اسلام امیرلیگی وزیرلر کینگشی تامانیدن «اونگ قول» موترلر وارد قیلینیشی منع قیلینگچ، کابل شهریده ایریم هیداوچیلر اوشبو قرارنی خوش قرشیلب، سرکلر خوفی همده یول حادثهلری کمهیشی اوچون مهم بیلهدیلر.
کابل شهریده هیداوچیلردن همایون سلاموطندار بیلن صحبتده شوندهی دییدی: «مینینگ فکریمچه اونگ قول موترلری کمیسه یخشی. چونکه سرکلرده اوشبو موترلر بیلن هیداوچیلیک قیین و یول حادثهلری کوپراق یوز بیریشی ممکن، بو یخشی اقدام.»
موتر هیداوچیلردن باشقه بیری بهروز گه کوره: «اونگ قول موترلر بیلن هیداوچیلیک قیلیش قیین و حادثه یوز بیریشی کوپ. بو خلق خوفسیزلیگی اوچون بولسه یخشی قرار و خوش قرشیلهیمیز.»
ایریم هیداوچیلر، هیداوچیلرنینگ ییترلیچه مهارتی یوقلیگی، یول قاعدهلری رعایه قیلینمسلیگی و افغانستان قتناو یوللریده «اونگ قول» موترلردن قوللنیشنی، یول حادثهلری یوز بیریش اصلی عاملی دیب عنوان قیلهدیلر.
کابل-لغمان یونهلیشیده هیداوچی فریدالله شوندهی دییدی: «یونهلیشلرده کوپینچه یول حادثهلری یوز بیرهدی، ۱۲ ییلدن بیری مین بو یونهلیشده هیداوچیلیک قیلهمن و یول حادثهلری گواهی بولگن من. اوتگن کون اونگ قول بولگن سراچه رسوملی موتر تیلری رسوملی موتردن اوتیش پیتیده کرولا بیلن توقنشدی، موتر بوزیلدی و برچه یولاوچیلر ضرر کوردی.»
اسلام امیرلیگی مالیه وزیرلیگینینگ ایتیشیچه، وزیرلر کینگشی قراریگه بناً اونگ قول موترلری همده بو موترلرنینگ اساسی پرزهلرینی کیلتیریش منع قیلینگن.
حاضر افغانستان باجخانهلریده بولگن موترلر اوشبو قرار انابت گه آلینیش بیلن مملکتدن چیقریلیشینی معلوم قیلهدی، مالیه وزیرلیگی.
اسلام امیرلیگی مالیه وزیرلیگی سوزلاوچیسی عبدالقیوم نصیر گه کوره: «بو وزیرلیک اونگ قول موترلری و اونینگ پرزهلری – مملکت ایچیده کیلتیریلیب باغلنهدی منع قیلگن بونی یانیده مالیه وزیرلیگی وزیرلر کینگشی قرارینی انابت گه آلیب مملکت باجخانهلریدهگی اونگ قول موترلرنی اولکهدن چیقریش گه قرار قیلگن.»
مالیه وزیرلیگی سوزلاوچیسینینگ تأکیدلشیچه، اونگ قول موترلر کیلتیریلمسلیک قراری برچه باجخانهلرده جدی روشده عملگه آشیریلهدی و هیچ کیم یا کی ارگان گه بو موترلرنی کیلتیریش گه رخصت بیریلمهیدی.
ترانسپورت ساحهسی متخصصلری هم بو قرارنی یول ترتیبی اوچون مهم بیلسهلر-ده، بیراق حکومتدن سرک آست قوریلمهلری یخشیلنیشی و بو موترلر کیلتیریلمسلیک اوچون باشقه ورینت امکانیتینی یرهتیش گه حرکت قیلیشینی سورهیدیلر.
متخصصلرنینگ فکریچه، اونگ قول موترلر مملکت گه کیلتیریلمسلیک قراری، یول حادثهلری کمهیشی و سرکلر ترتیبی یخشیلنیشی اوچون یاردم بیریشی ممکن. اولرنینگ تأکیدلشیچه، ترانسپورت آست قوریلمهلری کینگهیتیریلیشی، یوللرنی قیته تعمیرلش همده افغانستان شرایطی گه ماس ترانسپورت واسطهلری بیلن تأمینلش هم ترانسپورتنی ثمرهلی باشقریش و یول حادثهلری سانینی کمهیتیریشنینگ مهم عامللریدن حسابلنهدی.
