسئوللری، اوشبو اداره نینگ بیر ییللیک یوتوقلرینی یېتکرمهلر بیلن شریک قیلیش برنامه ده، سۉنگی بیر ییلده ۳۷ علمی تدقیقاتی لایحه عملگه آشیریلیب و باشقه ۲۰۸ لایحه ایشی دوام اېتماقدهلیگینی اېتگنلر.
ایران اسلامی کینگش مجلسی تصدیقی بیلن اوشبو مملکت دولتی آرقهلی چیتایل فقرالرنی چیقریش ریجهسی قولگه آلینگنی خصوصیده ایچکی و ایران ییتکرمهلریدن قطاری نینگ گزارشی بیلن بیرگه، مذکور مملکتدهگی افغانستانلیک قاچقینلر، چیکلاولر و جبری شکلده چیقریلیشلردن شکایت قیلگنلر.
مالیه وزیرلیگی نینگ اعلام قیلیشیچه، افغانستان نینگ تشقی نهادلردن بولگن قرضلریدن ۲ میلیارد ۷۰۰ میلیون افغانی نی تولهگن. اوشبو نهاد بوگون (دوشنبه، ۲۶-سنبله)، اوز اکس صحیفهسیده بیر بیانیه ترقهتیب یازیشیچه، توللنگن قرضلردن ۹۱۰ میلیون افغانی نی دنیا بانکی و بیر میلیارد ۹۰۰ میلیون افغانی نی آسیا ترقیاتی بانکی گه تولهگن.
مملکت مقیاسیده آلتینچی صنف دن یوقاری قیزلر یوزی گه مکتبلر یاپیلگچ، کوپینچه قیزلر آنلاین اوقیش گه یوز کېلتیرگن. اولر آنلاین طرزده اوقیشلرینی دوام اېتّیرماقده اېکن اۉز کېلهجگی حقیده قیغورهدیلر. کابللیک ۱۷ یاشر هدیه سروری، ۱۲-صنف اوقووچیسی بولگن پیتیده مکتبلر ایشیگی یاپیلگن. اېندی او برچه آرزولری بیلن اوی ده.
