هرات ده ایکینچیلردن قطارینینگ ایتیشلریچه، «سلما توغانی» سووینینگ قوییب یوباریلگنی، ایکینچیلیک ییرلری اوچون سوو کملیگی قیینچیلیگینی بیراز حل قیلگن. هرات دهگی ایکینچیلردن وزیراحمدنینگ ایتیشیچه، سلما توغانی سووینینگ قوییب یوباریلگنیدن کیین، ییرلریگه ییترلیچه سوو ییتیشگن.
پاکستان ده افغانستانلیک قاچقینلردن قطارینینگ ایتیشلریچه، دستلبکی خذمتلردن فایدهلنه آلمسلیک یانیده، اوشبو مملکت پولیسی آرقهلی قولگه آلینیب و افغانستان گه قیتریلیشدن قورقهدیلر.
بیرلشگن ملتلر تشکیلاتی نینگ قاچقینلر ایشلری بوییچه عالی کمیساری (UNHCR)، نینگ اعلام قیلیشیچه، اوشبو نهادنینگ تیکشیروولری اساسیده، سیاسی، اقتصادی، اجتماعی و مهاجرتی قیینچیلیکلر بیلن روپهره بولگن برچه مملکتلر جملهدن افغانستان ده، جاری میلادی ییلده عایلهوی زورهوانلیکلر ۵۰ فایز کوپهیگن.
هرات ساغلیقنی سقلش ریاستی مسئوللرینینگ ایتیشلریچه، بوگون (۱۰-قوس، شنبه)، اوشبو ولایت مرکزی و تومنلریده پولیو گه قرشی ایملش کمپاینی باشلنگن.
بیرلشگن عرب امیرلیکلری پایتختی ابوظبیده اسلام امیرلیگی ایلچیسی بدرالدین حقانی، اوشبو مملکتدن افغانستان اهالیسیگه ویزا ترقهتیلیشی خصوصیده آسایشتهلیک یرهتیلیشینی ایستهگن.
بدخشان ده محلی مسئوللرنینگ ایتیشلریچه، اوشبو ولایتده قتیق قار یاغیش و هوا ساووقلیگی طفیلی اوچ باله اولگن. بدخشان معلومات و مدنیت ریاستی اطلاعات آمری حکمتالله محمدینینگ ایتیشیچه، مذکور واقعه اوتگن کون توشدن کیین (۹-قوس، جمعه)، اوشبو ولایت راغستان تومنیده یوز بیرگن.
افغانستان ده بیرلشگن ملتلر تشکیلاتی خلقارا آزیق-آوقت دستورینینگ اعلام قیلیشیچه، جاری میلادی ییلده افغانستان ده ۱۰ میلیون ۵۰۰ مینگ کیشیگه یاردم بیرگن.
فواید عامه وزیرلیگی مسئوللرینینگ ایتیشلریچه، سالنگ قتناو یولی قار یاغیشی و قتیق بوران طفیلی برچه موترلر یوزیگه یاپیلگن.
بغلان امنیه قوماندانلیگی مسئوللرینینگ ایتیشلریچه، اوشبو ولایت خنجان تومنیده بیر ییگیت، آنهسینی پیچاقلب اولدیرگن.
بغلان امنیه قوماندانلیگی سوزلاوچیسی شیراحمد برهانینینگ سلاموطندار گه ایتیشیچه، مذکور ییگیت ۸-قوس، پنجشنبه کیچه، خنجان تومنینینگ «سیاهسنگ» ساحهسیده، آنهسینی اولدیرگن.
فراه ده محلی مسئوللر نینگ ایتیشلریچه، اوشبو ولایت مرکزیده بیر سوداگرنینگ شخصی پولی بیلن «طیور زاهد» آتیده بیر سلاخخانه قوریلیب و فایدهلنیش گه تاپشیریلگن. فراه صناعت و سوداگرلیک ادارهسی باشلیغی حافظ شمسالحق اجملنینگ ایتیشیچه، مذکور سلاخخانه ۶۰۰ مینگ دالر عوضیگه قوریلگن.
قزاقستان باشکینتی آستانه شهری، جمعی خوفسیزلیک کیلیشووی تشکیلاتی ییغینی چارچوبهسیده، روسیه، قزاقستان، بلاروس، قرغیزستان و تاجیکستان رهبرلری ییغینیدن میزبانلیک قیلگن.
سرپرست حکومت ترانسپورت و هوا یوللری وزیرلیگینینگ هواشناسلیک ریاستی بوگون (۹-قوس، جمعه) مملکتنینگ ۲۴ ولایتیده قار و کوچلی یامغیر یاغیشی و سوو تاشقینی یوز بیریشی احتمالیدن آگاهلنتیرگن.
بوگون (۸-قوس/ ۲۸-نوامبر، پنجشنبه)، چین و بیرلشگن ملتلر تشکیلاتی بالهلردن حمایت قیلووچی صندیغینینگ افغانستان بولیمی (یونیسف)، کابل ده خبری بیر ییغیلیشده، هوا اوزگریشلریدن تاثیرلنگن عایلهلر و بالهلرنینگ عاجل نیازلرینی قوللب-قوتلش ساحهسیده، ۱.۵ میلیون دالرلیک همکارلیک شرطنامهسینی امضا قیلگنلر.
هوانینگ ساووق بولیشی بیلن بیرگه، کابل و بیر قطار ولایتلردهگی نیازمند کیشیلرنینگ ایتیشلریچه، آزیق-آوقت بیلن یاقیلغی مادهلرنینگ تامین قیله آلمهیدیلر.
جوزجان ده مسئوللرنینگ ایتیشلریچه، اوشبو ولایتده ۲۳ میلیون افغانیلیک ۵ ته سوو پمپی قوریلگن.
جوزجان ولایتی حاکمی گلحیدر شفقنینگ ایتیشیچه، مذکور لایحه اوشبو ولایت مردیان و منگجیک تومنلرینینگ «آقمیدان، سلطان اریغ، قضان نارو، فتحآباد و چلیک یازخانه» قیشلاقلریده همکار موسسهلر آرقهلی عملگه آشیریلگن.
اسلام امیرلیگی ایچکی ایشلر وزیرلیگی، بیرلشگن ملتلر تشکیلاتینینگ افغانستان ده تریاک ایکیلیشی و تولید بولیشی کوپهیگنی حقیدهگی گزارشینی رد قیلیب و اونینگ «حقیقتدن اوزاق» دیگن.
