هندوستان تشقی ایشلر وزیرلیگی، اوشبو مملکت عملدارلری اسلام امیرلیگی تشقی ایشلر وزیری امیرخان متقی بیلن، ایکی تامانلمه مناسبتلر و منطقهوی مسئلهلرنی محاکمه قیلیشی ممکن دیگن.
هندوستان تشقی ایشلر وزیرلیگی سۉزلاوچیسی رندهیر جیسوال، ۱۷-میزان، پنجشنبه کونی ایکس صحیفهسیده ترقهتگن بیانیهده، امیرخان متقی ینگی دهلی گه باریب و بو مملکت رسمیلری تامانیدن کوتیب آلینگنینی بیلدیرگن.
هندوستان تشقی ایشلر وزیرلیگی سۉزلاوچیسی شوندهی دیب یازگن: «بیز او بیلن ایکی تامانلمه مناسبتلر و منطقهوی مسئلهلر حقیده قیزیقرلی صحبت قیلیشنی اینتیقلیک بیلن کوتماقدهمیز.»
اسلام امیرلیگی تشقی ایشلر وزیرلیگی، ۱۶-میزان، چهارشنبه کیچه، امیرخان متقی هندوستانلیک همکسبی رسمی تکلیفی بیلن ینگی دهلی گه جونب کیتگنیدن خبر بیردی.
اوشبو وزیرلیکنینگ ایتیشیچه، امیرخان متقی اوشبو سفری دایرهسیده هندوستان عملدارلری بیلن افغانستاننینگ منطقه بیلن سیاسی، اقتصادیات و سوداگرلیک مناسبتلرینی بحث گه آلیشی کوتیلهدی.
