سلاموطندار زمانهوی و کلاسیک نقطه نظریدن یاشلر نینگ حیات اسلوبلرینی انیقلش مقصدیده مملکت نینگ ۲۵ ولایتیده سوراو یولگه قویگن، بو سوراو گه ۵۵۴ قیز و ییگیت قتنشگن. سوراو نتیجهسی اساسیده، افغانستانده کوپینچه یاشلر زمانهوی و کلاسیک اسلوب نی قوشیش گه قیزیقیشی انیقلنگن.
بو معلوماتلر گه کوره، یاشلر کییم-کیچک، آزیق-آوقت و قرار قبول قیلیشلرده زمانهوی و کلاسیک اسلوبلرنی قوشیش گه علاقهمند دیر؛ عکسینچه، عایلهوی مراسملر و وظیفه تنلاو ایشلرده زمانهوی اسلوبلر گه کوپراق علاقهمند دیر. شونینگدیک، کلاسیک موسیقه تینگلش، اوشبو سوراو گه یاشلر کوپراق علاقه کورستگن موردلردن سنلهدی.
سلاموطندار نینگ ۴۲ عیال بیلن اۉتکزگن صحبتی اساسیده، بو عیاللر تکنالوژی اوسکونهلریدن قوللنیشنی بیلمسلیکلرینی اېتگنلر؛ بو عیاللر دن ۱۵ تهسی کابل و باشقه ۲۷ تهسی ولایتلرده تیریکچیلیک قیلهدی، اوشبو عیاللر نینگ ۹ نفری تکنالوژی اوسکونهلریدن قوللنیشنی اصلا بیلمسلیکلرینی اېتگنلر.
سلاموطندار نینگ، ۱۱ ولایتده ۳۲ قیز و اوغیل باله بیلن اۉتکزگن صحبتی اساسیده، اولر نینگ ۲۵ تهسی اۉز اېستهگی اویینلرنی اوینه آلمسلیگینی اېتگنلر. بو گزارش ده کابل، جوزجان، تخار، قندوز، بامیان، بادغیس، سرپل، کاپیسا، ننگرهار و فاریاب ولایتلریدهگی یاشلر بیلن صحبت اۉتکزیلگن.
سلاموطندار یاشلر نینگ اوقیش گه قیزیقیشی و اولر نینگ اوقیش گه قیزیقمسلیک سببینی تېکشیریش اوچون ۶۶ طلبه و ایکّی اوقیتووچی شامل ۶۸ یاش بیلن صحبت قیلگن، اولرنینگ یریمیدن کوپراغی اوقیش گه هېچ قیزیقمسلیکلرینی اېتگنلر. تخار یشاوچیسی و طلبه حسیب نینگ ایتیشیچه، اۉتمیش ییللر گه نسبتن اوقیش گه قیزیقیشی کمهیگن و حاضرگی کونده اېنگ آز کتاب اوقیدی.
سلاموطندار مملکت بویلب ۳۵ عیال بیلن اولر نینگ «بلوغتی و یاشلیگی» حقیده صحبت قیلگن. بو عیاللر، یاشلیکلری قندهی اۉتیب کېتگنینی حتا سېزمهی قالگنلرینی اېتگنلر. اوشبو عیاللر یاشلیکلری اۉتیب کېتگنیدن خواطر بیلدیریب و اولردن بیرقطاری حیات نینگ اېنگ مهم باسقیچینی قولدن بیرگنی اوچون مأیوس بولگنلرینی معلوم قیلهدیلر.
اسلام امیرلیگی حاکمیتیدن کېین، افغانستانده اوچینچی مراتبه کانکور سیناوی اۉتکزیلدی و سۉنگی ایکّی سیناو قیزلر نینگ حضورسیزلیگی بیلن اۉتکزیلگن. سلاموطندار نینگ بوتوغریدهگی معلوماتی اساسیده سۉنگی اۉزگریشلر و قیزلر نینگ تعلیمی گه یرهتیلگن چېکلاولر باعث کانکور سیناوی ده اشتراک اېتگنلر نینگ سانی سېزیلرلی درجه ده کمهیگن.
سلاموطندار مملکت نینگ ۱۲ ولایتیده شاعر و یازووچی ۲۲ عیال بیلن صحبت قیلگن، بو صحبتلر اساسیده کوپینچه عیاللر اجتماعی قیینچیلیک بیلن دوچ دیر؛ بیراق اوشبو عیاللر کوپراق خاتین قیزلر نینگ قیینچیلیگی و امیدسیزلیکلری حقیده یازگنلر.
سلاموطندار، یاشلر نینگ خارجی تیللرنی اورگهنیش گه دایر علاقهسینی تېکشیریش اوچون پایتخت کابل شهریده بیش خارجی تیللر تعلیمی مرکزیده ییتّی عیال شامل ۲۹ کیشی بیلن صحبت قیلگن. صحبت اۉتکزگن اوشبو ۲۹ کیشیدن ۱۴ نفری انگلیسچه تیل نی اورگهنیش، ۱۲ نفری جرمنی و اوچ نفری هم روسچه، عربچه و اسپانیا تیللرینی اورگهنیش اوچون سعی-حرکت قیلماقدهلیکلرینی اېتگنلر.
فاریاب، تخار، قندوز، جوزجان، سرپل، بامیان، ننگرهار و کاپیسا ولایتلریده ۲۰ عیال سلاموطندار بیلن صحبت قیلگن، اولر نینگ ۱۵ نفری یشهیدیگن منطقهلریده ساغلیق، تعلیم، دمآلیش امکانیتلریدن فایدهلنه آلمسلیکلری و باشقه بیش نفری اوشبو امکانیتلردن اېنگ آز فایدهلنیشلرینی اېتگنلر.
سلاموطندار یاشلر نینگ تعلیم دن محروم بولیش رقمینی اینیقلش، تعلیم نینگ جمعیتدهگی تأثیری، سلبی عاقبتی و یاشلر نینگ تحصللریدن راضیلیگینی تېکشیریش اوچون کابل شهری ده سوراو اۉتکزگن. بو سوراو ده ۳۲۰ یاش جواب قیترگنلر. اوشبو سوراو ده ۳۲۰ کیشی دن ۶۳ نفری که ۱۹.۷ فایز دیر، عیاللر تشکیل بیرهدی.
بیر جمعیتده یاشلر نینگ تعلیم و تحصیل درجهسی، بو جمعیت نینگ ترقیاتی و رواجلنیش جریانی بیلن چمبرچس باغلیق دیر. بیر جمعیتده یاشلر نینگ تعلیم کوریشی، جامعه نینگ فرهنگی بولیشی و ترقیات گه تامان یونهلهیاتگنیدن درک بیرهدی؛ شونی اوچون بو گزارش ده تعلیم دن محروم قالگن یاشلر رقمینی تېکشیریش و افغانستان جمعیتیده سلبی عاقبتلری حقیده سۉرهلگن.
سلاموطندار اوشبو گزارش ده، مملکت نینگ ۱۰ ولایتیده ۴۶ عیال بیلن صحبت قیلگن اولر نینگ ۲۹ نفری حاملهدارلیک پیتیده کوپ آوقتلنیشلری طفیلی سیمریگنلرینی معلوم قیلگنلر. اوشبو صحبت قیلگنلردن آلتی نفری سپورت قیله آلمسلیک، بیش نفری طبیعی سیمریشی و باشقه آلتی نفری حاملهدارلیک پیتیده عادتلری طفیلی فزیکی نقطهی-نظریدن اۉزگریب و سیمریگنلرینی اېتگنلر.
سلاموطندار نینگ ۱۸ ییگیت و ۱۲ قیز شامل ۳۰ یاش بیلن اۉتکزگن صحبتی اساسیده، اولر نینگ تورموش قوریش گه علاقهمندلیکلری گه قرهگنده، تورلی خیل معما بو یاشلر نینگ تورموش قوریشی گه توسیق بولگن. اوشبو گزارش ده سوراو گه جواب قیترگنلردن ۲۲ نفری اقتصادی قیینچیلیک و عایلهلری نینگ طلبی یوقاریلیگی، تورت نفری فرهنگی و اجتماعی توسیقلر، ایکّی نفری تنلاو حقیدن محروملیک و باشقه ایکّی نفری هم تحصیل گه دوام بیریشنی تورموش قوریش اونگیدهگی یا ده کېینگه قالیش معمالردن دیگنلر.
سلاموطندار مملکت نینگ ۱۲ ولایتیده دولت تورلی ادارهلری نینگ ۵۸ عیال خادمی بیلن صحبت اۉتکزگن، اولر بو طرح عملگه آشیریلگن حالده اقتصادی قیینچیلیک بیلن دوچ بولیشلرینی اېتگنلر. اوشبو عیاللر نینگ ۲۴ نفری حتا عایله اعضالری آچلیک خوفی بیلن دوچ بولیشیدن خواطر بیلدیرگن.
تیریکچیلیک اساسی نیازلریدن بولگن مالی مستقللیک، افغانستانده کوپینچه یاشلر نینگ خواطرلریدن سنلهدی. مالی مستقللیک که اېریشیش بیلن آزادلیک کبی تیریکچیلیک اسلوبلریدن قوللنیش ممکن. بو گزارش ده سلاموطندار ۱۷ ییگیت و اوچ قیز شامل ۲۰ یاش بیلن صحبت اۉتکزگن، اولر نینگ ۱۷ نفری مالی مستقللیگی بارلیگینی اېتگنلر.
