لبناننینگ طرابلس شهریده یانمه-یان ایکی بنانینگ قولشی عاقبتیده، کمیده توقیز کیشی اولیب و آلتی کیشی یرهلنگن.
الجزیره بوگون (۲۰-دلو، ۹-فبروری، دوشنبه)، واقعه جریانیده قریب ۲۲ کیشینینگ بنالر ایچیده بولگنینی گزارش بیرگن.
قوتقریش و اختریش عملیاتینینگ دوامی بولیب و اهالینی حمایه قیلیش گروهلری، لبنان قیزیل خاچ همده قوتقریش و یاردم بیریش تشکیلاتلرنینگ حمایتی بیلن، اونی باشقرماقده.
طرابلس بلدیهسی عبدالحمید کریمهنینگ ایتیشیچه: «ییللردن بیری توجهسیزلیک سبب، بو شهرده مینگلب کیشی خوف آستیده دیر.»
ایچکی خوفسیزلیک کوچلری اعضاسی و بلدیه پولیسی، قولهگن بنالر یانیدهگی یشش بنالرنینگ هم ییقیلیش احتمالی بارلیگی سبب، اولرنی بوشهتگنلر.
لبنان جمهور باشلیغی جوزف عون، قوتقریش عملیاتیده یاردم بیریش و یان بنالردهگی یشاوچیلر اوچون باشپنه یرهتیلیشی مقصد، شاشلینچ خذمتلردن برچهسیگه بوتونلی تیارگرلیکلری بولیشیگه بویروغ بیرگن.
لبنان ده یشش بنالردن قطاری بوزیلیش وضعیتیده قرار تاپیب و شونینگدیک بنالردن قطاری هم ناقانونی شکلده قوریلگن.
