افغانستان ده بیرلشگن ملتلر تشکیلاتی نینگ انسان‌پرورلیک یاردم‌لرنی هماهنگ قیلووچی دفتری یا-ده اوچا نینگ اعلام قیلیشیچه، بریتانیا افغانستان نینگ انسان‌پرورلیک صندیغی گه آلتی میلیون پوند یاردم بیرگن.
اوشبو نهاد بوگون (پنجشنبه، ۲۲-سنبله)، اوز اکس صحیفه‌سیده بیر بیانیه آرقه‌لی بو موضوع نی بیان قیلگن؛ بیراق بو مقدار پول نینگ قیسی بولیم‌لرده صرفلنیشی نی بیللی قیلمه‌گن.
بیزلرنینگ «ایکس» ترماغی ده هم تعقیب قیلینگ!
اوچا نینگ کوپه‌یتیریشیچه، بریتانیا افغانستان نینگ انسان‌پرورلیک صندیغی گه یاردم بیرووچی ییریک مملکت دیر.
اوچا تامانیدن ارائه بولگن معلومات اساسیده، بریتانیا ۲۰۱۴-ییل‌دن بویان افغانستان نینگ انسان‌پرورلیک صندیغی گه ۳۰۴ میلیون‌دن آرتیق پوند یاردم بیرگن.
بیزلرنینگ فیسبوک صحیفه‌میزگه باش اورینگ!
بوندن آلدین بیرلشگن ملتلر تشکیلاتی گه تیگیشلی نهادلر، جاری میلادی ییلده افغانستان ده قریب ۲۴ میلیون کیشی جمله‌دن ۱۲ میلیون ۳۰۰ مینگ باله نینگ انسان‌پرورلیک یاردم‌لر گه نیازمند بولگنی نی اعلام قیلگن ایدی.
