کاپیسا و بدخشان ده سونگی بیر کونده ایکی کیشی اوزینی اولدیرگن. کاپیسا امنیه قوماندانلیگی سوزلاوچیسی عبدالفتاح فائز نینگ ایتیشیچه، اوشبو ولایت‌ده ۲۰ یاشر بیر ییگیت آو قورالی بیلن اوزینی آتیب اولدیرگن.
جناب فائز نینگ کوپه‌یتیریشیچه، مذکور واقعه اوتگن کون (یک‌شنبه، ۱۰-سرطان)، کاپیسا مرکزی محمود‌راقی شهری اطرافیده جایلشگن «قلعه‌چه» قیشلاغیده یوز بیرگن.
بیزلرنینگ «ایکس» ترماغی ده هم تعقیب قیلینگ!
کاپیسا امنیه قوماندانلیگی سوزلاوچیسی گه کوره، نثار اسملی اوشبو ییگیت قیز سیوگیلی‌سی بیلن لفظی جنجل قیلگنی‌دن کیین، اوزینی اولدیرگن.
شونینگدیک بدخشان امنیه قوماندانلیگی نینگ ییتکرمه‌لر دفتری بیر بیانیه ترقه‌تیب ایتیشیچه، اوتگن کونی مذکور ولایت فیض‌آباد شهری نینگ بیشینچی ناحیه‌سیده، ۲۱ یاشر بیر ییگیت اوزینی اولدیرگن.
مذکور دفتر نینگ کوپه‌یتیریشیچه، سمیع‌الله اسملی اوشبو ییگیت سیچقان داروسی ییب، اوزینی اولدیرگن.
بیزلرنینگ فیسبوک صحیفه‌میزگه باش اورینگ!
حاضرگچه اوشبو واقعه سببی بیللی بولمه‌‌گنی و بو توغریده تدقیقات‌لر باشلنگن.
سونگی ییل‌لر تورلی ولایت‌لرده ییگیت‌لردن کوپ قطاری اوزینی اولدیرگن که عایله‌وی زوره‌وانلیک، ایش‌سیزلیک و روحی قیین‌چیلیک‌لر اونینگ اصلی سبب‌لریدن دییلگن.
