ایچکی ایشلر وزیرلیگی ترافیک عمومی ریاستی مسئوللری نینگ ایتیشلریچه، جاری ییل حمل آیی‌دن حاضرگچه مملکت‌ده ۲۹۰دن آرتیق ترافیکی حادثه یوز بیریب و نتیجه‌ده، ۱۴۱ کیشی اولیب و ۵۰۰دن آرتیق کیشی ایسه یره‌لنگن.
اوشبو ریاست نینگ پلان مدیری عبدالودود خیرخواه، ترافیک بیلگیلر یوقلیگی، سرک‌لر خراب‌لیگی و هیداوچیلر نینگ احتیاط‌سیزلیگی نی، مملکت‌ده ترافیکی حادثه‌لر یوز بیریشی گه سبب بوله‌دیگن عامل‌لردن عنوان قیلگن.
بیزلرنینگ فیسبوک صحیفه‌میزگه باش اورینگ!
خیرخواه نینگ ایتیشیچه: «حمل آیی باشلنگنی‌دن حاضرگچه، مملکت‌ده ۲۹۱دن آرتیق ترافیکی حادثه یوز بیریب و اولر نینگ نتیجه‌سیده ۱۴۱ کیشی اولیب و ۵۰۴ کیشی ایسه یره‌لنگن.»
شونده‌ی بیرحالده، پروان ولایتی یشاوچیسی بولمیش منصور نینگ ایتیشیچه، نیچه کون آلدین کابل-پروان قتناو یولی‌ده یوز بیرگن ترافیکی بیر حادثه‌ده اوزی گه زیان ییتیشمه‌ی، بیراق دوست‌لری ایسه یره‌لنگن.
او هیداوچیلر نینگ احتیاط‌سیزلیگی و قتناو یول‌لرده ترافیکی بیلگیلر یوقلیگی نی ترافیکی حادثه‌لر گه سبب بوله‌دیگن اصلی عامل عنوان قیلگن. «اوزیم کورگنیم نرسه نی ایته‌من. نیچه کون آلدی بیر موتر کیلیب موتریمیز نی اوردی و نیچه دوستم یره‌لندی. ترافیکی حادثه‌لر سببی هیداوچیلردن قطاری نینگ هیداوچیلیک جوازی یوقلیگی و ترافیکی بیلگیلر یوقلیگی دیر.»
شونینگدیک نیچه کون آلدین ترافیکی بیر حادثه‌ده یره‌لنگن بغلان یشاوچیسی بولمیش خالد، ایچکی ایشلر وزیرلیگی ترافیک ریاستی‌دن موترلر سرعتی نینگ کنترول بولینیشی نی ایسته‌یدی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «ترافیکی حادثه‌لر نینگ یگانه سببی، احتیاط‌سیزلیک و تیز هیده‌ش دیر. یوز بیرگن ترافیکی حادثه‌ده بیزلردن ایکی‌ته‌میز یره‌لنیب و بیرته‌میز جدی جراحت کوتارگن ایدی. هیداوچیلردن احتیاط قیلیشلری و شونینگدیک ترافیک پولیسی‌دن موترلر سرعتی کمه‌یشی اوچون تلاش قیلیشلری نی ایسته‌یمن.»
ایتیش کیره‌ک که، بوندن آلدین سرپرست حکومت ایچکی ایشلر وزیرلیگی سوزلاوچیسی عبدالمتین قانع، اوتگن قویاش ییل نینگ آخرگی آلتی آیی‌ده ۱مینگ ۹۷۸ ترافیکی حادثه ثبت بولیب و ۹۴۹ کیشی نینگ اولگنی نی ایتگن ایدی.
