بیرلشگن ملتلر تشکیلاتی خوفسیزلیک کینگشی، چهارشنبه کونی، ۳۱ جوزا، اوشبو تشکیلات مقری ده ییغیلیش یولگه قوییب و افغانستان وضعیتینی محاکمه قیلگنلر.
مذکور ییغیلیش ده، افغانستان اوچون بیرلشگن ملتلر تشکیلاتی باش کاتبی نینگ مخصوص نماینده‌سی روزا اوتنبایوا، اوتگن اوچ آی جریانیده افغانستان وضعیتی گه دایر یوناما نینگ تیکشیرو نتیجه‌سینی شریک قیلگن.
اسلام امیرلیگی تامانیدن قدرت قمراو گه آلینیشی، خاتین قیزلر نینگ حقوقینی قبول قیلیش اوچون سرپرست حکومت نینگ تیارگرلیک کورستمسلیگی و یشاوچیلرنی منطقه‌لریدن زوردن کوچیریش، خانم اوتنبایوا گزارشی ده سرپرست حکومت گه نسبتن بیریلگن مهم تنقیدلردن دیر.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی باش کاتبی نینگ مخصوص نماینده‌سی گه کوره، افغانستان ده همه شمول حکومت شکللنمسلیگی اوشبو مملکت ده ثبات‌سیزلیککه سبب بولیشی ممکن دیب و سرپرست حکومت، خاتین قیزلر نینگ حقوقینی قبول قیلیش اوچون دنیا همجمعیت نینگ ایستک‌لرینی قبول قیلمه‌گونچه تن آلینمسلیگینی ایتگن.
بیراق سرپرست حکومت، افغانستان وضعیتی گه دایر یولگه قوییلگن خلق‌ارا سونگی ییغیلیش‌لرده سیستماتیک روشده اوشبو حکومت گه قرشی‌لیک کورسه‌تیلگن و اسلام امیرلیگی منفعت‌لرینی دنیا ایستک‌لری قربانی قیلیش گه تیار ایمسلیگینی ایتگن.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه: «افسوس بیلن سونگی کون‌لرده یولگه قوییلگن ییغیلیش‌لرده، اسلام امیرلیگی بیلن سیستماتیک روشده قرشی‌لیک کورسه‌تیلگن.»
عین‌حالده، بیرلشگن ملتلر تشکیلاتی میلادی اوشبو ییل نینگ می آی بیرینچی و ایکینچی کون‌لریده قطر نینگ دوحه شهری ده ییغیلیش یولگه قوییب و اسلام امیرلیگی بیلن قنده‌ی تعامل قیلیشنی محاکمه قیلگن ایدی.
ایش بیلرمان‌لردن بیرقطاری نینگ ایشانچی گه کوره، بیرلشگن ملتلر تشکیلاتی خوفسیزلیک کینگشی، دوحه ییغیلیشی غایه‌لرینی ایزلش مقصدیده، اوشبو ییغیلیشنی یولگه قویگن.
سیاسی ایش بیلرمان عزیز معارج نینگ ایتیشیچه: «خوفسیزلیک کینگشی نینگ ایچکی پروسیجری اساسیده، بیرینچیدن انسجام، ایکینچیدن مصلحت و کیین ایسه چیکلاو یره‌تیش اوچون عمومی ییغیلیش یولگه قوییله‌دی، مصلحت ایشیتیلمه‌گن حالده، بیرلشگن ملتلر تشکیلاتی نینگ بیشینچی فصلی ۴۲ و ۴۳ ماده‌سی اساسیده قطعی قرار آلینه‌دی.»
بیزلرنینگ توییترده هم تعقیب قیلینگ!
سیاسی ایش بیلرمان‌لردن باشقه بیری نجیب‌الرحمان شمال گه کوره: «چیکلاو یره‌تیلیب و یاردم‌لر محدود یا که کیسیلگن تقدیرده افغانستان خلقی اونمی گه ایمس و اقتصادی احوال آغیرلشی ممکن.»
شونینگدیک، ایش بیلرمان‌لردن باشقه بیرقطاری گه کوره، اسلام امیرلیگی تامانیدن دنیا همجمعیت نینگ ایستک‌لری قبول قیلینمسلیگی، افغانستان نی سیاسی تنزل و ثبات‌سیز قیلیشی ممکن.
خلق‌ارا مناسبت‌لر ایش بیلرمانی سیدضیا حسینی نینگ ایتیشیچه: «سرپرست حکومت دنیا بیلن تعامل قیلیش اوچون، خلق‌ارا قاعده‌لرنی رعایت قیلیشی کیره‌ک.»
ایتیش کیره‌ک که، اسلام امیرلیگی دنیا همجمعیت تامانیدن تن آلینیشی اوچون حاضرگچه اولر نینگ ایستک‌لریدن هیچ بیری گه تن بیرمه‌گن.
