بلخ ولایتی ایکینچیلیک، سوغاریش و چاروه‌چیلیک ریاستی مسئوللری، اوشبو ولایتده اۉتگن ییل گه نسبتن بو ییل سایبین حاصلی ۳۰ فایز آشگنینی معلوم قیله‌دیلر.
مذکور اداره مسئوللری، ۱۵-میزان یک‌شنبه کونی بلخ ولایتی شولگره تومنیده اۉتکزگن ییغیلیش ده، دهقان‌لر نینگ سایبین ایکینی گه یوز کېلتیریشی بیلن بو محصول نینگ حاصلی کوپه‌یگنینی اېتگنلر.
بیزلرنینگ فیسبوک صحیفه‌میزگه باش اورینگ!
بلخ ولایتی ایکینچیلیک ریاستی نینگ وکیلی محمد فاروق حیدری گه کوره، اوشبو ییلده بیر مینگ ۵۰۰ جریب ییردن قریب ۹۰۰ تُن سایبین حاصل آلینگن.
حیدری جنابلری، دهقان‌لر نینگ سایبین ایکیش گه یوز کېلتیریشنی ایچکی تولیدی شرکت‌لر تامانیدن محصول‌لری ساتیب آلینیش عنوان قیله‌دی. اونینگ کوپه‌یتیریشیچه: «اصلاح اېتیلگن اوروغ‌لر ترقه‌تیلیشی و ایچکی شرکت تامانیدن دهقان‌لر نینگ محصولی ساتیب آلینیشی، دهقان‌لر نینگ بو ایکین گه یوز کېلتیریشی گه سبب بولگن.»
بلخ ولایتی شولگره تومنیده‌گی دهقان‌لردن بیرقطاری نینگ ایتیشلریچه، اسلام امیرلیگی رهبری تامانیدن کوکنار ایکینی تقیق‌لنگچ، سایبین ایکینی گه یوز کېلتیرگنلر.
بیزلرنینگ «ایکس» ترماغی ده هم تعقیب قیلینگ!
سایبین یا که سویا، ایکینچیلیک دانه‌لردن بیری سنله‌دی اوندن آزیق-آوقت و ییگولیک ماده‌لر یاغینی ایشلب چیقریش اوچون فایده‌لنیش ممکن.
معلومات‌لر اساسیده، حاضرگی کونده بلخ ولایتی دهدادی، نهرشاهی، شورتېپه، کلدار، شولگره و بلخ تومن‌لریده سایبین ایکیله‌دی.
