اسلام امیرلیگی علیحده ترقهتگن بیانیهلریده، حاضرگی کونده افغانستانده تورلی ساحهلرده سرمایه یاتقیزیش اوچون یخشی فرصتلر یرهتیلگن شونی اوچون، قۉشنی و منطقه مملکتلر اینیقسه چین و روسیه سوداگرلری افغانستانده سرمایه یاتقیزیش گه قیزیماقدهلیگینی اېتگن.
افغانستانده بیرلشگن ملتلر تشکیلاتینینگ انسان پرورلیک یاردملرینی هماهنگ قیلووچی ادارهسی (اوچا)، کویت افغانستاننینگ انسان پرورلیک صندیغی گه ۵۰۰ مینگ دالر یاردم کورستگنینی اېتگن.
سرپل ولایتیده عیاللر گه مخصوص آلتی آیلیک کسب-کار اورگهتیش بیر مرکز آچیلگن.
سرپل حاکمی اورینباسری محمدنادر حقجونینگ ایتیشیچه، تیکا دفتری تامانیدن آچیلگن بو مرکزده عیاللر بوت، چپلی و بیک تیکیش بولیملرینینگ اورگهنیشلری ممکن.
بلخ ولایتی مقامی بیر بیانیه ترقهتیب، اوشبو ولایتده چینلیک بیر سوداگر اسلام دینینی قبول قیلیب و مسلمان بولگنیدن خبر بیرگن. اصلی آتی «وانگ فیگی» بولگن بو کیشی بوگون (۲۷-عقرب، یکشنبه) مسلمان بولگنیدن سۉنگ آتی «عبدالله محمد» قوییلگن.
سلاموطندارنینگ مملکت ۱۱ ولایتیده قشلاق و شهرلیک بولگن ۴۷ اوسمیر بیلن اۉتکزگن صحبتی اساسیده، قیشلاقدهگی اوسمیرلر شهرلیک اوسمیرلر گه نسبتن اوقیش قیینچیلیگی بیلن دوچ دیر. بو گزارشده، قیشلاق و شهرلرده اوقیش خذمتلری فرقینی انیقلش اوچون، شهرلیک ۲۰ اوسمیر و قیشلاقلیک ۲۷ اوسمیر بیلن صحبت قیلینگن.
کابل یشاوچیلریدن قطاری برق پرچاویلری کوپهیگنیدن شکایت قیلگنلر. کابل نینگ شکردره تومنی یشاوچیلریدن محمدضیا نینگ ایتیشیچه، سونگی کونلر بیر کیچه و کوندوز ده یالغیز ۱۲ ساعت برقدن فایدهلنه آلهدیلر.
فواید عامه وزیرلیگینینگ تیمیر یول یول ادارهسی معینی محمداسحاق صاحبزاده باشچیلیگیده بیر هیئت، ۲۶-عقرب، شنبه کونی خواف-هرات تیمیر یولی آرقهلی افغانستان و ایران اۉرتهسیده سودا آلیش-بیریشنی آشیریش مقصدیده ایران گه سفر قیلگچ، اوشبو وزیرلیک سۉزلاوچیسی محمداشرف حقشناس، افغانستان بوتون مملکتلر بیلن تیمیر یولی آرقهلی سودا مناسبتلرینی کېنگهیتیریش اوچون سعی-حرکت قیلماقدهلیگینی اېتهدی.
بدخشان ده منبعلر نینگ ایتیشلریچه، اوشبو ولایت مرکزی فیضآباد شهری نینگ «چشمهی بید» قیشلاغیده، محل یشاوچیلر آرقهلی بیر کوپریک نینگ قوریلیش ایشی باشلنگن.
بغلان ایکینچیلیک ریاستی مسئوللری اوشبو ولایت نهرین تومنیده بیر قطار دهقان گه بوغدای اوروغی بیلن کیمیاوی کود ترقهتیلگنیدن خبر بیرگنلر.
بغلان ایکینچیلیک، سووغاریش و چاورهچیلیک ریاستی نینگ مطبوعات بولیمی مسئولی ولی امرخیل نینگ ایتیشیچه، مذکور یاردملر «FAO» موسسهسی مالی حمایتی بیلن اکتید موسسهسی همکارلیگیده، ۲ مینگ دهقان گه ترقهتیلگن.
مملکت فوتبال ملی تیرمه جماعهسی، اورتاقلیک اویینده نیپال فوتبال ملی تیرمه جماعهسی گه بای بیردی. افغانستان فوتبال فدراسیونی ۲۶-عقرب، شنبه فیسبوک صحیفهسیده بیر خبر ترقهتیب، مملکت فوتبال ملی تیرمه جماعهسی اورتاقلیک اویینده نیپال برابریده مغلوب بولگنینی اېتگن. مذکور فدراسیون گه کوره، اوشبو مسابقه شنبهدن یکشنبه گه اوتر کیچه کابل وقتی بیلن شام پیتی ساعت ۵:۳۰ ده تاجیکستان پایتختی دوشنبه شهریده اۉتکزیلگن.
پنجشیر ده محلی مسئوللر نینگ ایتیشلریچه، اوشبو ولایتده ۳۰ اورینلی اوچته کسلخانه قوریلیشی گه قرار آلینگن. پنجشیر حاکمی سوزلاوچیسی سیفالدین لتون نینگ ایتیشیچه، مذکور ولایتده ساغلیقنی سقلش وزیرلیگی تامانیدن اوشبو اوچ کسلخانه نینگ قوریلیش ریجهسی یکونلنیب و اونینگ قوریلیش ایشی نینگ باشلنیشی ممکن.
جوزجان معارف ریاستی مسئوللری نینگ ایتیشلریچه، اوشبو ولایت قوشتیپه تومنیده بیر مکتب قوریلیب و فایدهلنیش گه تاپشیریلگن.
جوزجان معارف ریاستی صفتنی تضمینلش بوییچه آمری عبدالاحد رحیمی نینگ ایتیشیچه، قوشتیپه تومنیده قوریلگن اوشبو مکتب محل یشاوچیلری بیلن بیر جمغرمه آرقهلی، ایکی میلیون ۶۹۰ مینگ افغانی گه قوریلگن.
یشش محیطنی اسرهش ملی اداره مسئوللری، بو اداره کابل شهریده هوا افلاسلنیشینی کمهیتیریش اوچون آلتی آیلیک قیش ریجهسی توزهلگنینی اېتهدیلر.
بدخشان معارف ریاستی مسئوللری نینگ ایتیشلریچه، اوشبو ولایتده اوتگن کون (۲۵-عقرب، جمعه)، دینی بیر مدرسه قوریلیب و فایدهلنیش گه تاپشیریلگن. تورت میلیون افغانی خرهجت کوتارگن مذکور دینی مدرسه، بدخشان ولایتی یفتل پایان تومنی نینگ «پهندره» قیشلاغیده، یشاوچیلر نینگ مالی همکارلیگی بیلن قوریلگن.
مملکت فوتبال ملی تیرمه جماعهسی، اورتاقلیک اویینده نیپال فوتبال ملی تیرمه جماعهسی بیلن قرشیلشهدی. افغانستان فوتبال فدراسیونی بوگون ( ۲۶-عقرب، شنبه) فیسبوک صحیفهسیده بیر خبر ترقهتیب، مملکت فوتبال ملی تیرمه جماعهسی اورتاقلیک اویینده نیپال بیلن قرشیلشیدن خبر بیرگن.
خاتین-قیزلردن بیرقطاری، مملکتده سۉنگی سیاسی اۉزگریش و سرپرست حکومت تامانیدن عیاللر گه یرهتیلگن چېکلاولردن کېین، عایله و جمعیتده کمسیتیلیشلرینی اېتگنلر. بو گزارشده تعلیم و ایشدن محروم اېتیلگن ۲۵ خاتین-قیز بیلن صحبت اۉتکزیلگن و اولرنینگ برچهسی عایله و جمعیتده کمسیتیلیشدن حکایت قیلهدیلر.
