ایران دولتی تامانیدن افغانستانلیک قاچقینلر برابریده یرهتیلگن چیکلاولر دوامیده، ینگیلیکده تهران باش تیکشیرووچیسی افشین سهرابخان، آزیق-آوقت محصولاتی ایشلب چیقریلهدیگن شرکتلردن برچهسیگه، افغانستانلیک قاچقینلر نینگ ایش گه آلیش حقیگه ایگه ایمسلیکلریدن آگاهلنتیرگن.
غزنی ولایتی مقر تومنیده تاریخی اوتگن و صفتی قویی ییتی تُندن آرتیق دارو و آزیق-آوقت محصولاتی آلاو بیریلگن. غزنی امنیه قوماندانلیگی سوزلاوچیسی خالد سرحدی نینگ ایتیشیچه، مذکور دارولر و آزیق-آوقت محصولاتی اوشبو ولایت مقر تومنی بازاریدن توپلنیب و بوگون (جمعه، ۲۰-میزان)، آلاو بیریلگن.
بغلان ایکینچیلیک ریاستی مسئوللری نینگ ایتیشلریچه، اوتگن ییل گه قرهگنده بو ییل اوشبو ولایتده پیاز حاصلاتی ۱۴ فایز کوپهیگن.
عیاللر ایشی برابریده چیکلاولر یرهتیلگنیدن کیین، درآمد منبعلرینی قولدن بیرگن سرپرستسیز عیاللردن قطاری نینگ ایتیشلریچه، حاضر اهالی اویلریده تمیزلیک قیلیش گه یوز کیلتیرگنلر.
ساغلیقنی سقلش وزیرلیگی مسئوللری، بوگون «خلقارا کوریش کونی» مناسبتی بیلن یولگه قوییلگن بیر برنامهده ایتیشلریچه، حاضر افغانستان ده بیر میلیون ۵۰۰ مینگ کیشی تورلی کوز کسللیکلری گه چلینگن.
بلخ ایکینچیلیک ریاستیده مسئوللر نینگ ایتیشلریچه، بوگون (پنجشنبه، ۱۹-میزان)، اوشبو ولایت مرکزی مزارشریف شهریده بیر کونلیک ایچکی تولیدلر، ایکینچیلیک محصوللری و قول صناعتی کورگزمهسی یولگه قوییلگن.
کاپیسا ولایتی نجراب تومنی نینگ «اغلوقزن» قیشلاغیده، اوشبو ولایت یشاوچیلری، شاعرلر، یازووچیلر و محلی مسئوللر نینگ حضوری بیلن یانغاق فیستیوالی یولگه قوییلگن.
سرپل شهری مرکزی حدودلریده ۲۱۰ مینگ دالرلیک بیر سوو کانالی نینگ قوریلیش ایشی باشلنگن. سرپل حاکمی اورینباسری محمدنادر حقجو نینگ ایتیشیچه، اوزونلیگی ۳۷۰۰ متر، کینگلیگی ۹۰ سانتیمتر و بلندلیگی ۷۰ سانتیمتر بولگن اوشبو سوو کانالی، سرپل شهری مرکزیده جایلشگن کهنهبازار منطقهسیده، «FAO» موسسهسی نینگ مالی همکارلیگی بیلن قوریلهدی.
فاریاب ولایتی مرکزی میمنه شهریده ۲۵۰ ییتیم و سرپرستسیز باله نینگ سیغیش امکانیتی گه ایگه بولگن «مهربانلیک اوی» آچیلگن.
مذکور مهربانلیک اوی ۱۷-میزان، سهشنبه کونی ایش و اجتماعی ایشلر وزیرلیگی معینی محمدزاهد احمدزی آرقهلی فاریاب ولایتی محلی مسئوللری نینگ حضوری بیلن آچیلگن.
بیر ییل آلدین ربابه واحدی اسملی بیر عیال، ۵۰ مینگ افغانی بیلن بامیان ولایتی یکاولنگ تومنیده «بامیکا» اسمی آستیده تیکووچیلیک بیر کارخانه آچیب، تعلیم و ایشدن محروم قالگن عیاللر گه ایش اورگهنیش و ایشلش زمینهسینی یرهتگن.
بدخشان ده دهقانلردن قطاری نینگ سلاموطندار گه ایتیشلریچه، ایکینچیلیک بولیمیده جدی قیینچیلیکلر بیلن روپهرهلر و اولر نینگ دیمه ییرلری حاصلاتی ناقرارلیگی، اساسی بیر قیینچیلیککه اوزگرگن. مذکور دهقانلر جاری ییلده حاصللری نینگ سیزیلرلی درجهده کمهیگنیدن شکایت قیلیب و بو ناقرارلیک نینگ اصلی سببینی تورلی عامللر بیلهدیلر.
مالیه و ترانسپورت و هوا یوللری وزیرلیکلری و امارتی شرکتلر عمومی ریاستی و «افغان پُست» شرکتی مسئوللری، بوگون کابل ده یولگه قوییلگن قوشمه خبری بیر ییغیلیشده، بوندن بویان یوک تاشووچی موترلر گه «جیپیاس» اورنهتیلیشی اساسیده بولگن قراردادنی امضا قیلگنلر.
نیمروز ساغلیقنی سقلش باشلیغی عبدالرحمان عبدالله نینگ ایتیشیچه، اوشبو ولایتده «UNFPA» موسسهسی نینگ مالی حمایتی بیلن بیش ساغلیق مرکز نینگ قوریلیش ایشی باشلنگن.
لوگر ده مدنی فعاللردن قطاری نینگ سلاموطندار گه ایتیشلریچه، اوتگن ییللر گه قرهگنده اوشبو ولایتده خطاطلیک و نقاشلیک صناعتی کسادلیککه یوز توتگن. اولرنینگ کوپهیتیریشلریچه، خطاطلیک و نقاشلیک توغریسیده مدنی فعاللر نینگ توجهسیزلیگی و ییگیتلر نینگ کمراق قیزیقیشی…
اوتگن بیر ییلده کوکنار ایکمهگن دهقانلردن قطاری، بدیل ایکینگه قول تاپه آلمسلیکلریدن شکایت قیلگنلر. بدخشان ولایتی ارگو تومنیدهگی دهقانلردن عیانالدین نینگ ایتیشیچه، سرپرست حکومت تامانیدن بنگیوار مادهلر اورنیده بدیل ایکین ترقهتیلمهگنی، اونینگ اقتصادی قیینچیلیکلر بیلن روپهره قیلگن.
هرات ایکینچیلیک ریاستیده محلی مسئوللر نینگ ایتیشلریچه، جاری قویاش ییل اوشبو ولایت ده مهییز ایشلب چیقریلیشی اوتگن ییل گه قرهگنده، ۳۰ فایز کوپهیگن.
