اقتصاد وزیرلیگی سوزلاوچیسی عبدالرحمان حبیبنینگ ایتیشیچه، افغانستان گه امریکا یاردملری توختهتیلگنی سبب ایچکی و تشقی موسسهلردن قطارینینگ فعالیتلریدن بیر بولیمی توختهتیلگن.
اونینگ کوپهیتیریشیچه: «امریکا و بو تشکیلاتنینگ ترقیاتی ادارهسی آرقهلی تمویل بولهدیگن بو نهادلردن قطاری، فعالیتلریدن بیر بولیمی نی وقتینچهلیک شکلده توختهتگنلر.»
بیزلرنینگ «ایکس» ترماغی ده هم تعقیب قیلینگ!
اقتصاد وزیرلیگی سوزلاوچیسینینگ اورغولشیچه، اسلام امیرلیگی اوشبو وضعیتنی باشقریش اوچون تیارگرلیگی بار.
امریکا جمهور باشلیغی دونالد ترامپ، آق سرایگه یول تاپگنیدن کیین افغانستان گه پول یوباریش شامل برچه مملکتلرگه مالی یاردم یوباریشنی اوچ آیگچه توختهتگن. بیراق تشقی ایشلر وزیرلیگی اوتگن کون، مملکتلرگه قوتقرووچی انسانپرورلیک یاردملرنینگ اوشبو توختهتیلیش پروسهسی گه شامل بولمهگنینی اعلام قیلگن.
اقتصادی مسئلهلر بیلرمانلریدن قطارینینگ ایتیشلریچه، افغانستان گه امریکا یاردملری توختهتیلگنی بو مملکت اهالیسیگه جبران بولمهگن زیان نی ییتیشتیریشی ممکن.
بیزلرنینگ فیسبوک صحیفهمیزگه باش اورینگ!
اقتصادی مسئلهلر بیلرمانی قطبالدین یعقوبینینگ ایتیشیچه، اسلام امیرلیگی فایدهلی برنامهلرنی قولگه آلیش بیلن افغانستان گه امریکانینگ مالی یاردملری توختهتیلیشی تاثیرینی کمهیتیره آلهدی. اونینگ کوپهیتیریشیچه: «امریکا یاردملری کیسیلیشی، افغانستان اوچون بحرانلرنی اورته گه کیلتیره آلهدی و بو حتا خلقارا امنیت و منطقهیی ثباتنی خطر گه تشله آلهدی. بو توغریده ثباتلی ییچیم یول کوریلیشی کیرهک.»
بوندن آلدین اقتصاد وزیرلیگی مسلکی اورینباسری عبدالطیف نظری، افغانستان گه امریکا یاردملری توختهتیلگنیدن کیین، ۵۰ ته خلقارا موسسه و یاردم بیرووچی نهاد فعالیتینینگ ۲۸ ولایتده توختهتیلگنی نی ایتگن ایدی.