امریکا قوشمه ایالت‌لری نینگ نیویارک شهری ده بیرلشگن ملت‌لر تشکیلاتی نینگ ۷۸-عمومی ییغیلیشی بیرینچی کونیده، مذکور تشکیلات باش کاتبی و قوشنی همده منطقه اولکه‌لردن بیرقطاری، افغانستان ده انسان حقلری، سیاسی و اجتماعی وضعیت دن خواطر بیلدیریب، دنیا همجمعیت دن افغانستان ده‌گی وضعیت حلی اوچون دقت قیلیش‌لرینی سوره‌گنلر.
اوشبو ییغیلیش ده، قوشنی و منطقه مملکت‌لردن بیرقطاری اسلام امیرلیگی دن، افغانستان ده همه‌شمول حکومت شکللنیشی و انسان حقلری رعایت ایتیلیشینی طلب قیلگنلر.
مذکور ییغیلیش ده، ایران جمهور باشلیغی ابراهیم رئیسی و تورکیه دولت رهبری رجب طیب اردوغان نینگ ایتیشلریچه، دایمی ثبات برقرار ایتیلیشی اوچون افغانستان ده همه‌شمول حکومت شکللنیشی نیاز دیر.
بیزلرنینگ فیسبوک صحیفه‌میزگه باش اورینگ!
ایران جمهور باشلیغی نینگ کوپه‌یتیریشیچه: «افغانستان نینگ حاضرگی وضعیتی، منطقه ده غرب نینگ اره‌لشیش بیلگیسی دیر و عیاللر و باله‌لر شامل مینگلب کیشی نینگ اولیمی گه ضامن بولدی. افغانستان ده برچه قوم‌لر، مذهب‌لر شامل بولگن همه‌شمول حکومت شکللنیشینی ایسته‌یمیز.»
تورکیه دولت رهبری گه کوره: «افغانستان ده دایمی ثبات برقرار ایتیلیشی اوچون همه‌شمول حکومت شکللنیشی کیره‌ک و بو مملکت خلقی انسان پرورلیک یاردم‌لر گه محتاج دیر.»
باشقه تاماندن، اوتگن کونی ایران جمهورلیک ریاستی وبسایتیده ترقه‌لگن خبر اساسیده، ابراهیم رئیسی بیرلشگن ملت‌لر تشکیلاتی نینگ ییغیلیشی تیوره‌گیده، اوشبو تشکیلات باش کاتبی بیلن اوچره‌شیب و افغانستان نینگ سیاسی و اجتماعی کیله‌جگیدن خواطر بیلدیرگن.
شونینگدیک، اوزبیکستان جمهور باشلیغی شوکت میرضیایف، بیرلشگن ملت‌لر تشکیلاتی نینگ ۷۸- عمومی ییغیلیشی ده، دنیا همجمعیت دن افغانستان نینگ ایچکی مسئله‌لری حلی اوچون دقت قیلیب و افغانستان نی حاضرگی قلتیس شرایط ده یالغیز قوییشنی دنیا نینگ اینگ بویوک خطاسی عنوان قیلگن.
اوزبیکستان دولت رهبری، اونیتیش و تحریم‌لر یره‌تیلیشینی افغانستان ده‌گی وضعیت نی کیسکین‌لشتیریشی ممکن دیب آگاه‌لنتیرگن.
سیاسی ایش بیلرمان‌لردن بیرقطاری نینگ ایشانچی گه کوره، افغانستان ده‌گی وضعیت دن منطقه اولکه‌لری نینگ خواطر بیلدیریشی گه قره‌گنده، بو وضعیت دوامی منطقه و دنیا اوچون آغیر تمام بولیشی ممکن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان جاوید مومن نینگ ایتیشیچه، منطقه مملکت‌لری افغانستان ده همه‌شمول حکومت شکللنیشی و انسان حقلری رعایت ایتیلیشی اوستیگه تأکیدلش بیلن، غرب دسیسه‌لری برابریده اسلام امیرلیگینی آگاه‌لنتیریش اوچون تلاش قیلماقده‌لر.
او نینگ ایتیشیچه: «تحریم‌لر یره‌تیلیشی نه فقط اسلام امیرلیگی بلکه افغانستان خلقی اوستیگه تاثیر قیله‌دی، دنیا اسلام امیرلیگی بیلن تعامل قیلیش اوچون حل یول قیدیریشی کیره‌ک.»
بیرلشگن ملت‌لر تشکیلاتی نینگ ۷۸- عمومی ییغیلیشی ده، اوشبو تشکیلات باش کاتبی آنتونیو گوترش، افغانستان ده بشری وضعیت اینیقسه عیاللر نینگ وضعیتیدن خواطر بیلدیریب و افغانستان خلقی نینگ ۷۰ فایزی انسان پرورلیک یاردم‌لر گه محتاج‌لیگینی ایتگن.
بیرلشگن ملت‌لر تشکیلاتی نینگ ۷۸-عمومی ییغیلیشی، اوتگن کونی دنیا بویلب ۱۵۰ مملکت رهبرلری نینگ حضوری بیلن باشلندی و بیر هفته گچه دوام تاپیشی کوتیله‌دی؛ بیراق افغانستان بیرلشگن ملت‌لر تشکیلاتی اعضاسی بولسه ده لیکن بو ییغیلیش ده تکلیف قیلینمه‌گن.
