اسلام امیرلیگی باش وزیرینینگ اقتصادی اورین باسری ملا عبدالغنی برادر و تورکمنستان باش وزیری اورین باسری و تشقی ایشلر وزیری رشید مرادوف، تاپی لایحهسی، تیمیر یول و برق مسئلهلری حقیده بحث ایتدی.
اسلام امیرلیگی سوزلاوچیسی اورین باسری حمدالله فطرت، بوگون (۱۲ دلو / ۱ فبروری، یکشنبه) ایکس صحیفهسیده بیر بیانیه ترقهتیب، تامانلر هرات گه اوچرهشگنلرینی بیلدیردی.
بیانیه گه کوره، اوشبو اوچرهشووده ملا برادر تاپی لایحهسی ایشی باشلنیشی بیلن اسلام امیرلیگی، تورکمنستان و منطقه بویلب مملکتلر اورتهسیدهگی مناسبتلر کینگهیشیگه سبب بولگنینی ایتگن.
شو بیلن بیرگه، اسلام امیرلیگی باش وزیرینینگ اقتصادی اورین باسری تورکمنستاندن، تورغندی-هرات تیمیر یولی بارهسیده اوز موضوعسینی انیقلشینی سورهگن.
شونینگدیک او، بالا مرغاب، خماب و قرقین تومنلریگه برق ییتکزیش و منطقهنی اولشتیریش لایحهلرنی باشلشده افغانستان تیار ایکنینی بیلدیریب و ایکی مملکت اورتهسیدهگی جاری لایحهلرده افغانستانلیکلر اوچون ایش امکانیتی یرهتیلیشیگه تأکید ایتگن.
بو اوچرهشووده تورکمنستان باش وزیری اورین باسری و تشقی ایشلر وزیری رشید مرادوف، اوشبو میلادی ییل یکونیگه قدر، تاپی لایحهسی ایشی هرات مرکزیگچه ییتکزیلیش وعدهسینی بیرگن.
بیانیگه کوره، تورکمنستان تامانی بو ممکت تورغندی-هرات تیمیر یول لایحهسیده سرمایه کیریتیش گه تیار ایکینینی بیلدیریب و تورغندیده ایش عملی شکلده باشلنگنینی و اوشبو مملکت بیش یونهلیش آرقهلی افغانستان گه برق ییتکزیب بیریش و اونینگ قووتینی آشیریش گه سعی-حرکت قیلماقدهلیگینی ایتگن.
بولر یانیده، تامانلر افغانستان و تورکمنستان اورتهسیدهگی سودا مناسبتلر کینگهیشی، بانک ساحهسیده همکارلیک قیلیش، ایش فرصتلری یرهتیلیشی و تورلی بولیملرده اقتصادی لایحهلرنی قوشمه باشقریش مسئلهلری حقیده هم بحث ایتگن.
