امریکا جمهور باشلیغی دونالد ترامپ، ایران گه هسته دستوری و باشقه معمالر بوییچه کیلیشوو گه ایریشیش اوچون ۱۵ کون مهلت بیردی. ییتکرمهلرنینگ معلوماتیگه کوره، ترامپ ۳۰ دلو/۱۹ فبروری، پنجشنبه کونی ژورنالیستلر بیلن صحبتده، ایران هسته دستوری و باشقه معمالر بوییچه کیلیشووی کیرهک، عکسحالده «یامان واقعهلر» یوز بیریشی ممکن دیب و کیلیشو اوچون ایران گه ۱۵ کون مهلت بیرگن.
ساغلیقنی سقلش وزیرلیگی، اوتگن میلادی ییلده افغانستانده مالاریا کسللیگی حالتلری ۱۴.۶ فایز کمهیگنینی بیلدیردی.
جنوبی کوریا محکمهسی، اوشبو مملکت سابق جمهور باشلیغی یون سوک یولنی عمرباد قماق جزاسیگه حکم قیلدی.
مبارک رمضان آیی کیریب کیلیشی بیلن یشاوچیلر بو آینی معنوی شادلیک بیلن کوتیب آلدیلر. بعضی یشاوچیلر رمضان آیینی رحمت، برکت و گناهلر کیچیریلهدیگن آی دیب بیلیب، بو فرصتدن الله گه ینهده یقینلشیش و یخشی اخلاقنی مستحکملش اوچون فایدهلنیش حقیده تأکید ایتیشهدی.
الجزیره ییتکرمهسی، بوگون (۳۰ دلو/۱۹ فبروری، پنجشنبه) غزهده اسرائیل و حماس اورتهسیدهگی اوروشده قربان بولگنلر سانی ۷۵ مینگ نفردن آشگنینی معلوم قیلدی.
اوزبیکستان و امریکا قوشمه ایالتلری عملدارلری اورتهسیده، تورلی ساحهلرده شرطنامهلر امضالندی. اوزبیکستان جمهورلیک ریاستی، بوگون (۳۰ دلو/۱۹ فبروری، پنجشنبه) بیر بیانیه ترقهتیب، اوشبو شرطنامهلر واشنگتنده بو مملکت جمهور باشلیغی شوکت میرضیایف، امریکا سودا وکیلی جیمسون گریر و باشقهلر اشتراکیده امضالنگنینی ایتگن.
اسلام امیرلیگی ستندرد و صفت ادارهسی، مملکت ایچکی معیارلریگه تینگ بولمهگن ۶۵ تُن صفتسیز «گادر تیمیری»، اسلامقلعه بندریده قیتریلگنینی بیلدیردی. اوشبو اداره، ۲۹ دلو/۱۸ فبروری، چهارشنبه ایکس صحیفهسیده بیر بیانیه ترقهتیب، اوشبو مقدار گادر تیمیری برچه تامانلمه تیکشیرودن کیین صفتسیزلیگی انیقلنگچ، قیتریلگنینی ایتگن.
امریکا قوشمه ایالتلری سوریهدن حربی کوچلرینی تولیق چیقریشنی باشلهگن.
اسلام امیرلیگی باش وزیرینینگ اقتصادی اورین باسرلیگی، سرپل و جوزجان ولایتلریده ایکی سودا مرکز قوریلیشی تصدیقلنگنینی معلوم قیلدی.
افغانستان برق ییتکزیش شرکت (برشنا)، قویاش ۱۴۰۵ ییل اوچون ایراندن برق ساتیب آلیش شرطنامهسینی اوزهیتیردی.
ایران تشقی ایشلر وزیری سیدعباس عراقچی، بو مملکتنینگ امریکا بیلن نامستقیم مذاکرهلری یخشی آلغه آلیب باریلگنینی بیلدیردی.
ایرلری کوپ خاتینلیک بولگن عیاللردن بعضیلرینینگ ایتیشیچه، ایرلری ایکینچی مرته اویلنگچ، ایری نفقه و برچه قانونی رعایت قیلمهگن؛ بیراق دین عالملری و حقوق بیلرمانلری، ایر تامانیدن عیال حقوقی رعایت قیلینمهگن حالده، عیاللر عدلی نهادلر گه شکایت قیله آلیشینی ایتهدیلر. بو عیاللر اقتصادی باسیملر گه دوچ کیلهیاتگنینی و اوز قانونی حقوقلری حقیده ییترلی معلومات گه ایگه ایمسلیکلرینی ایتیشهدی.
اسلام امیرلیگی قاچقینلر قیینچیلیکلرینی حل قیلیش بوییچه کمیسیون معلوماتلریگه کوره، فقط اوتگن بیر کون ایچیده بیش مینگ ۵۰۲ افغانستانلیک قاچقین ایران و پاکستاندن چیقریلیب و چیگره بندرلری آرقهلی مملکت گه قیتگنلر، عینحالده اوتگن هفته دوشنبه کونی قیتگن قاچقینلر رقمی ۲ مینگ نفر گه ییتر ایدی.
بدخشان مرکزی فیضآباد شهریده «لعل» آتیده خصوصی بیر رادیو فعالیت گه باشلهدی.
اوزبیکستان دولت رهبری شوکت میرضیایف، رسمی تکلیف بیلن امریکا گه بارهدی.
فراه ولایتی محلی رسمیلری، اوشبو ولایتده اوتگن اوروشلردن قالگن اوق پارتلشی عاقبتیده ایکی باله قربان بولگنیدن خبر بیردیلر.
