حاملهدارلیک حساس بیر دوره بولیب، آنهلر و چقهلاقلرنینگ ساغلیگیده مهم اورینگه ایگه بولگن درست آوقتلنیش مراقبتلرینی طلب قیلهدی؛ لیکن حاملهدار عیاللردن قطاری حاملهدارلیک دورهسیده سیمیز بولیشدن خواطرلنیش سبب قتیق رژیم توتهدیلر که بو ایش، تنهگه ضرور بولگن قوتلی مادهلرنینگ کمهیشی و جنین وزنی کم بولیشیگه سبب بولهدی.
افغانستان اولاق لیگهسی ییتینچی دوری، خارجی چاپندازلرنینگ حضوری بیلن مملکتنینگ تورلی ولایتلریدن ۱۱ جماعه اشتراکی بیلن باشلندی. اوشبو لیگهنینگ آچیلیش مراسمی بوگون (۲۰-قوس/۱۱-دیسمبر، پنجشنبه) کابل شهری یکهتوت میدانیده اۉتکزیلدی و گروهی باسقیچ ایرتهدن رسمی طرزده باشلنهدی.
سمنگان ولایتی فیروزنخچیر تومنی «قوشمحله» قیشلاغیده ۱۲-عقربده یوز بیرگن زلزلهده جبرلنگن عایلهلر، یاردم بیروچی نهادلر و محلی رسمیلردن، اولر گه جدی دقت قیلمهگنلریدن شکایت قیلهدیلر. اوشبو یشاوچیلر، یوللر بوزوقلیگی و قیشلاقلری تومن مرکزیدن اوزاقلیکنی، یاردملر وقتیده یېتیب بارمسلیککه سبب بولگنینی ایتهدیلر.
قویاش ۱۴۰۴-ییل، ۱۲-عقربده یوز بیرگن زلزلهدن سۉنگ، کوپینچه عایلهلر باشپنهسیز قالگن و اېندی خیمهلر آستیده حیات کیچیرماقده. سمنگان ولایتی فیروزنخچیر تومنیده زلزلهدن جبرلنگن عایلهلر، دستلبکی طبی خذمتلردن فایدهلنه آلمهی و قیش فصلی یېتیب کیلیشی بیلن اولر ساغلیق احواللریدن خواطر بیلدیرماقده.
افغانستاننینگ تاشکینت شهریده ایلچیخانهسی، اۉزبېکستان قماقخانهلریدن ۹ افغانستانلیک آزاد بولگنیدن خبر بیردی.
اروپا اتفاقینینگ افغانستان اوچون مخصوص وکیلی گیلس برتراند، اسلام امیرلیگی تشقی ایشلر وزیری امیرخان متقی بیلن اوچرهشوده، اوشبو اتفاقنینگ افغانستان گه یاردملری دوام تاپیشیدن ایشانچ بیلدیردی. تشقی ایشلر وزیرلیگی، بوگون (۱۹-قوس/۱۰-دیسمبر، چهارشنبه) بیر بیانیه ترقهتیب، متقی و برتراند کابلده اوچرهشیب، افغانستانده انسان سیورلیک یاردملر و جاری وضعیتنی محاکمه قیلگنلرینی معلوم قیلدی.
بلخ ولایتی مارمل تومنیده دایمی قورغاقچیلیک، ییللردن بیری اوشبو ولایت اهالیسی اوچون تیریکچیلیک بوییچه اصلی قیینچیلیکلرگه اوزگریب و کون اوتیشی بیلن اونینگ زیان ییتیشتیریش ساحهسی کوچهیماقده. مذکور تومن یشاوچیلرینینگ ایتیشلریچه، بو قیینچیلیک نهفقط ایکینچیلیک ییرلرینی قوریتگن، بلکیم قیشلاق اقتصادینینگ اساسی بولیملرینی هم ایشدن چیقریب و اهالینینگ کوچیش، کمبغللیک و قیینچیلیکلر آستیگه قویگن.
تورکیهنینگ بیر مینگ ۲۷۱ تُن آغیرلیگی بولگن ۱۲-انسان سیورلیک یاردملری، بوگون (۱۹-قوس/۱۰-دیسمبر، چهارشنبه) روزنگ تیمیر یولی آرقهلی هرات گه یېتیب کیلدی.
اسلام امیرلیگی سۉزلاوچیسی ذبیحالله مجاهد، خلقارا انسان حقلری مناسبتی کونی بیلن، اسلام امیرلیگی شریعت دایرهسیده انسان حقلرینی رعایت قیلیش گه صادقلیگینی بیلدیردی. اسلام امیرلیگی، افغانستان اهالیسی حقینی رعایت قیلیشینی ایتهدی، ذبیحالله مجاهد. اونینگ تأکیدلشیچه، اسلام امیرلیگی شریعت دایرهسیده انسان حقلرینی رعایت قیلیش گه صادق.
قیش فصلی عرفهسیده، بلخ یشاوچیلریدن بعضیلری اوشبو ولایتده یاقیلغی مادهلر قیمتلیگی و ساتیب آلیشگه قوربلری یېتمسلیگینی ایتهدیلر. اولر گه کوره، بازارلرده بیر سیر یاغاچ و تاش کومیر قیمتی ۱۰ دن ۲۰ افغانی آشگن. مزارشریف یشاوچیسی احمدصفا، باغلیق نهادلردن نرخ-نوالرنی کنترول قیلیشینی سورهیدی.
هرات سودا و سرمایه یاتقیزیش اتاق مسئوللری، قویاش ۱۴۰۴-ییلنینگ بیرینچی ۹ آییده، ۳۰ میلیون ۳۵ مینگ دالر قیمتی گه، افغانستان زعفرانی دنیا بازارلریگه صادر قیلینگنینی معلوم قیلدیلر.
ینگیلیکده ایراندن سمنگان گه قیتگن عایلهلر، هنوز آوارهلیک هاردیقینی چیقرمهگچ، زلزله یشش اویلرینی ویرانه گه ایلنتیریب و ېنه بیر بار اوی-جایسیز قیلگن.
سلاموطندارنینگ اوقیمیشلی و سوادسیز ۴۰ یاش (۲۰ اوقیمیشلی و ۲۰ سوادسیز) بیلن صحبتی شونی کورستهدی کی، سوادلی بولیش امیدوارلیک، ریجه توزیش و کېلهجککه قرهشده مهم رولی بار. سوادلی یاشلر سوادسیز یاشلر گه نسبتن، کېلهجکلرینی یارقین کورهدیلر و اۉزلری اوچون مقصد و انیق ریجه توزه آلهدیلر.
افغانستانده اروپا اتفاقی نمایندهلیگی، آغاخان جمغرمهسی همکارلیگی بیلن کابلده جایلشگن «بالاحصار»نی قیته تعمیرلشینی اعلان قیلدی. اوشبو نمایندهلیک، ۱۷-قوس/۸-دیسمبر، دوشنبه کونی ایتیشیچه، اوشبو تاریخی آبدهنی قیته تعمیرلش یانیده، ۳۰ کیشی گه عملی اوقیش امکانیتی یرهتیلهدی.
بدخشان ولایتی محلی رسمیلری، اوشبو ولایتده ۱۳ قنار چرس قاچاق قیلینیشی آلدی آلینگنیدن خبر بیرهدیلر.
هراتده پلاستیک صناعتی اویوشمهسی، اوشبو ولایتده ۸ بوجی و پلاستیک ایشلب چیقرووچی کارخانه فعالیت یوریتماقدهلیگینی اعلان قیلدی. هراتده پلاستیک صناعتی اویوشمهسی گه کوره، بو کارخانهلرده هر کونی ۱۰۰ تُن بوجی و پلاستیک ایشلب چیقریلهدی. اوشبو کارخانهلرده ایشلب چیقریلگن توارلر، هرات و باشقه ولایتلرنینگ بازارلریگه ساتیلهدی.
