تشقی ایشلر وزیرلیگی سوزلاوچیسی نینگ اورین باسری ضیااحمد تکل، دوشنبه کونی، ۳ دلو، اوز توییتری ده مملکت تشقی ایشلر وزیرلیگی نینگ سرپرستی امیرخان متقی، بیرلشگن ملت‌لر تشکیلاتی باش کاتبی نینگ انسان پرورلیک ایشلری بوییچه اورین باسری مارتین گریفیتس بیلن اوچره‌شگنیدن خبر بیرگن.
اوشبو اوچره‌شووده، بیرلشگن ملت‌لر تشکیلاتی باش کاتبی نینگ انسان پرورلیک ایشلری بوییچه اورین باسری، افغانستان ده ۲۸ میلیون محتاج کیشی گه یاردم توزیع قیلیش اوچون تورت میلیارد ۶۰۰ میلیون دالر توپلنگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
جناب گریفیتس، افغانستان گه انسان پرورلیک یاردم بیریشی گه تیارگرلیک کورسه‌تیش یانیده، خاتین قیزلر نینگ تعلیمی و ایشی توخته‌تیلیشی گه دایر بیرلشگن ملت‌لر تشکیلاتی نینگ خواطرینی امیرخان متقی بیلن شریک قیلگن.
مذکور اوچره‌شووده امیرخان متقی گه کوره: «افغانستان دنیا همجمعیت نینگ بیر بولیمی دیر و بیرلشگن ملت‌لر تشکیلاتی، افغانستان نی دنیا مملکت‌لری بیلن یقینلشتیریش گه مسئول دیر.»
شونینگدیک تشقی ایشلر وزیرلیگی نینگ سرپرستی، بیرلشگن ملت‌لر تشکیلاتی باش کاتبی نینگ انسان پرورلیک ایشلری بوییچه اورین باسری دن افغانستان ده موجود قیینچیلیکلر گه علاوه، سونگی یوتوق‌لر وفرصت‌لرنی دنیا همجمعیت بیلن شریک قیلیشینی سوره‌گن.
بیزلرنینگ توییترده هم تعقیب قیلینگ!
ینگی‌لیکده، بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا)، افغانستان ده ۲۸ میلیون کیشی انسان پرورلیک یاردم‌لر گه محتاج لیگینی ایتگن.
بوندن آلدین، بیرلشگن ملت‌لر تشکیلاتی باش کاتبی نینگ اورین باسری آمنه محمد افغانستان گه قیلگن سفری دایره‌سیده، اسلام امیرلیگی تامانیدن خاتین قیزلر گه تعلیم و ایش حقی بیریلیشینی طلب قیلگن ایدی.
