بوگون (شنبه، ۶-عقرب/ ۲۸-اکتبر)، خلقارا جودو کونی گه ماس دیر. بو بیلن بیرگه، جوزجان ولایتی سپورت و جسمانی تربیهلش ریاستی مسئوللری نینگ ایتیشلریچه، اوشبو کون مناسبتی بیلن جوزجان ولایتی مرکزی شبرغان شهریده، بیرینچی جودو سپورت سالونی آچیلیب و فعالیت گه باشلهگن.
جوزجان ولایتی سپورت و جسمانی تربیهلش ریاستی مسئوللری گه کوره، مذکور سپورت بولیمی نینگ فعالیت گه باشلهنیشی بیلن، جوزجان میزبانلیگیده اون ولایت سپورتچیلری آرهسیده بیلشوو هم یولگه قوییلگن.
بیزلرنینگ فیسبوک صحیفهمیزگه باش اورینگ!
جوزجان ولایتی سپورت و جسمانی تربیهلش آمری همراهقل قرداش نینگ ایتیشیچه، سپورت بیرلیک و بیردملیککه سبب بولیب و بو بولیملر نینگ ایجاد بولیشی، استعدادلرنی تاپیش و برتر سیمالرنی تنلش خصوصیده زمینه یرهتهدی.
جناب قرداش گه کوره، گرچند اوشبو سپورت سالونی نینگ آچیلمهگنیدن آلدین، جودو بولیمی سپورتچیلری مذکور ولایت اوچون کوپینچه یوتوقلر نی قولگه کیلتیرگنلر، بیراق حاضر ایسه بیرینچی جودو سپورت سالونی نینگ آچیلیشی بیلن، سپورتچیلر نینگ تمرین قیلیشلری اوچون یخشی بیر فرصت یرهتیلگن.
عین حالده، افغانستان جودو فدراسیون نمایندهسی رحمتشاه مشکل، جوزجان ولایتیده جودو سپورت سالونی نینگ آچیلگنی خصوصیده خورسندلیک بیلدیریب ایتیشیچه: «جودو فدراسیونی مذکور سپورت نینگ مملکت بولیب رواجلنیشی اوچون سعی و حرکت قیلهدی، سپورتچیلریمیز یانیده توختهیمیز و شونینگدیک سپورتچیلریمیزدن کوپراق سعی و حرکت قیلیشلری نی ایستهیمیز.»
بیزلرنینگ «ایکس» ترماغی ده هم تعقیب قیلینگ!
جوزجان ده جودو فدراسیون رئیسی و اوشبو سپورت سالونی مسئولی مولالدین نینگ ایتیشیچه، بو بولیمده جوزجان ولایتی اوچون سپورتچیلر نینگ یوتوق و موفقیت قولگه کیلتیریشلری خصوصیده کوپینچه سعی و حرکت قیلیشی ممکن.
جوزجان سپورت فدراسیونلر رئیسلریدن قطاری، مذکور سپورت سالونی نینگ آچیلگنی نی اوشبو ولایتده سپورت رواجلنیشی اوچون فایدهلی بیر آدیم عنوان قیلگنلر.