افغانستان ده بیرلشگن ملتلر تشکیلاتینینگ آزیق-آوقت و ایکینچیلیک تشکیلاتی، ایکینچیلیک محصوللری کوپهیشی و حاصلات سطحی یخشیلنیشی مقصد، غور ده دهقانلرگه بوغدای اوروغی پاکتلری ترقهتیلگنینی معلوم قیلگن.
قندوز مرکزی و تومنلریدن بیر قطار سپورتچینینگ حضوری بیلن «جام دشت آبدان» اسمی آستیده کورهش بیللشوولری اوتکزیلگن.
قندوز سپورت و جسمانی تربیهلش ریاستی نشرات مدیری نعمتالله صافینینگ ایتیشیچه، ایکی کونلیک مذکور بیللشوولر یاشلر و اورته یاشلی کیشیلردن تشکیل بولگن ایکی گروپده، ۸۰ سپورتچی اشتراکی بیلن مذکور ولایتنینگ دشت آبدان منطقهسیده اوتکزیلگن.
افغانستان سودا و سرمایه یاتقیزیش اتاقی اعضاسی خانجان الکوزی، بوگون (۱۷-حمل، یکشنبه)، سلاموطندار گه ایتیشیچه، اوتگن کون اوزبیکستان خصوصی سکتوریدن بیر هیئت بو مملکتنینگ سودا اتاقی باشلیغی ییتکچیلیگیده، افغانستان و اوزبیکستان آرهسیده ترانزیت، سرمایه یاتقیزیلیش و سوداگرلیک علاقهلر کوچهیشی مقصد ایکی کونلیک بیر سفرده، کابل گه کیلیب و بوگون افغانستان سودا و سرمایه یاتقیزیش اتاقی رسمیلری بیلن اوچرهشگن.
هرات معلومات و مدنیت ریاستی مسئوللرینینگ ایتیشلریچه، هییت کونلریده ۲۵ مینگدن آرتیق ایچکی سیاحتچی، اوشبو ولایتنینگ تاریخی آبدهلری و کوریشگه سزاوار جایلریدن کوریب چیققنلر.
بلخ ده اون و غلهجات قیمتی تعیینلنیشی و کنترول بولیشی مقصد، بیر بازار آچیلیب و فعالیتگه باشلهگن. بلخ ده محلی مسئوللرنینگ ایتیشلریچه، مذکور بازار بوگون (۱۶-حمل، شنبه)، اوشبو ولایت مرکزی مزارشریف شهریده جایلشگن «مزار هوتل» تجارتی مرکزیده، محلی رسمیلر، سوداگرلر و یشاوچیلر حضوری بیلن آچیلگن.
فاریاب ده محلی مسئوللر، بوگون (۱۶-حمل، شنبه)، عصر چاغی اوشبو ولایتده یوز بیرگن ترافیکی حادثه نتیجهسیده، ۱۴ کیشینینگ اولیب و یرهلنگنیدن خبر بیرگنلر.
سرپرست حکومت ترانسپورت و هوا یوللری وزیرلیگینینگ هواشناسلیک ریاستی، ایرته (۱۷-حمل، یکشنبه)، مملکتنینگ ۱۰ ولایتیده یاغینگرچیلیک و سوو تاشقینی یوز بیریشیدن خبر بیرگن.
«بوتون عمرم تندیرنینگ دودی و کولی یانیده اوتیب کیتدی؛ کیلیب نان پیشیرهمن، بیر نیچه نان بالهلریمگه آلیب کیتهمن. بو هم حیات کیچیریش دیر.» بو فاطمهنینگ سوزلریدن بیر قسمی دیر؛ یوزینینگ خطلری اونینگ ۵۰ یاشر بولگنینی کورستهدیگن مذکور عیال، ۱۳ ییلدن بیری کونینی ایسکیریب کیتگن بیر اویده، آخشمگچه تندیرده نان پیشیریش بیلن اوتکزماقده.
سرپل معلومات و مدنیت ریاستی مسئوللرینینگ ایتیشلریچه، هییت کونلریده ۱۵ مینگدن آرتیق ایچکی سیاحتچی، اوشبو ولایتنینگ سیاحتی و کوریشگه سزاوار جایلریدن کوریب چیققنلر.
اسلام امیرلیگی باش وزیرینینگ اداری اورینباسری عبدالسلام حنفی، افغانستان اوچون بیرلشگن عرب امیرلیکلری مخصوص وکیلی سیف محمد الکتبی بیلن اوچرهشیب و صحبت قیلگن.
بیرلشگن ملتلر تشکیلاتی بیلرمانلری، پاکستان دن افغانستانلیک قاچقینلرنینگ چیقریلیش دستوری بیکار قیلینیشینی سورهب و بو مملکتدن افغانستانلیک قاچقینلرنینگ جبری شکلده چیقریلیشی توختهتیلیشینی ایستهگن.
فلسطین ساغلیقنی سقلش رسمیلرینینگ اعلام قیلیشلریچه، اسرائیل آرقهلی غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۳۸ کیشی قربان بولیب و بیر قطار کیشی ایسه یرهلنگن.
اسلام امیرلیگی تشقی ایشلر وزیرلیگی سرپرستی امیرخان متقی، سعودی عربستان گه کیتگن. اسلام امیرلیگی سوزلاوچیسی ذبیحالله مجاهد، اوز اکس صحیفهسیده بیر بیانیه آرقهلی یازیشیچه، امیرخان متقینینگ سعودی عربستان گه قیلگن سفری، ایکی تامانلمه علاقهلر مستحکملنیشی توغریسیده اونملی آدیم دیر.
حادثهلرگه قرشی کورهش ملی ادارهسینینگ ماین تازهلش بوییچه هماهنگلیک و انسجام باشلیغی نورالدین رستمخیل، اوتگن اوروشلردن پارتلمهی قالگن ماینلر و پارتلاوچیلر مادهلر بیلن افغانستاننینگ افلاسلنگنیدن خواطر بیلدیریب، ماین تازهلش برنامهسی دوامی اوچون خلقارا همجمعیتنینگ کوپراق حمایت قیلیشینی ایستهگن.
اسلام امیرلیگی ایچکی ایشلر وزیرلیگینینگ ترافیک پولیسی عمومی ریاستی، هییت کونلریده افغانستان ده ۸۰ ترافیکی حادثه یوز بیرگنینی معلوم قیلگن.
جوزجان امنیه قوماندانلیگی سوزلاوچیسی عبدالستار حلیمینینگ ایتیشیچه، اوشبو ولایت فیضآباد تومنینینگ «شیشهخانه» قیشلاغیده یوز بیرگن ترافیکی حادثه نتیجهسیده، تورت کیشی اولگن.
