معلوماتلر اساسیده، بیرلشگن ملتلر تشکیلاتی نینگ اوشبو ییغیلیشی ۲۴-سپتمبر کونیدن باشلب و اوشبو آی نینگ ۳۰- کونی گه قدر دوام تاپیشی ممکن، بو ییغیلیش ده مملکتلر نینگ لیدرلری غزه و اوکراین ده دوام اېتهیاتگن اوروش کبی دنیا بویوک معمالری یانیده افغانستان مسئلهسینی بحث گه آلیشلری کوتیلهدی.
زابل یشاوچیلرین بیرقطاری، اوشبو ولایت مرکزی قلات شهریده یشش محیط افلاسلنگنیدن نالیب، بلدیه ادارهسیدن بوتوغریده دقت قیلیشینی سورهیدیلر.
کانلر و پترولیم وزیرلیگی سۉزلاوچیسی همایون افغان گه کوره، افغانستانده ۱۶۷ کیچیک کان نینگ قازیب چیقریلیشی اوچون ۱۰ میلیارد افغانی دن کوپراق سرمایه یاتقیزیلگن و ۱۳ بویوک کان نینگ قازیب چیقریش اوچون استه-سیکین سکیز میلیارد افغانی سرمایه یاتقیزیش فرصتی یرهتیلگن.
سرپرست حکومت کانلر و پترولیم وزیرلیگی مسئوللری، بوگون (۳۱-سنبله، شنبه) اوشبو وزیرلیک نینگ بیر ییللیک یوتوقلرینی یېتکرمهلر بیلن شریک قیلیش برنامه ده ایتیشلریچه، سۉنگی بیر ییلده قریب ۵.۵ میلیون دالرلیک ۷۸ مینگ گه یقین قیراط «زمرد» اېرکین داوطلبلیک آرقهلی ایچکی و تشقی سرمایه یاتقیزووچیلر گه ساتیلگن.
۲۰۲۴-ییل خلقارا فوتسال کپی ده، افغانستان و اوکراین فوتسال ملی تیرمه جماعهلری گروهی باسقیچدن چیقیش اوچون بیللهشهدیلر. اۉزبېکستان میزبانلیگی بیلن بولیب اۉتهیاتگن اوشبو مسابقهلرده افغانستان فوتسال ملی تیرمه جماعهسی بوگون (۳۱-سنبله، شنبه) کابل وقتی بیلن شام پیتی ۷:۳۰ ده اوکراین بیلن بیللهشهدی.
آلتی آی آلدین ارزگان ولایتیده یوز بیرگن سوو تاشقینلر نتیجهسیده یشش اوینی قولدن بیرگن مذکور ولایت یشاوچیسی بولمیش ۵۵ یاشر ولیجان نینگ ایتیشیچه، حاضرگچه اوزی و عایلهسی اوچون یشش اوی قوره آلمهگن. اونینگ کوپهیتیریشیچه، یشش اوی قوریش اوچون امکانیتی یوق و بو توغریده حکومت آرقهلی هیچ قندهی یاردم هم قولگه کیلتیرمهگن.
بدخشان معلومات و مدنیت ریاستی اطلاعات آمری حکمتالله محمدی نینگ ایتیشیچه، ۲۹-سنبله، پنجشنبه کونی اوشبو ولایت خواهان تومنیده توپراقلی بیر تیپه نینگ قولشی عاقبتیده، اوچ کیشی اولگن.
غزنی ده مملکت سپورت مسئوللری حضوری و ۱۸۰ سپورتچی اشتراکی بیلن تکواندو بیللهشوولری نینگ اوچینچی دوری ۲۹-سنبله، پنجشنبه کونی، ییگیتلر آرهسیده سپورت رواجلنیشی و تورلی ولایتلر سپورتچیلری آرهسیده بیردملیک فضاسینی یرهتیش مقصد باشلنگن.
سرپرست حکومت تشقی ایشلر وزیرلیگی سرپرستی امیرخان متقی، بوگون (پنجشنبه، ۲۹-سنبله)، اوشبو نهاد نینگ بیر ییللیک یوتوقلرینی بیان قیلیش برنامهسیده ایتیشیچه، تشقی ایشلر وزیرلیگی اوتگن بیر ییلده دنیا بیلن دیپلماتیک مناسبتلرینی مستحکملش، اقتصادمحور سیاست نی ایزلش و قنسولی خذمتلرنی ارائه قیلیش بولیمیده یوتوقلر گه ایگه بولگن.
افغانستان قلبی کابل شهری «کوتل خیرخانه» حدودیده ۳۰۰ گه یقین جوگی عایلهسی، حیات اوچون کېرهک بولگن اېنگ دستلبکی امکانیتسیز و قیین شرایط ده خیمهلر آستیده تیریکچیلیک قیلیب کېلماقده. جوگیلر نینگ خاتین-قیزلری کمبغللیک، کمسیتیش، طبی و اوقیش امکانیتلردن فایدهلنه آلمسلیک، قانونی یاشنی تولدیرمسدن تورموش گه چیقیش و اجتماعی تورلی خیل قیینچیلیک بیلن دوچ دیر.
کابل ده غیرطبیعی توغیشلر کوپهیگنی بیلن بیرگه، آنهلردن قطاری نینگ ایتیشلریچه، غیرطبیعی توغیش، طبیعی توغیش کبی قیینچیلیکلر گه ایگه ایمس و انه شوو سبب کابل ده آنهلر آرهسیده بو کبی توغیشلر کوپهیگن.
تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۲۸-سنبله، چهارشنبه کونی ایکس صحیفهسیده بیر بیانیه ترقهتیب یازیشیچه، ژیرنوف بو موضوع نی اوشبو وزیرلیک سرپرستی امیرخان متقی بیلن اوچرهشووده بیان قیلیب، روسیه اسلام امیرلیگی وکیلینی مذکور مملکت میزبانلیگی بیلن بولیب اوتهدیگن منطقه و خلقارا ییغیلیشلرده اشتراک اېتیش گه تکلیف قیلیشینی اېتگن.
غور دهگی چاروهچیلردن قطاری نینگ ایتیشلریچه، اولر سوت محصوللری نینگ ستندرد شکلده پروسس قیلیش اسلوبلرینی بیلمهیدیلر و اوتمیشدن حاضرگچه سنتی اسلوبلردن فایدهلنیش بیلن لبنیات ایشلب چیقرماقدهلر.
هرات ولایتی محلی مسئوللری، اوشبو ولایت نینگ زاول تومنیده ترافیکی حادثه عاقبتیده بالهلر شامل بیر عایله نینگ ۹ اعضاسی هلاک بولگنیدن خبر بیرهدیلر.
۲۰۲۴ خلقارا فوتسال کپی اویینلری دوام اېتماقده اېکن افغانستان فوتسال ملی تیرمه جماعهسی ارجنتاین گه ۲-۱ حسابی بیلن بای بیردی. اوشبو مسابقه ۲۸-سنبله، چهارشنبه کونی اوزبیکستان میزبانلیگی بیلن بولیب اوتدی. افغانستان بوندن آلدین آنگولیا فوتسال ملی تیرمهسینی ۶-۴ حسابی بیلن مغلوب ایتگن ایدی.
ایش و اجتماعی ایشلر وزیرلیگی مسئوللری نینگ ایتیشلریچه، بنگیوار ماده گه چلینگن ۵۶۰ معتاد دوالنیشدن کیین، بوگون (چهارشنبه، ۲۸-سنبله)، بیش بولیمده کسب-کار اورگهتیش تورت آیلیک بیر دورنی بیتیریب و فارغ بولگنلر.
