فراه ده محلی مسئوللر، اوشبو ولایتده ۱۴۰ ناگران کیشیگه ویلچر ترقهتیلگنیدن خبر بیرگنلر. فراه شهیدلر و ناگرانلر ریاستی نمایندهسی حبیبالله جاهدنینگ ایتیشیچه، بو قطار ویلچرلر اوشبو ریاست آرقهلی ترقهتیلگن.
کاپیسا امنیه قوماندانلیگی مسئوللرینینگ ایتیشلریچه، اوشبو ولایت نجراب تومنی حدودلریده «سرباز» اسملی بیر ایرکک اوزینی اولدیرگن.
سرپرست حکومت عالی اوقوو وزیرلیگی، ۳۰-دلو، سهشنبه کیچه، بیر بیانیه آرقهلی یازیشیچه، اوشبو وزیرلیک سرپرستی ندامحمد ندیم، افغانستان بوییچه اسلامی همکارلیک تشکیلاتی مخصوص وکیلی طارق علی بخیت و همراه هیئتی بیلن اوز ایش ادارهسیده اوچرهشگن.
غزنی ده «جک» اسملی بیر موسسه آرقهلی ۳۰-دلو، سهشنبه کونی ۲۵ ساغلیق مرکز گه طبی و غیرطبی جهازلر ترقهتیلگن. اوشبو جهازلرنینگ توپلم ارزشی بیش میلیون افغانی دییلگن.
بیرلشگن ملتلر تشکیلاتینینگ بالهلرنی قۉللب-قوتلش صندیغی افغانستان بولیمی، اوچ میلیون ۵۰۰ مینگ اوقووچی گه درسی مواد توزیع قیلگنلرینی معلوم قیلگن.
فاریاب امنیه قوماندانلیگی مسئوللری، اوشبو ولایت پشتونکوت تومنیده یوز بیرگن ترافیکی حادثه نتیجهسیده، ۳ کیشی اولیب و یرهلنگنیدن خبر بیرگنلر.
قندوز شهریگه شیرخان بندریدن ۱۱۰ کیلوولت برق انتقال بیریش لینینینگ المشتیریش لایحهسی فایدهلنیشگه تاپشیریلگن.
برق ییتکریش شرکتی (برشنا) مسئوللرینینگ اعلام قیلیشلریچه، ۸۰ میلیون افغانی عوضی بولگن بو لایحه برشنا ریاستی بودجهسیدن تامینلنیب، قندوز، تخار و بغلان ولایتلریده عملگه آشیریلگن.
ینگیلیکده دنیا بانکی بیر گزارش آرقهلی ایتیشیچه، افغانستان اقتصادی ترقیاتی حاضرگچه ضعیف بولیب و ایشسیزلیک بیلن کمبغللیک برابریده یشاوچیلرنینگ زیان کوریشی کوپهیگن. اوشبو بانکنینگ گزارشی اساسیده، بیللی پالیسیلر یوقلیگی، مالی قیینچیلیک، تشقی یاردملر کمهیشی و پاکستان بیلن ضعیف سودا علاقهلری، اقتصادی بیقرارلیکنینگ اصلی سببلریدن دیر.
سرپرست حکومت قیشلاقلرنی رواجلنتیریش و قیته قوریش وزیرلیگی، سمنگان ده کیچیک بیر سوو توغانینینگ قوریلیش ایشی یکونلنیب و فایدهلنیشگه تاپشیریلگنیدن خبر بیرگن.
بادغیس ولایتی جوند تومنی یشاوچیلری، شخصی پوللری بیلن بیر کوپریک قورگنلر. بادغیس ده محلی مسئوللرنینگ ایتیشلریچه، ۴۲ متر اوزونلیگی بولگن اوشبو کوپریک محلی مسئوللر همکارلیگی و اهالینینگ شخصی پولی بیلن بیر میلیون ۵۰۰ مینگ افغانی عوضیگه، جوند تومنی «قوم خانخیل» قیشلاغینینگ «پنجبز» منطقهسیده اساسی شکلده قوریلگن.
قندوز ولایتیدهگی چاروهدارلردن قطارینینگ ایتیشلریچه، چاروهچیلیککه بولگن قیزیقیشلری سبب اوتگن ییللردن کوپراق بو ساحهده سرمایه یاتقیزگنلر.
افغانستان ده بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، ۱۸ مینگ ته جمعیت اساسیدهگی تعلیمی صنفلرنی قوللب-قوتلهگنینی اعلام قیلگن.
اسلام امیرلیگی تشقی ایشلر وزیرلیگی، بیر بیانیه ترقهتیب افغانستان اوچون اسلامی همکارلیک تشکیلاتی مخصوص وکیلی طارق علی بخیت، تشقی ایشلر وزیرلیگی سرپرستی امیرخان متقی بیلن اوچرهشگنیدن خبر بیرگن.
مملکتنینگ تورلی ولایتلریده ییرلریده کوکنار ایکیب و حاضر بو ایکیندن واز کیچیب باشقه نرسه ایکهدیگن دهقانلرنینگ ایتیشلریچه، حاضرگه قدر حکومت یا-ده یاردم بیرووچی نهادلر اولر گه بدیل ایکین توزیع قیلمهگن.
افغانستان مرکزی بانکینینگ اعلام قیلیشیچه، اوشبو بانک سرپرستی نوراحمد آغا و همراه هیئتی، خلقارا «مالی ایشلری بوییچه سایبری امنیتی» کنفرانسیگه شرکت قیلیش مقصد، روسیهنینگ «یکاترینبورگ» شهریگه کیتگن.
غزنی شهیدلر و ناگرانلر ریاستی تامانیدن بوگون توشدن آلدین (۲۹-دلو، دوشنبه)، اوشبو ولایتده ناگران کیشیلر گه ۱۸۰ ویلچر ترقهتیلگن. غزنی شهیدلر و ناگرانلر باشلیغی محمدانور برادرنینگ سلاموطندار ایتیشیچه، مذکور ویلچرلر شهیدلر و ناگرانلر وزیرلیگی آرقهلی غزنی ولایتیدهگی ناگران کیشیلر اوچون نظرگه آلینگن.
