کابل یشاوچیلریدن قطاری قوراللی اوغریلیک کوپه‌یگنیدن شکایت قیلیب ایتیش‌لریچه، اوغریلر موتر و قورال بیلن راحت شکلده سرک‌لر و شهرده یوریدیلر.
کابل یشاوچیلریدن رویا کوشا نینگ ایتیشیچه، نیچه مدت آلدین اویی‌دن شهر تامان باره‌دیگن پیتده، ایکی قوراللی اوغری بوتون نرسه‌سی نی آلگن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، کوچه‌ده بیر قطار کیشی نینگ موجود بولگنی بیلن، بیراق اوز جان‌لری نی سقلش‌لری اوچون اوغریلر گه هیچ بیر نرسه دیمه‌ی، آره‌لشمه‌گنلر. «اویی‌میز سرک‌نو ده؛ اویدن چیقیب و شهر تامان حرکت قیلدیم، قوراللی اوغریلر بیلن روپه‌ره بولدیم و بوتون دار و ندارینگ نی تسلیم قیلیشیم نی ایسته‌دیلر.»
کابل شهری یشاوچیلریدن کامل عصمتی نینگ ایتیشیچه: «کیچه ایدی و اوی گه باره دیگنیم چاغده، خیرخانه نینگ ۳۱۵ ساحه‌سیده قوراللی اوغریلر بیلن روپه‌ره بولدیم. نیچه چاقو اوردیلر و پولم نی آلیب و کیتدیلر.»
کابل شهری یشاوچیلریدن باشقه بیری جمشید نینگ ایتیشیچه: «کیچه تامان دفتردن اوی تامان باره‌دیگنیم چاغده، دشت برچی نینگ کوچه‌لریدن بیریده قوراللی ایکی اوغری بیلن روپه‌ره بولدیم. برچه دار و نداریم نی اولر گه تسلیم قیلیشیم نی ایسته‌دیلر.»
عین حالده، ایچکی ایشلر وزیرلیگی نینگ ایتیشیچه، کونده پایتخت ده اونلب کیشی جنایی جرم‌لر عیبی بین قولگه آلینه‌دی.
بیزلرنینگ توییترده هم تعقیب قیلینگ!
ایچکی ایشلر وزیرلیگی سوزلاوچی اورین‌باسری بسم‌الله حبیب نینگ ایتیشیچه: «کونده اونلب کیشی شهر نینگ تورلی ساحه‌لریدن قوراللی اوغیرلاوچیلیک عیبی بیلن قولگه آلینیب و عدلی نهادلر گه تاپشیریله‌دی. اهالی‌دن ایچکی وزیرلیگی بیلن همکارلیک قیلیش‌لری نی ایسته‌یمیز.»
ایتیش کیره‌ک که، نیچه ییل‌دن بیری کابل شهریده قوراللی اوغریلیک پایتخت یشاوچیلری نینگ جدی قیین‌چیلیکلریدن بیری دیر که، کابل یشاوچیلریدن قطاری سونگی نیچه آی‌لرده قوراللی اوغریلر کوپه‌یگنیدن شکایت قیله‌دیلر.