سمنگان ده محلی مسئوللر نینگ ایتیشلریچه، بو ولایتده اوتگن ییل گه قرهگنده بو ییل بوغدای حاصلاتی ۶۰ فایز کوپهیگن. سمنگان ایکینچیلیک، چاروهچیلیک و سووغاریش ریاستی نینگ ایکینچیلیک ایشلری بوییچه آمری خلیل کریمی نینگ ایتیشیچه، جاری ییل کوکلم موسومیدهگی یاغینگرچیلیکلر، بوغدای حاصلاتی کوپهیشی گه سبب بولگن.
ساغلیقنی سقلش وزیرلیگی نینگ آزیق-آوقت و دارو معینیتی مسئوللری، بوگون (۵-میزان، پنجشنبه) اوشبو قویاش ییل باشلنگنیدن حاضرگه قدر صفتسیز و تاریخی اۉتگن ۸۶۰ تُن ییگولیک ماده و دارو یوق اېتیلگنینی معلوم قیلگنلر.
جوزجان ایکینچیلیک، سووغاریش و چاروهچیلیک ریاستی مسئوللری نینگ ایتیشلریچه، اوشبو ولایتده کمبغل و نیازمند عیاللر گه یاردم بیریش و عایلهلر اقتصادی رواجلنیشی مقصد، بیر قطار عیال گه سمارق نی ایکیش ۱۵ قلم اوسکونه ترقهتیلگن.
فاریاب ولایتی ساغلیقنی سقلش ریاستی مسئوللری، اوشبو ولایت مرکزی میمنه شهریده چقهلاقلر و آنهلر اوچو ساغلیق بیر مرکز آچیلگنینی معلوم قیلهدیلر. بو مرکز اوشبو هفته فاریاب ولایتی ساغلیقنی سقلش ریاستی ایچیده محلی مسئوللر و شفاکارلر نینگ حضوری بیلن آچیلگن. مذکور ساغلیقنی سقلش مرکز، ناروی کمیتهسی تامانیدن قوریلگن.
اسلام امیرلیگی کانلر و پترولیم وزیرلیگی سرپرستی بیر هیئت یېتکچیلیگیده روسیه گه سفر قیلگن. اوشبو وزیرلیک ۴-میزان، چهارشنبه کونی ایکس صحیفهسیده بیر بیانیه ترقهتیب، بو وزیرلیک سرپرستی هدایتالله بدری اوچ کونلیک بیر سفر ده روسیه گه یېتیب بارگنیدن خبر بیرگن.
افغانستان فوتسال ملی تیرمه جماعهسی، ۲۰۲۴-ییل خلقارا فوتسال کپی اویینلریدن حذف بولدی. ۴-میزان، چهارشنبه کونی اۉزبېکستان میزبانلیگی بیلن بولیب اوتگن بو مسابقه ده افغانستان ۳-۱ حسابی بیلن پاراگوای گه بای بیردی. شونینگدیک، اسپانیا فوتسال ملی تیرمه جماعهسی ۲-۱ حسابی بیلن ونزوئلا برابریده مغلوبیت گه تن بیریب و بو مسابقهلر بیلن خیرلشدی.
ساغلیقنی سقلش وزیرلیگی مسئوللری، «کتلوی سقلنیش ملی پروگرامی» بناسی نینگ آچیلیش مراسمیده ایتیشلریچه، افغانستان ده ۱.۸ میلیون باله واکسین بولیشدن محروم قالگن.
اسلام امیرلیگی رهبری شیخ هبتالله آخوندزاده قندوز گه قیلگن سفری دایرهسیده، امر معروف و نه منکر قانونی عملگه آشیریلیشی گه تأکیدلب و هېچ بیر شرایط ده شریعت نی معامله قیلیش گه تیار اېمسلیگینی بیلدیرگن. اسلام امیرلیگی رهبری بیاناتی بیر بولیمیده، غرب مملکتلری نینگ افغانستانده انسان حقلری وضعیتی گه دایر یاندهشوویدن تنقید اېتگن.
پروان ساغلیقنی سقلش ریاستی مسئوللری نینگ ایتیشلریچه، اوشبو ولایت یشاوچیلریدن ۵۰۰ کیشی نابیللی بیر تورلی یوقمه کسللیککه چلینگنلر و بو کسللیککه چلینگنلر سانی ایسه کوپهیماقده دیر.
افغانستان فوتسال ملی تیرمه جماعهسی ۲۰۲۴-ییل خلقارا فوتسال کپی حذفی باسقیچی ده پاراگوای تیرمه جماعهسی بیلن بیللهشهدی. اوشبو مسابقه بوگون (۴-میزان، چهارشنبه) افغانستان وقتی بیلن شام پیتی ساعت ۷:۳۰ ده یولگه قوییلهدی. افغانستان و پاراگوای گه قۉشیمچه اسپانیا و ونزوئلا عصر پیتی ساعت ۵:۰۰ ده بیللهشهدیلر.
لوگر امنیه قوماندانلیگی مسئوللری نینگ ایتیشلریچه، اوشبو ولایتده بیر عیال و بیر قیز اوزینی اولدیرگن.
مسئوللر گه کوره، اوشبو واقعه ۲-میزان، دوشنبه کیچه کیچ قورون، لوگر مرکزی پلعلم شهری نینگ «خلیفه صاحب» ساحهسیده یوز بیرگن.
بوگون (سهشنبه، ۳-میزان)، کابل ده سیلاب جمغرمهسی آرقهلی ۳۰ ییگیت نینگ توپلم توی مراسمی اوتکزیلگن. اوشبو جمغرمه مسئولی سیداحمد سیلاب نینگ ایتیشیچه، مذکور مراسم جمعیتده ناتوغری فرهنگلر اورتهدن کیتیشی و توپلم توی مراسملری رواجلنیشی مقصد، یولگه قوییلگن.
بدخشان معارف ریاستی مسئوللری نینگ ایتیشلریچه، اوشبو ولایت مایمی تومنی نینگ «جامرچ» قیشلاغیده، ۳۱۰ مینگ ۲۰۰ دالر خرهجت بیلن قیزلر گه بیر مکتب قوریلگن.
هرات و فاریاب ولایتلریده یوز بیرگن ترافیکی حادثه نتیجهسیده، ایکی کیشی اولیب و بیش کیشی ایسه یرهلنگن.
هرات ده محلی مسئوللر نینگ ایتیشلریچه، دوشنبه کونی، ۲-میزان هرات شهریگه کیریش یولی (میرداوود دروازهسی) ده یوز بیرگن ترافیکی حادثهده، بیر کیشی اولیب و بیش کیشی ایسه یرهلنگن.
اسلام امیرلیگی تشقی ایشلر وزیرلیگی، عبدالغفار بحر اۉزبېکستان ده افغانستان ایلچیسی اولهراق ایشگه باشلهگنیدن خبر بیرگن. اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۲-میزان، دوشنبه کونی عبدالغفار بحر تاشکینت شهریده اسلام امیرلیگی ایلچیسی اولهراق تانیشتیریلگنینی معلوم قیلگن.
تاجیکستان سۉنگی بیر ییلده قۉشنی مملکتلری اینیقسه افغانستان و اۉزبېکستان گه ۸۲ میلیون دالرلیک برق صادر قیلگن. «آسیا پلس» یېتکرمهسی نینگ معلوماتی اساسیده، تاجیکستان اۉتگن میلادی ییل نینگ جنوری آی دن اوشبو ییل آگست آی گه قدر، افغانستان و اۉزبېکستان گه ۸۲ میلیون دالر برق صادر قیلگن.
