اسلام امیرلیگی فواید عامه وزیرلیگینینگ اعلام قیلیشیچه، اوتگن بیر هفتهده افغانستان تیمیر یوللری آرقهلی ۱۰۳ مینگ ۲۶۳ متریک تُن توار، آلیش-بیریش بولگن.
فواید عامه وزیرلیگی سوزلاوچیسی محمداشرف حقشناس، بوگون (۲۰-اسد، دوشنبه)، بیر بیانیه آرقهلی یازیشیچه، بو آلیش-بیریش ۱۰ دن ۱۶-اسدگچه عملگه آشیریلگن.
بیزلرنینگ «ایکس» ترماغی ده هم تعقیب قیلینگ!
بیانیه اساسیده، حیرتان بندری آرقهلی ۶۸ مینگ ۲۲۷ تُن، آقینه بندری آرقهلی آلتی مینگ ۲۴۹ تُن و تورغندی بندری آرقهلی ۱۶ مینگ ۵۳۷ تُن توار آلیش-بیریش بولیب و اولر نفت و نفت بولمهگن توارلردن عبارت دیر.
فواید عامه وزیرلیگی سوزلاوچیسینینگ کوپهیتیریشیچه، بیر هفتهده ۵۹۷ تُن توار تیمیر یوللریدن افغانستان گه صادر بولگن که اولردن بیر بولیمی، قوروق میوه و انار سوی دیر.
بیزلرنینگ فیسبوک صحیفهمیزگه باش اورینگ!
فواید عامه وزیرلیگیگه کوره، تیمیر یوللریدن صادرات و وارداتنینگ کوپهیگنی، کوپینچه ایش فرصتلری، ملی عاید کوپهیشی، اقتصادی ثبات، رواجلنیش و خودکفالیک فرصتلری یرهتیلیشیگه سبب بولهدی.
مذکور وزیرلیکنینگ کوپهیتیریشیچه، تیمیر یول آستقورمهلری کوچهیشی، آلیش-بیریش جریانیده آسایشتهلیک و سوداگرلرنینگ قوللب-قوتلش اوچون، تیمیر یوللر آرقهلی یوک تاشیش یوللرینی برقرار، تیز و فایدهلیراق قیلیشگه حرکت قیلماقده.
