افغانستان ده یاشلردن قطاری رسمی ایشلری بولگنی بیلن، شرکتلر و باشقه نهادلرده هم ایشلهیدیلر. سلاموطندار اوشبو یاشلرنینگ ایش وضعیتینی تیکشیریش اوچون ییتکرمه، مهندسلیک و گرافیک بولیملریدهگی فعال ۳۰ یاش بیلن صحبت اوتکزگن.
بو گزارشده ییتکرمهلر حوزهسیده ۱۲ یاش، گرافیک بولیمیده سکیز یاش و مهندسلیک بولیمیده ۱۰ یاش صحبت قیلگن. اوشبو یاشلردن ۲۱ تهسی ایشلری اولرنینگ اقتصادی رواجلنیشیگه ایجابی تاثیر کورستگنی و ۹ تهسی ایسه ایشلری مالی وضعیتلری یخشیلنیشیگه قسما یاردم بیرگنینی بیلدیرگنلر.
سلاموطندار بیلن صحبت اوتکزگن ۳۰ یاشدن، ۱۱ تهسینینگ ایتیشیچه، مستقل ایش بیلن بیرگه رسمی شکلده بیللی نهادلر بیلن هم ایشلهیدیلر و باشقه ۱۹ تهسینینگ ایتیشیچه، مستقل ایش آرقهلی قولگه کیلتیرهدیگنلری درآمد بیلن حیات احتیاجلرینی تامینلهیدیلر.
اوشبو یاشلر نهادلر تامانیدن باسیم یوقلیگی و تیگیشلی بولمسلیک نی، مستقل ایشلشنینگ فایدهلریدن عنوان قیلهدیلر، بیراق بوندهی ایشلرنینگ وقتینچهلیگینی ایش امنیتی بولمهگنی حسابلهیدیلر. مذکور یاشلردن قطارینینگ ایتیشلریچه، مستقل شکلده فعالیت قیلیش اولرنینگ اقتصادی وضعیتی یخشیلنیشیگه سبب بولیب و کوپینچه پیت سنتی ایشلردن کوره کوپراق درآمد قولگه کیلیتریشنی تجربه قیلگنلر.
بیزلرنینگ «ایکس» ترماغی ده هم تعقیب قیلینگ!
مهندسلیک بولیمیدهگی فعال یاشلردن حمیدنینگ ایتیشیچه، مستقل ایش عایله اقتصادی رواجلنیشیگه تاثیر قویگن. اونینگ کوپهیتیریشیچه: «بعضا رسمی ایش گه قرهگنده مستقل ایشنینگ درآمدی کوپراق بولگن؛ رسمی ایشده ۱۵ مینگ افغانی آیلیگیم بولگنی صورتده، آزاد ایش بیلن ۲۰-۲۵ مینگ افغانی درآمد قیله آلهمن.»
شونینگدیک مهندسلیک بولیمیدهگی فعال یاشلردن باشقه بیری اسمانینگ ایتیشیچه: «مستقل ایش حقیقتا اقتصادی رواجلنیشیمیزگه یاردم بیرگن؛ بو کبی ایش انساننینگ اقتصادی رواجلنیشیگه یاردم بیرهدی و خودکفالیککه ایریشیش یولینی آچهدی.»
بو گزارشده صحبت قیلگن یاشلردن قطارینینگ ایشانچیگه کوره، مستقل ایش نه فقط یاشلر اوچون ایرکین حرکت قیلیش امکانیتی کبی کوپینچه فایدهلر گه ایگه بولهدی، بلکیم افغانستان اقتصادی رواجلنیشی توغریسیده هم یخشی اورینگه ایگه دیر. بو یاشلر، باسیم یوقلیگی و ایش زمانیده ایرکین حرکت قیلیشنینگ مستقل ایش توغریسیدهگی اینگ اونملی فایدهلریدن بیلهدیلر.
گرافیک دیزاینلردن مرتضا حیدرینینگ ایتیشیچه: «بو کبی مستقل ایشنینگ فایدهلریدن بیری زماننینگ یخشی شکلده مدیریت قیلیش و روحی باسیم یوقلیگی دیر؛ بونگه علاوه بیر کیشی هیچ قندهی چیکلاو بولمهگنی اوچون ایستهگنی پیتده ایش قیله آلهدی.»
خبرچیلردن حضرتسالیکنینگ ایتیشیچه: «مستقل ایش یخشیراق درآمد گه ایگه دیر و بعضا سنتی ایشنینگ درآمدی یخشیراق ایمس. مستقل ایشده مخصوص بیر چیکلاو بولمهیدی و باسیم هم یوق.»
بو گزارشده صحبت قیلگن یاشلر، اقتصادی قیینچیلیکلری بولگنی و ایش شرایطی یوقلیگینی مستقل ایشگه یوز کیلتیرگنلری سببلریدن دیهدیلر.
عیاللرگه یرهتیلگن چیکلاولر سبب حضوری شکلده ایش قیله آلمهگن خبرچی بولمیش شکیلانینگ ایتیشیچه، حیات نیازلرینی تامینلش اوچون مستقل شکلده خبرچیلیک فعالیتلریگه دوام بیرگن. اونینگ کوپهیتیریشیچه: «حیات نیازلرینی تامینلش اوچون آزاد خبرچی صفتیده فعالیت قیلیشگه مجبور بولدیم؛ امنیتی چیکلاولر و افغانستاننینگ حاضرگی شرایطی سبب، مستقل ایشلش گه یوز کیلتیردیم.»
گرافیک بولیمیده ایشلهیدیگن احمدنینگ ایتیشیچه، نیچه مدتدن بویان بو بولیمده مستقل شکلده ایشلهیدی. «حضوری ایشلر نیازلریمنی تامینلش امکانیتیگه ایگه ایمس ایدی و انه شوو سبب، مستقل ایشلشگه یوز کیلتیردیم.»
مستقل ایش بیلن شغللنگن کیشیلردن قطارینینگ ایتیشیچه، کوپینچه وقتلی قراردادلر یوقلیگی بونینگ اساسی قیینچیلیکلریدن دیر.
دیزاینلر بولمیش نادیهنینگ ایتیشیچه، منظم درآمد یوقلیگی آزاد ایشلشنینگ قیینچیلیکلریدن دیر. «بو ایشنینگ ثابت درآمدی یوق و دایم رقابت قیلیش کیرهک؛ چونکه مستقل ایشگه ایگه بولگن کیشینینگ سانی کوپ دیر.»
مهندس بولمیش منیرهنینگ ایتیشیچه: «بلکیم بیر آیده کوپینچه تکلیفلرنی قولگه کیلتیرسهک؛ لیکن کیینگی آیلر هیچ قندهی لایحهمیز بولمسلیگی ممکن؛ بو برقرارسیزلیک ایش امنیتینی قیدیره یاتگن کیشیلر اوچون قیینچیلیک یرهته آلهدی.»
بیزلرنینگ فیسبوک صحیفهمیزگه باش اورینگ!
بو بیلن بیرگه، اقتصادی مسئلهلر بیلرمانلریدن قطارینینگ ایتیشلریچه، یاشلر اوچون کوپینچه ایش فرصتلری بولمهگنی بیرحالده، مستقل ایش اولرنینگ درآمد قولگه کیلیتریشی توغریسیده بیر یول بوله آلهدی.
اقتصادی مسئلهلر بیلرمانلریدن شاپور یعقوبینینگ ایتیشیچه: «بو ایش نه فقط کیشینینگ درآمدی کوپهیشیگه یاردم بیرهدی، بلکیم مملکت اقتصادی رواجلنیشیگه هم ایجابی تاثیر قویه آلهدی. حاضرگی وضعیتگه قرهگنده ایشسیزلیککه قرشی مستقل ایش عملی و فایدهلی ییچیم یول صفتیده بوله آلهدی.»
بو توغریده ایش و اجتماعی ایشلر وزیرلیگینینگ فکرینی آلیش ایستهدیک؛ بیراق موفق بولمهدیک.
افغانستان ده ایش فرصتلری کمهیگنی بیلن، یاشلردن کوپ قطاری حیات نیازلرینی تامینلش اوچون مستقل ایشگه یوز کیلتیرگنلر.
