سلام‌وطندار نینگ ۱۰ دن ۱۷ یاشر بولگن ۲۰ اوسمیر ییگیت بیلن قیلگن صحبتی اساسیده، اوشبو اوسمیر ییگیت‌لر اقتصادی قیینچیلیک و کمبغل‌لیک طفیلی عایله اعضالری نینگ احتیاج‌لرینی تأمینلش اوچون مکتب نی ترک اېتگنلر.
اوشبو اوسمیر ییگیت‌لردن بیرقطاری، مملکت ده سۉنگی سیاسی اۉزگریشدن کېین مکتب و اوقیش نی ترک اېتگنلر.
غور ولایتی یشاوچیسی ۱۵ یاشر رمضان و پکتیالیک اوسمیر ییگیت‌لردن بیری محمدحنیف، سۉنگی ایکّی-اوچ ییل ایچیده مکتب نی ترک اېتگنلر ایتیشلریچه، سرپرست حکومت و باشقه نهادلر عایله اعضالری نینگ احتیاج‌لرینی تأمینلش اوچون همکارلیک قیلگن حالده، قیته دن مکتب باریب و اوقیش‌لری گه دوام بیریش‌لرینی اېته‌دیلر.
رمضان گه کوره: «اۉتگن ییل آلتینچی صنف اوقووچیسی اېدیم مکتب نی ترک اېتدیم، سامان ساته‌من و هر کونی ۱۰۰ افغانی ایشله‌ی من، ایدیش و پیاله یووه من، تمیزکارلیک قیله‌من، نان آلیب کېله‌من ایرته‌لب مکتب باریب و اوقیشنی اېسته‌ی من، شاق ایشنی کېله‌جگی یوق.»
شونینگدیک عایله‌لری نینگ احتیاج‌لرینی تأمینلش اوچون مکتب ترک اېتگنلردن باشقه بیری محمدحنیف نینگ کوپه‌یتیریشیچه: «ایشلش و عایله اعضالریم نینگ احتیاج‌لرینی تأمینلش اوچون مکتب نی قویباریش گه مجبور بولدیم، اوی ده هېچ نیرسه یوق، قیش هم اېتیب کېلماقده، هر کونی ۵۰ و ۱۰۰ افغانی ایشله‌ی من اوی ده یالغیز مین ایشله‌ی من و ۱۲ کیشی‌میز، عایله‌م قۉللب-قوتلنیب و زمینه یره‌تیلگن حالده مکتب باریشنی اېسته‌ی من.»
بیزلرنینگ فیسبوک صحیفه‌میزگه باش اورینگ!
۱۲ یاشر علی باسط، ایکّی ییلدن بېری مکتب نی ترک اېتیب و حاضر کابل شهریده بایسکل‌سازلیکده ایشله‌شینی اېته‌دی.
علی گه کوره، آته‌سی ایران ده ایشلب و عایله اعضالری نینگ احتیاج‌لرینی تأمینله‌ی آلمه‌یدی شونی اوچون مکتب نی ترک قیلیب و ایشلش گه مجبور بولگن.
اونینگ ایتیشیچه: «مکتب نی ترک اېتگنیمدن ایکّی ییل اوتماقده و ایشلش اوچون مکتب نی قویباردیم، ایشله‌گن پولیم بیلن اوی گه سودا آلیب باره‌من، شفاکار بولیشنی اېسته‌ی من.»
تخارلیک ۱۳ یاشر عبیدالله و غزنی ولایتی یشاوچیسی رفیع‌الله، عایله اعضالری نینگ احتیاج‌لرینی تأمینلش و کون بویی ایشلش اوچون، سۉنگی ایکّی ییلده مکتب نی ترک اېتگنلر.
بیزلرنینگ «ایکس» ترماغی ده هم تعقیب قیلینگ!
عبیدالله نینگ ایتیشیچه: «کراچی بیلن اېرته‌لب دن آخشم‌گچه ایشله‌ی من، یشاوچیلر نینگ یوک و بویوملرینی یېتکیزیب بیره‌من، عایله ده ۱۲ کیشی‌میز، ایکّی کیچیک ایناغه‌م پلاستیک ساته‌دی، هر کونی ۲۰۰ افغانی گچه ایشله‌ی من بو مقدار پول گه نان آلیب باره‌من، مکتب ده اوچینچی صنف اوقووچیسی ایدیم قویباریش گه مجبور بولدیم.»
غزنی یشاوچیسی رفیع‌الله گه کوره: «مکتب نی قویبارگنیمدن ایکّی ییل اوتماقده، توقیزینچی صنف اوقووچیسی اېدیم، بیر دکانیمیز بار او ییرده مصروف من، اقتصادی قیینچیلیک باعث ایشلش گه مجبور من، عایله خره‌جتی مینی ذمه‌م گه شونی اوچون مکتب باره آلمه‌دیم.»
شو بیلن بیرگه، اجتماعی ایش بیلرمان‌لردن بیرقطاری، مملکت ده اوسمیر ییگیت‌لر نینگ اوقیش و مکتب نی ترک اېتیش سلبی عاقبتیدن آگاه‌لنتیریب، بو معما کېله‌جک ده سوادسیز کیشی‌لرنی جامعه گه تقدیم قیلیب و محتاج جامعه شکللنیشی گه سبب بولیشینی اېته‌دیلر.
جمعیت‌شناس جمال‌الدین سلیمانی نینگ سلام‌وطندار گه ایتیشیچه: «یاشلر و اوسمیرلر نینگ مکتب نی ترک اېتیشی کوپه‌یگن و بونگه گواه‌میز حتا بیلیم یورت‌لرده؛ بونده‌ی ایشلرنی یامان عاقبتی بار و کمبغل‌لیک کوپه‌یشی گه سبب بوله‌دی؛ ایچیم یول شو که دولت احوال نی باشقریشی درکار، عایله‌لر هم باله‌لرینی اوقیش گه ترغیب قیلیش‌لری کېره‌ک.»
ایش و اجتماعی ایشلر وزیرلیگی مسئوللری گه کوره، اولر حاضر اولکه مقیاسیده سرپرست‌سیز و ایشلاوچی آلتی مینگ دن کوپراق باله نی اوقیش بیلن تأمینله‌گنلر.
اونینگ کوپه‌یتیریشیچه: «یېتیم و سرپرست‌سیز باله‌لر نینگ احتیاج‌لرینی تأمینلش ایش و اجتماعی ایشلر وزیرلیگی نینگ مسئولیتی دیر، شونی اوچون کابل و بوتون ولایت‌لرده اوقیش و تربیه‌لش اوچون باله‌لر اوینی قورگن، اوقیتیش یانیده آزیق-آوقت‌لری نظرگه توتیله‌دی.»
سۉنگی ایکّی-اوچ ییلده مکتب نی ترک اېتگن اوسمیر باله‌لردن بیرقطاری سلام‌وطندار بیلن اۉتکزگن صحبت‌لریده، مملکت ده ایشلش فرصتی یوق‌لیگی طفیلی عایله اعضالری نینگ احتیاج‌لرینی تأمینلش مقصدیده ایران و تورکیه گه مهاجر بولیش گه مجبور بولگنلرینی معلوم قیلگنلر. اولر نینگ ایتیشلریچه، حاضرگی کونده بو مملکت‌لرده کونده‌لیک ایشلاوچی صفتیده شاق ایشلرنی قیلیشماقده.
