بلخ ولایتی مارمل تومنیده قویاش ۱۴۰۴-ییل، ۱۲-عقربده یوز بیرگن زلزلهده جبرلنگنلر، انسان سیورلیک یاردملرنی ترقهتیش جریانی سُستلیگیدن نالیب و بو تومندهگی جبرلنگنلر گه یېترلیچه یاردم کورسهتیلمهگنینی معلوم قیلهدیلر. مارملده زلزلهدن جبرلنگن حامد، قیش موسمیده بو تومننینگ قتناو یوللری توسیلمسدن آلدین انسان سیورلیک یاردملر یېتکزیلمهگن حالده، اولر ایریم معمالر بیلن دوچ بولیشلری حقیده آگاهلنتیرهدی.
اسلام امیرلیگی باش وزیرینینگ اقتصادی اورین باسری عبدالغنی برادر، هراتده ۹ بویوک لایحهنی فایدهلنیشگه تاپشیریش تدبیرده، قیسقه مدت ایچیده بویوک و مهم قدملرنی تشلهگنلرینی بیلدیردی. او، بو سۉزلرنی بوگون (۴-جدی/۲۵-دسمبر، پنجشنبه) هراتده ۹ بویوک لایحهنی آچیش و فایدهلنیشگه تاپشیریش مراسمیده بیان قیلدی.
هراتده ۳.۹۸ میلیارد افغانیلیک ۹ بویوک لایحه، اسلام امیرلیگی باش وزیرینینگ اقتصادی اورین باسری عبدالغنی برادر تامانیدن آچیلیب و فایدهلنیشگه تاپشیریلهدی.
پرتگال تیرمه جماعهسی سرداری کریستیانو رونالدو و اونینگ تورموش اورتاغی جورجینا رودرگیز، قیزیل دینگیز مرکزیده جایلشگن « The Red Sea Residences» مجموعهسیدن ایکیته حشمتلی ویلان (کتته حویلی) ساتیب آلگن. معلوماتلر گه کوره، اوشبو مسکن گه فقط چارتر قایق یا کی دینگیز اوچاغی آرقهلی یېتیب باریش ممکن. بو اېسه حدود ده یوقاری درجه دهگی مخفیلیک، ساکن محیط و بیگانه نگاهلردن بوش دم آلیش امکانیتینی تأمینلهیدی.
اسرائیلنینگ غزه تورلی حدودلریده اویوشتیرگن ینگی هجوملری عاقبتیده، بیر فلسطینلیک اولیب و بیر باله شامل ۶ کیشی یرهلندی.
روسیه رسمیلری، اوشبو مملکت پایتختی مسکو جنوبی حدودلریده بیر موترده اویوشتیریلگن پارتلش عاقبتیده، ایکی پولیس و باشقه بیر کیشی هلاک بولگنیدن خبر بیردیلر.
قویاش باتیشیدن کیین برق پرچاویلری سایهسی و چاریکار بازاریگه قرانغولیک ترقهلیشی بیلن، قول اوستیده سودا ساتهدیگنلردن کوپ قطاری یخشی بیر درآمد قولگه کیلتیرمهگنلری بیرحالده، یانلریدهگی نرسهلرنی ییغیشگه مجبور بولهدیلر. اوشبو قرانغولیک آرهسیده محمدیاسین، بیر قطار چراغلرنی توزهتگن که هر آخشم اونی قول اوستیده سودا ساتهدیگنلرگه ۲۰ افغانی عوضیگه کرایه بیرهدی.
لیبیا حربی کوچلری باشلیغی محمدعلی احمد الحداد، اوشبو مملکتنینگ تورت حربی ییریک عملداری بیلن بیرگه، تورکیه پایتختی انقره یقینیده خصوصی بیر اوچاقنینگ قولشی عاقبتیده هلاک بولدی.
سۉنگی یوز ییل دوامیده کوزهتیلمهگن درجهده اوزاق دوام ایتهدیگن قویاش توتیلیشی میلادی ۲۰۲۷-ییل ۲ آگست کونی صادر بولهدی. بو حقده «دیلی گلَکسی» نشری ناسا پیشبینلیکلریگه تیهنیب خبر بیردی. معلوماتلر گه کوره، اوشبو نایاب نجومی حادثه پیتیده ایریم مملکتلرده کوندوز وقتی آلتی دقیقهدن سل کوپراق مدت گه دییرلی تولیق تونگه ایلنهدی. آی سایهسی اروپا، شمالی افریقا و یقین شرق حدودلری اوزره حرکتلنهدی. معلوماتلر اساسیده، تولیق قویاش توتیلیشی مراکش و اسپانیا جنوبیدن باشلنیب، جزایر، تونیس و لیبیا آرقهلی اوتیب، مصر حدودینی دییرلی تولیق قمرهب آلهدی. کېین اېسه سایه یقین شرق تامان یونهلهدی.
هرات صناعتی شهرچهسیده جایلشگن باتری ایشلب چیقرووچی بیر فابریکهنینگ باتریلری، بیرینچی مرته سعودی عربستان و بیرلشگن عرب امیرلیگیگه صادر قیلیندی.
جوزجان ولایتی قوشتیپه و درزاب تومنلرینی برق بیلن تأمینلش شرطنامهسی، قریب بیر میلیارد ۸۸۶ میلیون افغانی عوضیگه، اسلام امیرلیگی سوو و برق وزیرلیگی و خصوصی بیرشرکت اورتهسیده امضالندی.
مین آیدا محبی من، ارتباطات یونهلیشی بوییچه تحصیل آلگن من و حاضرده ایرکین ژورنالیست صفتیده فعالیت یوریته من. ینگی تکنالوژیلر چیقیشی دستلبکی دورلریدن باشلب مین اولر گه احتیاطکارانه مناسبتده بولیب کیلگن من.
مملکت شمالیده یوز بیرگن زلزله نتیجهسیده، سمنگان ولایتی حضرتسلطان تومنینینگ «کوکجر»، «علیخیل» و «غزنیگک» قیشلاقلریدهگی جبرلنگنلردن قطارینینگ ایتیشلریچه، بو واقعهدن قریب ایکی آی اوتگچ، حیاتنینگ دستلبکی امکانیتلریدن فایدهلنه آلمهیدیلر.
اسلام امیرلیگی فواید عامه وزیرلیگی، بیر آی دوامیده ۶۸۴ مینگ ۱۰۲ متریک تُن یوک، افغانستاننینگ تیمیر یوللری آرقهلی تشیلگنینی بیلدیردی.
«افغانستان پولیو دن بوش» نهاد، پاکستان و ایران چېگرهلریده بوتون یولاوچی (مسافر)لر اېملنیشی گه تأکیدلهدی.
سرپل ولایتی صیاد تومنیده یشاوچیلر و دهقانلردن قطارینینگ سلاموطندار گه ایتیشلریچه، کیتمه-کیت قوروقچیلیکلر اولرنینگ ایکینچیلیک حاصللریگه جدی شکلده زیان ییتیشتیرگن. اولرگه کوره، اقلیم اوزگریشلری و سوو تنقیصلیگی، اوسیملیک آفتلری کوپهیشیگه سبب بولگن.
