اندونیزیا ده جایلشگن بالی جزیرهسی یقینیده، ۶۵ یولاوچیسی بولگن بیر کیمهنینگ چوککنی نتیجهسیده، حاضرگچه تورت کیشی اولیب و ۳۰ کیشی یوقالگن.
خلقارا ییتکرمهلرنینگ گزارش بیریشیچه، اوشبو واقعهده باشقه ۳۱ کیشی قوتقریلگن.
بیزلرنینگ «ایکس» ترماغی ده هم تعقیب قیلینگ!
اندونیزیانینگ اختهریش و قوتقریش تشکیلاتیگه کوره، مذکور کیمه «بانیوانگی» بندرینی ترک قیلیشدن یریم ساعت کیین، بالی یولیده چوککن.
مسئوللرگه کوره، یوقالگن کیشیلرنی اختهریش جریانی دوام قیلماقده؛ لیکن سوونینگ کوچلی جریانلری و کوچلی بوران، قوتقرو گروهلری ایشینی قیینلشتیرگن.
بیزلرنینگ فیسبوک صحیفهمیزگه باش اورینگ!
اندونیزیانینگ اختهریش و قوتقریش تشکیلاتی، یوقالگن کیشیلرنی تاپیش اوچون واقعه محلیگه بیر تیکاوچر بیلن ۱۳ ته مهارتلی سووزوچینینگ یوباریلگنینی بیان قیلگن.
ایتیش کیرهک که، ۲۰۲۳-ییلده سولاوسی جزیرهسی یقینیده کیچیک بیر کیمهنینگ چوککنی نتیجهسیده، ۱۵ کیشی قربان بولگن ایدی.
