بیرلشگن ملتلر تشکیلاتینینگ خلقارا آزیق-آوقت دستوری (WFP)، پروان و فاریاب ولایتلریده ۴۶۳۴ عایله گه نقد پول ترقهتگن. پروان قیشلاقلرنی رواجلنتیریش و قیته قوریش ریاستینینگ ییتکرمهلر بولیمی مسئولی عبدالصبور رویت گه کوره، بیرلشگن ملتلر تشکیلاتینینگ خلقارا آزیق-آوقت دستوری، اوشبو ولایت مرکزیده ۳۷۳۲ کمبغل عایله گه ۱۰ میلیون ۸۲۲ مینگ ۸۰۰ افغانی نقد پول ترقهتگن.
سلاموطندارنینگ ۱۴ عیال بیلن صحبت قیلگنی نتیجهسیگه کوره، اوشبو عیاللردن ۱۳ تهسی حاملهدارلیکده بویرهک و مثانهنینگ میکروبی بولیشی بیلن روپهره بولگن. مذکور گزارشده بیشته توغروق بولیمی شفارکارلری بیلن هم صحبت بولینگن که اولر، کونده بویرهک و مثانهنینگ میکروبی بولیشیگه چلینگن ۵-۱۰ کسلنینگ اولر گه مراجعت قیلیشینی بیان قیلگنلر.
اوچ ییلدن سۉنگ، اسلام امیرلیگی متقاعدلرنینگ اېستکلرینی اختصاصی بیر محکمهده تېکشیریب و اولرنینگ حقوقینی تولش گه تیارگرلیک کورستگن.
خلقارا قاچقینلر تشکیلاتی ۳۰-قوس، جمعه کونی ایراندن افغانستانلیک قاچقینلر جبری طرزده چیقریلیشی گه دایر تشویش بیلدیریب، سپتمبر آییدن حاضرگه قدر بو جریان مثلسیز درجهده آشگنینی معلوم قیلگن.
افغانستان اوچون بیرلشگن ملتلر تشکیلاتینینگ مخصوص نماینده اورینباسری اندریکا راتواتنینگ ایتیشیچه، افغانستان گه خلقارا مالی یاردملر مرکزی رواجلنمهی و شونینگدیک چیکلنیب قالگن.
اوشبو کونلر، کابل و مملکت باشقه ییریک شهرلرینینگ چنگلی کوچهلریده، بالهلرنینگ شادلیگی و اوقوو ییل توگهشی حقیده هیجانیدن خبر یوق. اوقوو ییلی توگهگن؛ بیراق آلتینچی صنفدن یوقاری قیز اوقووچیلر کوزلریدهگی ناامیدلیک بیلن، باشقه مکتب باره آلمسلیک، اوقیش و یازیش گه امکانیتلری یوقلیگینی اېتگندهی سیزیلهدی.
افغانستان اوچون مخصوص امانی صندیغینینگ اعلام قیلیشیچه، ناروی تورت میلیون ۴۸۰ مینگ دالر افغانستان گه یاردم بیرگن.
جنوبی سالنگ ده یوز بیرگن ترافیکی حادثه نتیجهسیده، ایکی کیشی اولیب و اوچ کیشی ایسه یرهلنگن. پروان امنیه قوماندانلیگی سوزلاوچیسی فضلالرحیم مسکینیارنینگ ایتیشیچه، اوتگن کون (۲۹-قوس، پنجشنبه)، سالنگ تومنی «گهواره سنگ» منطقهسیده «کرولا» رسوملی بیر موتر سرکدن چیقیب و چپه بولگن.
کابل بلدیهسی مسئوللری، کابل ده قویی قیمت بیلن تاش کومیر ساتیلیش پروسهسینی باشلهگنلر. کابل بلدیهسینینگ مدنیت بوییچه مصلحتچیسی نعمتالله بارکزینینگ ایتیشیچه، جاری ییلده کابل شهرینینگ ۲۲ ناحیهسیده بیر تُن تاش کومیر، ۶۵۰۰ افغانیگه ساتیلهدی.
بلخ مرکزی مزارشریف شهری بلدیه ریاستی مسئوللری، ۲۸-قوس، چهارشنبه کونی اوشبو ولایتده ۱۸ میلیون افغانیلیک اوچته قوریلیش لایحه ایشی باشلنگنیدن خبر بیرگنلر.
غزنی ده یوز بیرگن اَیری ایکی ترافیکی حادثه نتیجهسیده، ۱۲۰ کیشی اولیب و یرهلنگن. غزنی ده محلی مسئوللرنینگ ایتیشلریچه، اوشبو حادثهلر ۲۸-قوس، چهارشنبه کیچه ساعت ۱۱:۰۰ اطرافیده، کابل-قندهار قتناو یولیده یوز بیرگن.
بیرلشگن ملتلر تشکیلاتینینگ باشکاتبی آنتونیو گوترش، بوگون (۲۸-قوس/ ۱۸-دسمبر، چهارشنبه)، خلقارا قاچقینلر کونی مناسبتی بیلن، دنیا بویلب قاچقینلر برابریدهگی قیینچیلیکلر جملهدن تبعیض، قاچاق و زورهوانلیککه اشاره قیلیب، دنیا بویلب قاچقینلرنینگ انسانی حقوقی رعایت بولیشی خصوصیده تینچ مهاجرتی سیستملر یرهتیلیشی گه تاکید قیلگن.
افغانستان ده یاشلرنینگ الکترونیکی قیینچیلیکلر و چیکلاولر بیلن روپهره بولگنلری بیرحالده، یاشلردن قطاری بویوک هدفلر بیلن عقللی رباتلرنی ایشلب چیقرگنلر. بو گزارشده رباتیک ساحهسیده اوزلریدن خلاقیت کورسهتیب کمیده ایکی ریجه تیارلهگن یاش-ییگیت بیلن صحبت بولینگن. اوشبو ییگیتلر قیینچیلیکلر و…
بریتانیانینگ افغانستان اوچون ایلچیخانه شارژدافیری رابرت دیکسن، کابل گه قیلگن سفری و اسلام امیرلیگی رسمیلری بیلن اوچرهشگنیدن کیین، بو اوچرهشوولردهگی اساسی موضوعلردن بیرینینگ افغانستان کیلهجکی اوچون یخشیراق ییچیم یول تاپیش بولگنی نی اعلام قیلگن.
کابل ده جاپان ایلچیخانهسینینگ اعلام قیلیشیچه، اوشبو مملکت دولتی افغانستان گه ۲۷.۵ میلیون دالر یاردم بیرهدی. مذکور ایلچیخانه، ۲۷-قوس، سهشنبه کونی اوز اکس صحیفهسیده یازیشیچه، بو یاردم انسانپرورلیک احتیاجلر یانیده انسانلرنینگ دستلبکی نیازلرینی هم تامینلهیدی.
افغانستان مرکزی بانکی، ۲۷-قوس، سهشنبه کونی بیر بیانیه ترقهتیش بیلن ایتیشیچه، اهالینینگ سودا-ساتیق ایشلرینی آسانلشتیریش مقصد، ایسکیرگن ۸۴۰ میلیون ۶۵۰ مینگ افغانینی آلاو بیرگن.
