پاکستان دن یوزلب مینگ افغانستان‌لیک قاچقین‌لر نینگ چیقریلیشی بیلن، قندهار و ننگرهار ده مخصوص کمپ‌لرده‌‌گی قاچقین‌لردن قطاری نینگ ایتیشلریچه، پاک ایچیم‌لیک سوو، حاجتخانه و باش پنه‌دن فایده‌لنه آلمه‌سلیک سبب، تورلی‌خیل کسل‌لیک‌لر گه چلینگنلر.
اسپین‌بولدک کمپ‌لریده‌گی قاچقین‌لردن بیری شیرعلی و تورخم کمپ‌لریده‌گی قاچقین‌لردن بیری احمد‌الله نینگ ایتیشلریچه، هوا نینگ ساووق‌لیگی و پاک ایچیم‌لیک سوودن فایده‌لنه آلمه‌سلیک سبب، اولر و باله‌لری کسل بولگن دیر.
شیرعلی نینگ کوپه‌یتیریشلریچه: «هوا ساووق دیر، کیلگنیمیزدن بیری، باله‌لریمیز بیلن کسل بولگن‌میز. برچه‌میز سینه‌بغل‌میز. کیچه ساووق دیر، پاک ایچیم‌لیک سوودن فایده‌لنه آلمه‌یمز؛ قیین‌چیلیک بیلن روپه‌ره‌میز.»
بیزلرنینگ فیسبوک صحیفه‌میزگه باش اورینگ!
شونینگدیک احمد‌الله نینگ ایتیشیچه: «چنگ و بوران کوپ دیر. اهالی سانی کوپ دیر، حاجت‌خانه‌لر کم و کوپینچه اهالی بیر حاجتخانه گه باره‌دی. اهالی آره‌سیده ریزش کسل‌لیگی کوپه‌یگن.»
باله‌لردن حفاظت قیلووچی تشکیلاتی (Save the Children)، اوتگن کون بیر بیانیه ترقه‌تیش بیلن، پاکستان دن قیتگنلر آره‌سیده تورلی‌خیل کسل‌لیک‌لر اینیقسه تنفسی و ایچ‌کیتمه کسل‌لیک‌لری کوپه‌یگنی خصوصیده آگاه‌لنتیرگن.
مذکور تشکیلات گه کوره، اوتگن بیر آی‌ده، اوچ مینگ‌دن آرتیق تنفسی کسل‌لیک و ۲ مینگ ۲۰۰دن آرتیق ایچ‌کیتمه کسل‌لیگی، تورخم و اسپین‌بولدک ده جایلشگن اوشبو تشکیلات گه تیگیشلی کلینیک‌لرده ثبت بولگن دیر.
باله‌لردن حفاظت قیلووچی تشکیلاتی نینگ کوپه‌یتیریشیچه: «افغانستان‌لیک قاچقین‌لردن مینگ‌لرچه‌سی، جدی کسل‌لیک‌لر نینگ دهشت‌لی درجه‌سی نی باش‌دن کیچیرماقده. جمله‌دن پاک سوودن فایده‌لنه آلمه‌گن عایله‌لر آره‌سیده ایچ‌کیتمه خوفی بار، شونینگدیک اوزون مدت‌ده چنگ و بوران خوفی آستیده بولیش سبب، تنفسی کسل‌لیک‌لر گه چیلینیشلری ممکن.»
عین حالده، ساغلیق‌نی سقلش وزیرلیگی‌ده مسئوللر، قاچقین‌لر آره‌سیده مذکور کسل‌لیک‌لر کوپه‌یشی آلدی آلینیشی اوچون مکمل تیارلیکلری خصوصیده ایشانچ بیلدیرگن.
بیزلرنینگ «ایکس» ترماغی ده هم تعقیب قیلینگ!
ساغلیق‌نی سقلش وزیرلیگی سوزلاوچیسی شرافت زمان امرخیل نینگ ایتیشیچه، پاکستان دن قیتگن قاچقین‌لر آره‌سیده ایچیم‌لیک سوو، آزیق-آوقت و دارو ترقه‌تیش بولیم‌لریده خذمت‌لر ارائه‌سی، ستندرد شکلده دوام قیلماقده.
اونینگ کوپه‌یتیریشیچه: «پاکستان دن قاچقین‌لر نینگ چیقریلیش پروسه‌سی باشلنگی‌دن بیری، گوجوم‌لیک کوپه‌یگن، باش کون‌لرده مینگلرچه افغانستان‌لیک پاک ایچیم‌لیک سوو و ییمک‌دن فایده‌لنه آلمه‌گن ایدیلر. انه شوو سبب، ایکی-اوچ کون او ییرده قالدیلر. کسل‌لیک‌لر گه چلیندیلر؛ چونکه اطراف-محیط‌ده توپراق بار ایدی. حاضرگچه ۶۲ مینگ کیشی گه اوپیدی خذمت‌لری ارائه بولگن دیر.»
عین حالده، ایکی کون آلدین دنیا ساغلیق تشکیلاتی سونگی کون‌لر پاکستان دن قیتگنلر آره‌سیده یوقمه کسل‌لیک‌لر ترقه‌لیشی خصوصیده آگاه‌لنتیرگن ایدی.